لو شلت البطاريه ممكن العربيه تدور زق

[eisaa100]

لو شلت البطاريه ممكن العربيه تدور زق؟؟؟؟؟؟؟؟؟؟؟؟


تم تعديل العنوان
م.ع 7

[Mecha]

مش هتدور وهتخرب الدنيا

[micromoud]

لا مش هتدور لكن ممكن تشيلها وهى دايرة...

[ahmed1981]

هو إجراء غلط عموماً
ومنصحكش تعمله
لكن حسب تجربتي في عربية 128 قديمة
أيوه هتدور

[Abo_Mazen]

هو إجراء غلط عموماً
ومنصحكش تعمله
لكن حسب تجربتي في عربية 128 قديمة
أيوه هتدور

ما أنا كنت عاوز أقول إنها هتدور فعلا ..لإن فيه ديناموا ..والدينامو بيلف وبيولد كهربا ..هي صحيح قليلة لكن ممكن مع الزقه الجامده وصبر اللي هيرمي للعربيه إن العربيه تجمع سرعة كويسة ويا سلام لو على منزل ..يبقى هتدور ..مش هتدور ليه ..ما بديل البطارية الدينامو...وبديل المارش حركة العجل اللي إنتقلت لغاية ما وصلت لعمود الكرنك وده من خلال الرميه اللي بتتعمل وهي العربيه بتتزق ..إيه اللي مش هيخليها تدور ؟؟؟؟..معلش أنا عاوز أعرف وجهة نظر السادة الأعضاء اللي قالو مش هتدور

[fadymedhat]

العربية مستحيل تدور من غير بطارية.....مفيش اصلا كونتاك هيفتح ولا مارش هيلقط و لا دينامو هيشتغل....ازاى تدور بقى..

[فتح الباب]

تدور وتمشى وتقيد نور عادى خالص ياما دقت على الراس طبول ده احنا اللى بدعنا الفقر فى الجمهوريه هههههه وشوفو بقى لما حد مصرى يبدع

[Abo_Mazen]

العربية مستحيل تدور من غير بطارية.....مفيش اصلا كونتاك هيفتح ولا مارش هيلقط و لا دينامو هيشتغل....ازاى تدور بقى..

ياباشا فيه كهربا جايه من الدينامو اللي بيلف ..لإن العربيه بتتزق

[eisaa100]

اللى اعرفه ان الدينامو بياخد تغذيته(المجال المغناطيسى للعضو الثابت ) من البطاريه
لكن الدينامو الصغير اللى بنركبه ف العجله عشان ينور كشاف فيه مغناطيس دائم لا يحتاج تغذيه والكشاف بينور
اللى انا مش عارفه دينامو العربيه فيه مغناطيسيه متبقيه ضعيفه ولا لأ
عشان كده مش عارف هتدور ولا لأ ؟؟؟؟؟؟

[Abo_Mazen]

اللى اعرفه ان الدينامو بياخد تغذيته(المجال المغناطيسى للعضو الثابت ) من البطاريه
لكن الدينامو الصغير اللى بنركبه ف العجله عشان ينور كشاف فيه مغناطيس دائم لا يحتاج تغذيه والكشاف بينور
اللى انا مش عارفه دينامو العربيه فيه مغناطيسيه متبقيه ضعيفه ولا لأ
عشان كده مش عارف هتدور ولا لأ ؟؟؟؟؟؟

كلام حضرتك ده يعتبر فيصلي في إجابة السؤال ..لإن فعلا لو الدينامو لازم ياخد كهربا عشان المغناطيس يبقى فعال ..فكده فعلا مستحيل العربية تشتغل من غير بطارية

[eisaa100]

فاضل نجاوب ع السؤال

[فتح الباب]

فاضل نجاوب ع السؤال

!!!

[mohamesabra]

العربيه هتدور عادى جدا وانا متأكد من كلامى لان العربية اخترعت قبل مايكون فى حاجة اسمها بطارية وكانوا بيدورا العربيات بالمنفلة اللى بتكون موجده فى مقدمة العربية طلع لها عمود من الماتور وده اللى استبدلناها بالبطارية والمواتير اللى اعتمادها الكلى على الكهربة وهنا نقدرنقول انى المنفلة زمان = الزقه دلوقتى

[Mecha]

طب ليه كل عضو معاه عربيه ,يشيل البطاريه ويجرب وان دارت يمشي ويدوس بيها ,وكمان اللي عنده بطاريه يدور والمكنه دايرة يشيلها ونشوف هيجري اييه ,والبكا يبا علي راس الميت

[eisaa100]

العربيه هتدور عادى جدا وانا متأكد من كلامى لان العربية اخترعت قبل مايكون فى حاجة اسمها بطارية وكانوا بيدورا العربيات بالمنفلة اللى بتكون موجده فى مقدمة العربية طلع لها عمود من الماتور وده اللى استبدلناها بالبطارية والمواتير اللى اعتمادها الكلى على الكهربة وهنا نقدرنقول انى المنفلة زمان = الزقه دلوقتى

بس دلوقتى العربية فيها كارتة تحكم وحساسات تعمل الكهرباء وهو ما ام يكن موجود أيام المنفله