سؤال بسيط عن العزم الاقصي في السيارات

[adelmagdy]

يا جماعة دلوقت كل عربية بيبقي ليها عزم اقصي عند عدد لفات معينة يعني علي سبيل المثال لو عربية عزمها الاقصي 142 ن.م عند 3200 ار بي ام الكلام ده بقي بيبقي علي اخر نقلة ولا ايه ولا عند كل نقلة اصل طبيعي انك توصل ل3200 ار بي ام علي اي نقلة ولا هما بيحسبوها بدون اضافة الجير بوكس حمل الموتور فقط ولا ايه ارجو الافادة

نقل للورشة بمعرفتى

مشرف المنتدى العام

[fatalerror9]

dah 3azem el matoor men 3'eer el teroos
la2n kol teres leeh ba3d keda 3azm we sor3a
we el sor3a tatnaseb 3aksean ma3 kotr el teres we 3azmoh
ya3ny
el teres al awal kotroh kebeer 3azmoh kebeer we sor3etoh so3'erah
we kol ma yes3'ar el teres sor3etoh tezeed we 3azmoh ye2el
we 3alashan keda bardo ent mayenfa3sh tetla3 bel el 7'ames le2n 3azmoh mesh 2d wazn el 3arbeah fe 7alet el sekoon
walaken bedayah el teres el 7'ames 3and 80km bekoon wazn el 3arbia al gedan + "momentum" al kosor alzaty
ana asef 3ala al etala

[Sameh]

على كل نقلة يا باشا ، ده منحنى العزم مع عدد اللفات للموتور نفسه ، العزم هيوصل لأقصاه عند عدد لفات معين وبعدين يرجع يقل ، هو ده عدد اللفات اللى بتقرأه ، وطبعاً ممكن توصله مع كل نقلة ، وبتلاحظ إن لو مدى الغيار بدرى العربية مش بتسحب جامد لحد ما (تجمع) يعنى توصل قريب أو عند عدد اللفات بتاع أقصى عزم ساعتها بتلاقى العربية نشيطة أوى على الغيار ده ، وهكذا على كل غيار

المواتير اللى بتخرج أعلى عزم ليها عند آر بى إم منخفضة بتبقا مثالية للسواقة فى المدينة حيث سير وتوقف بإستمرار ومافيش فرصة للقرص على الموتور ، وبتكون طلعتها قوية ، أما المواتير اللى بتخرج أقصى عزم ليها عند لفات عالية بيكون أدائها رياضى ومناسب أكتر للجرى وبتاخد أدائها بالقرص على الغيار شوية ، وبطلع قوتها عند آخر النقلة مش فى أولها لو بتنقل طبيعى

[adelmagdy]

شكرا يا جماعة علي الافادة

[ams]

العزم هيوصل لأقصاه عند عدد لفات معين وبعدين يرجع يقل

عدد اللفات المعين ده لاقصى عزم هو اللى بيكون عنده الحريق للوقود احسن ما يكون

[bishoy02010]

معلومات قيمة :)

[mo7a_mo7a]

علي اي نقلة طبعا
الفرق حيكون في السرعة

[sa3dawy]

معلومات قيمة :)

+
10000
طيب يا جماعة اية الى بيحدد سحب العربية اكتر .. التورك ولا الهورس باور؟؟ (انا عارف ان هوا سؤال مبتدئين شوية بس معلش )

[استشارى ميكانيكا نايل موتورز]

عزم المحرك هو المسؤل عن التسارع
قدرة المحرك هى المسؤلة عن السرعة القصوى

استشارى المنتدى

[Sharaf2009]

يعتمد عزم المحرك على سرعة الدوران (rpm) وعلى حمل المحرك او وضع دواسة الوقود (Engine Load)

القيمه المعطاه فى الكتالوج سواءا كانت العزم او القدره فهى عند أقصى وضع للدواسه Full Engine throttle يعنى الموتور جايب أخره
شكل curve نفسه بيعتمد على حاجات كتير منها تصميم غرفة الاحتراق - كامه واحده ولا اتنين - فيه تربو ولا لأ. بالمناسبه الـ ENGINE PERFORMANCE CURVE بيتم قياسه من خلال الديناموميتر.

اما curve عند الحمل الجزئى فبيكون نفس الشكل ولكنه اقل ومزاح الى اسفل

الخلاصه: خارج المحرك بيعتمد على دوسة رجل السواق واجمالى المقاومات اللى بيواجها المحرك.

اجابة استشارى المنتدى طبعا فى محلها

[mecho_392]

الفرق بين العزم و القدرة

+
10000
طيب يا جماعة اية الى بيحدد سحب العربية اكتر .. التورك ولا الهورس باور؟؟ (انا عارف ان هوا سؤال مبتدئين شوية بس معلش )

العزم هو اللى بيحدد التسارع بس ده لحد ما توصل للسرعة اللى عندها اقصى عزم نفترض rpm 3000 يعنى (Normal Power. Maximum Brake Torque (MBT بعد السرعة دى العزم يبدأ يقل و مع زيادة سرعة دوران المحرك القدرة هنا هى اللى بيبان تأثيرها حتى الوصول لسرعة الدوران التى تعطى اقصى قدرة للمحرك يعنى المحرك بيعمل فى نطاق القدرة القصوى Maximum Power. يعنى Wide Open Throttle WOT

يعنى فى بداية الحركة هتحتاج عزم علشان تتغلب على الاحتكاك... (زى الطلعة) و هيكون العزم بيزيد مع السرعة

و ده منحنى بيوضح الكلام ده

http://www.autodrome-cannes.com/torque_power_curve_zonda_f.jpg

الاحمر هو العزم Torque و لاحظ زى ما ذكرت انه بيزيد و بعدين يقل

الازرق هو القدرة و لاحظ الزيادة المستمرة

[mido_919]

الف شكر يا جماعة علي التوضيح

[mga747]

فى فترة التليين ... بنقل عند أعلى عزم ؟؟؟

[mecho_392]

فى فترة التليين ... بنقل عند أعلى عزم ؟؟؟

ايوه يا باشا يعنى حاول متعديش 3000 لفه.. لكن فى محركات كتيير اقصى عزم ليها عند 4500 لفه و اركام كبيرة و غالبا بتكون 16 صمام.. فى الحالة دى انقل عند 3000 لفه كويس جداااا علشان استهلاك البنزين يبقى كويس و تحافظ على المحرك.. و لو اقل عزم عند 2800 مثلا او 2500 انقل عندها.