مبتديء في عالم السواقة :)

[ShekoT]

السلام عليكم .. عندي مشكلة بس مش الي من النوع الكارثي .. مشكلتي بس اني اتعودت واتدربت علي سواقة عربيات حديثة موديلات 2010 - 2015 ومعايا لانوس 2010 وجبت ابيزا 94 عشان حبيت الكلام عليها ومن تجربه ناس افاضل حكولي عنها .. انا متعود علي ريفيرس اللانوس عادي موضوع السوستة بس في الابيزا سوسته بردوة بس زي تكه لتحت وبعدين الغيار .. المشكله ان ساعات كتير مش بعرف اجيب الريفيرس وبيدي اول مع اني بعمل التكة عادي ... الموضوع خانقني بصراحي الي جانب انه محرج جدا في حاله لو حد ركن قدامي بطر ساعات اسيب العربيه واخد مواصلات ... هل في حل اني اغير وضع الريفيرس كغيار سادس زي العربيات العادية غير السوستة او اغير الفتيس اصلا .. ولو هغير الفتيس لاوتوماتيك مثلا هل دا ينفع وتكلفته اد ايه .. اعتذر علي الاطاله

[gomaaa]

السلام عليكم .. عندي مشكلة بس مش الي من النوع الكارثي .. مشكلتي بس اني اتعودت واتدربت علي سواقة عربيات حديثة موديلات 2010 - 2015 ومعايا لانوس 2010 وجبت ابيزا 94 عشان حبيت الكلام عليها ومن تجربه ناس افاضل حكولي عنها .. انا متعود علي ريفيرس اللانوس عادي موضوع السوستة بس في الابيزا سوسته بردوة بس زي تكه لتحت وبعدين الغيار .. المشكله ان ساعات كتير مش بعرف اجيب الريفيرس وبيدي اول مع اني بعمل التكة عادي ... الموضوع خانقني بصراحي الي جانب انه محرج جدا في حاله لو حد ركن قدامي بطر ساعات اسيب العربيه واخد مواصلات :_alshmokh08[1]: ... هل في حل اني اغير وضع الريفيرس كغيار سادس زي العربيات العادية غير السوستة او اغير الفتيس اصلا .. ولو هغير الفتيس لاوتوماتيك مثلا هل دا ينفع وتكلفته اد ايه .. اعتذر علي الاطاله :e_braces[1]:

الموضوع محتاج تعود مش اكتر .... انا بسوق لادا 2105 و فيها الريفيرس سوسته تكه لتحت ... كانت بتعلق معايا في الاول و بهد كده خدت على ظبطتها وعلى ما اعتقد الايبيزا انعم من اللادا .... على ما اعتقد ممكن يكون عندك حاجه محتاجه تصليح

[ShekoT]

الموضوع محتاج تعود مش اكتر .... انا بسوق لادا 2105 و فيها الريفيرس سوسته تكه لتحت ... كانت بتعلق معايا في الاول و بهد كده خدت على ظبطتها وعلى ما اعتقد الايبيزا انعم من اللادا .... على ما اعتقد ممكن يكون عندك حاجه محتاجه تصليح

مشكور علي الرد استاذ جمعه ... فعلا الغيار ناعم جدا بس معتقدش في عطل او اي عيب لا قدر الله ... هو موضوع نعود بس تخيل عشان اركن العربية بانزل وازق لورا .. حاجه مسخرة والله هههه :b4_592:

[A.Saad]

ساعتين تكون فاضى فيهم
تطلع تجرب بالراحة فى مكان فاضى

انا مارشى لورا قصاد الخامس
ساعات لو ركبت عربية صديق ليا بتلخبط او بكون مش عارف المارش فين
عادى

[ShekoT]

مشكورين علي النصائح يا جماعة ..بس برجاء حد يفيدني في موضوع الفتيس الاوتوماتيك حتي لو حد يعرف ميكانيكي متخصص في الحاجات دي اقدر استفسر منه ولكم جزيل الشكر

[ShekoT]

بعد تجربه اكثر من مرة الحمد لله لقيت المشكلة بنفسي ولله الحمد . المشكلة كامن في الغطاء الجلد الي حوالين الفتيس كانت مكلكعه فا ماكنتش بتسمح للغيار ان يدخل في المجرا الصحيحة . تم فكها وتظيفها من التراب وقص الجزء الزيادة عشان المشكلة متتكررش والحمد لله احسن كتير دلوقت لله الحمد :) مشكور لكل الناس الي ساهمت بالراي ويارب حد غيري يستفيد بحل المشكله دي :)

[Mohamed142]

اطمن يا أخى مع الوقت هتتعود .. هى مسألة وقت مش اكتر