فرامل بدبرياج ولا من غير؟

[Kirolos Edward]

انا اكتر موضوع غريب بلاحظه الناس المبتدئين لما بيسوقوا
1- بيفرملوا و دايسين دبرياج
2- بيهدوا و هما دايسين دبرياج
3- مش عارف يدوس بنزين ولا فرامل يروح دايس دبرياج
4- واحدة قدامه بتعدي الشارع بيدوس دبرياج
5- زهقان بيدوس دبرياج

الدبرياج ده وظيفته انه يفصل الحركة علشان تنقل الغيارات بس او لو العربية واقفة و انت علي غيار - اول مثلاً- و بعدين ثواني و هتتحرك بدل ما تمور تدوس دبرياج

لكن مش تفرمل و تهدي و تعمل كل الحاجات دي بالدبرياج و كتر الدوس عليه بيبوظه و يقلل سحب العربية و بيعلي صوتها علشان الاسطوانة بتبدأ تبوظ و مبتحولش العزم كله بتاع الموتور

التهدية من غير دبرياج بتريح الفرامل بكتير لانك بتهدي بالفرامل و الموتور الengine-brake لكن لما بتدوس دبرياج مع فرامل انت كدا العربية بتتحرك بالقصور الذاتي و بتحمل اكتر علي الفرامل

الطريقة الصح بقي مثلاً انت علي التاني او التالت و عاوز تقف هدي بفرامل بس - لغاية سرعة 20 او 10 العربية مش هتبطل- لما توصل للسرعة دي دوس دبرياج و مور العربية او هات الغيار الاول او التاني حسب السرعة

لكن متفضلش دايس دبرياج علي طول

[Abo_Mazen]

بص ..من الآخر كده ..اللي إتعود على اللي حضرتك بتقول عليه ده ..اللي هو الفرامل مع الدبرياج ..اللي إتعود على الطريقة دي في السواقة من الأول ...عمره ما ما هيغيرها ..وهيفضل بيها كده طووووووووووول عمره ..أنا أعرف ناس بتسوق عربيات من ييجي 15 سنة مثلا ..وبرضه كل فرامله مع الدبرياج ..فكرتني بواحد صاحبي معاه رينو كليو ..بيشتكي إن الفرامل ضعيفه عنده وبيحس إنها مش بتمسك العربية كويس لما بييجي يقف ..وطبعا صاحبي من نوعية الفرامل مع الدبرياج ..وياااااااااما نصحته ..قلتله يابني ..فرامل الأول ولما العربية تهدى خاااااااااااالص تدوس دبرياج عشان العربية ما تبطلش بس مش أكتر ..ولا حياة لمن تنادي ..المهم إنه بيشتكي دايما من الفرامل عنده ..وراح لكذا ميكانيكي وكلهم يقولو لو ..إتكل على الله فراملك سليمة ..واللي كان بيشتغلوا من الميكانيكية دول ..كان يقولوا هسحبلك هوا وهتبقى كويسه ..لغاية ما جيت قلتله في مرة ممكن أسوق عربيتك عشان عايز أشوف فراملها كده ..المهم سوقت عربيته بطريقتي بقى اللي متعود عليها ..اللي هي الفرامل بدون دبرياج ..ولقيت إن الفرامل بتاعة العربية جميلة ..وبتمسك العربية وبتلجمها مكان ما إنت عايز ..قلتله فرامل العربية مفيهاش حاجه ..العيب في طريقة سواقتك ..بطل حركة دبرياج مع الفرامل دي وإنت هتحس إن الفرامل بقت كويسة معاك ..لكن تقول لمين ..ولا بيسمع الكلام ..هو من الآخر رجله إتعودت على كده ..المهم برضه في الموضوع إنه لما حاول يسوق بطريقة الفرامل بدون دبرياج ..والكلام ده لما ركز شوية في الموضوع ده ومشي بتاع 15 كيلو كده في وسط البلد بالطريقة دي .بيقولي تصدق الطريقه دي جميلة ومريحه جدا ..اللي هي طريقة الفرامل بدون دبرياج ..وقالي تصدق حاسس إني راكب عربية أوتو مش مانيوال ..بس برضه تقول لمين ..رجع برضه يسوق بطريقة فرامل مع الدبرياج

[amr_naser]

شوف يا باشا
لازم تستخدم الدبرياج مع الفرامل
ولازم برضة تستخدم الفرامل من غير دبرياج

بس دى امتى ودى امتى
اولا لازم اوضح لك ان انت لما تدوس فرامل مع دبرياج يبقى قوة الفرامل هى اللى بتتحكم فى االعربية

ثانيا لما ادوس فرامل من غير دبرياج بضيف قوة كمان للفرامل هى قوة فرملة الماتور لان الماتور عاوز يشتغل سلانسية نتيجة انك شلت رجل من البنزين صح لكن العجل بيديلة قوة عكسية فيزيد عدد لفاتة فيكون فية مقاوة من الماتور تستفيد منها فى الفرامل

الفرامل بدون الدبرياج استخدمها امتى
اذا كنت عاوز اقف بسرعة
اذا كنت ماشى على سرعة
ممكن اهدى العربية بإنى اشيل رجلى من على البنزين فقط والماتور يهدى العربية بدون الحاجة للفرامل كمان
اذا كنت عاوز احافظ على اتزان العربية يعنى فى المطر والاماكن الزلقة طين وكلام من دة
اذا كانت العربية خفيفة من ورا

الفرامل مع الدبرياج امتى
او بمعنى ادق امتى ادوس الدبرياج
لما توصل سرعة الماتور لسرعة السلانسية لان وقتها مقاوة الماتور انة حيطفى نتيجة الضغط الزايد علية
لما تكون السرعة اصبحت هادية جدا
لما تكون القوة العكسية حتأثر على القواعد زى مثلا انك تكون قارص على الاول وتشيل رجلك من البنزين او قارص على الثانى وتشيل بنزين والقوة دى بتكون نتيجة العزم الكبير اللى متعرض له جمس العربية من الماتور وبعدين رد الفعل العكسى بتاعها لما تشيل رجلك من البنزين او حاجة تتعرض له هى القواعد

ملاحظات
اذا دست فرامل جامد وانت على سرعة عالية وفى نفس الوقت دايس دبرياج دا بيعرض العربية انها ممكن تلف خصوصا لو ضبط الفرامل اللى ورا فى تفاوت يعنى عجلة بتمسك اكتر من عجلة
بيحمل الفرامل جهد كبير وبالتالى طناير وتيل فرامل بينتهوا بسرعة
بتبذل الفرامل جهد اكبر ودا بيعرض جميع اجزاء الفرامل للتلف وممكن تضرب منك كمان وانت بتستخدمها

فى النهاية الله يسلمك من كل شر ان شاء الله

[volociximab]

بدأت اجرب الفرامل لوحدها و فعلا لذيذة بس مشكلتها انك بتفقد التحكم فى سرعة الفرملة
باحس مع الدبرياج الفرامل اهدى و تحكمك اعلى
يمكن مسألة تعود

[gomaaa]

طيب انا لما بهدي بدوس دوسه خفيفه ع الدبرياج *مش الدبرياج كله*مع الفرامل ... الا بقى لو بهدي و هنزل نقله فبضغط ضغطه كامله ..... قشطه كده ؟

[amr_naser]

طيب انا لما بهدي بدوس دوسه خفيفه ع الدبرياج *مش الدبرياج كله*مع الفرامل ... الا بقى لو بهدي و هنزل نقله فبضغط ضغطه كامله ..... قشطه كده ؟:e_braces[1]:

للاسف يا باشا كدة برضة غلط كبير لانة بيعرض الديسك والاسطوانة وترس الفلام لتلف كبير وعمر ما الاسطوانة تعيش معاك لان المجموعة دي هي اللي بتتعرض للضغط كدة
الحل يا تدوس دبرياج يا ما تدوسش لكن دوسة خفيفة لا لا

[gomaaa]

للاسف يا باشا كدة برضة غلط كبير لانة بيعرض الديسك والاسطوانة وترس الفلام لتلف كبير وعمر ما الاسطوانة تعيش معاك لان المجموعة دي هي اللي بتتعرض للضغط كدة
الحل يا تدوس دبرياج يا ما تدوسش لكن دوسة خفيفة لا لا

طب ايه مفروض السرعه الي لما ادوس فرامل من غير دبرياج العربيه متبطلش او تسقف
....

[Kirolos Edward]

طب ايه مفروض السرعه الي لما ادوس فرامل من غير دبرياج العربيه متبطلش او تسقف
....

لغاية ال10 او 15 كيلو/ساعة مش هتبطل او rpm 1 او 1.5 مثلاً :)

الدبرياج مالهاش لزمة نص دوسة و الكلام ده انت كدا بتقضي علي طقم الدبرياج انت متدوسش عليه غير لما تيجي تنقل غيارات

[Kirolos Edward]

بص ..من الآخر كده ..اللي إتعود على اللي حضرتك بتقول عليه ده ..اللي هو الفرامل مع الدبرياج ..اللي إتعود على الطريقة دي في السواقة من الأول ...عمره ما ما هيغيرها ..وهيفضل بيها كده طووووووووووول عمره ..أنا أعرف ناس بتسوق عربيات من ييجي 15 سنة مثلا ..وبرضه كل فرامله مع الدبرياج ..فكرتني بواحد صاحبي معاه رينو كليو ..بيشتكي إن الفرامل ضعيفه عنده وبيحس إنها مش بتمسك العربية كويس لما بييجي يقف ..وطبعا صاحبي من نوعية الفرامل مع الدبرياج ..وياااااااااما نصحته ..قلتله يابني ..فرامل الأول ولما العربية تهدى خاااااااااااالص تدوس دبرياج عشان العربية ما تبطلش بس مش أكتر ..ولا حياة لمن تنادي ..المهم إنه بيشتكي دايما من الفرامل عنده ..وراح لكذا ميكانيكي وكلهم يقولو لو ..إتكل على الله فراملك سليمة ..واللي كان بيشتغلوا من الميكانيكية دول ..كان يقولوا هسحبلك هوا وهتبقى كويسه ..لغاية ما جيت قلتله في مرة ممكن أسوق عربيتك عشان عايز أشوف فراملها كده ..المهم سوقت عربيته بطريقتي بقى اللي متعود عليها ..اللي هي الفرامل بدون دبرياج ..ولقيت إن الفرامل بتاعة العربية جميلة ..وبتمسك العربية وبتلجمها مكان ما إنت عايز ..قلتله فرامل العربية مفيهاش حاجه ..العيب في طريقة سواقتك ..بطل حركة دبرياج مع الفرامل دي وإنت هتحس إن الفرامل بقت كويسة معاك ..لكن تقول لمين ..ولا بيسمع الكلام ..هو من الآخر رجله إتعودت على كده ..المهم برضه في الموضوع إنه لما حاول يسوق بطريقة الفرامل بدون دبرياج ..والكلام ده لما ركز شوية في الموضوع ده ومشي بتاع 15 كيلو كده في وسط البلد بالطريقة دي .بيقولي تصدق الطريقه دي جميلة ومريحه جدا ..اللي هي طريقة الفرامل بدون دبرياج ..وقالي تصدق حاسس إني راكب عربية أوتو مش مانيوال ..بس برضه تقول لمين ..رجع برضه يسوق بطريقة فرامل مع الدبرياج

المشكلة دي بالظبط مع والدي و بيعصبني جداً من الحركة دي تخيل انه مقتنع انه لو شال رجله من علي البنزين و هو علي سرعة من غير ما يدوس دبرياج العربية هتبطل؟ اقوله ازاي يعني ماشي علي 60 او 80 و العربية هتبطل علشان مدوستش دبرياج؟ ازاي يعني

المهم اني وانا سايق بوريه رافع رجلي الاتنين خالص و العربية مبتبطلش مفيش اي اقتناع كاني بقول سحر :"d

[Abo_Mazen]

المشكلة دي بالظبط مع والدي و بيعصبني جداً من الحركة دي تخيل انه مقتنع انه لو شال رجله من علي البنزين و هو علي سرعة من غير ما يدوس دبرياج العربية هتبطل؟ اقوله ازاي يعني ماشي علي 60 او 80 و العربية هتبطل علشان مدوستش دبرياج؟ ازاي يعني

المهم اني وانا سايق بوريه رافع رجلي الاتنين خالص و العربية مبتبطلش مفيش اي اقتناع كاني بقول سحر :"d

متحاولش يا سيدي الفاضل ..هو أعصابه وذهنه إتبرمج على كده ...وعلى فكره ..الطريقة بتاعة والدك دي تاكل تيل معاه ...

[A3SAR]

المشكلة دي بالظبط مع والدي و بيعصبني جداً من الحركة دي تخيل انه مقتنع انه لو شال رجله من علي البنزين و هو علي سرعة من غير ما يدوس دبرياج العربية هتبطل؟ اقوله ازاي يعني ماشي علي 60 او 80 و العربية هتبطل علشان مدوستش دبرياج؟ ازاي يعني

المهم اني وانا سايق بوريه رافع رجلي الاتنين خالص و العربية مبتبطلش مفيش اي اقتناع كاني بقول سحر :"d

ربنا يديله الصحه والعافيه ويخليله ليك .. ويسيدي خليه يبوظ براحته ياما انت اكيد بوظت حاجات كتير وانت صغير
التعليم للكبار او توصيل المعلومه ليهم محتاج ذكاء عالي جدا عشان متجرحمش عمرها ما تيجي بالعصبيه ابدا

[gomaaa]

لغاية ال10 او 15 كيلو/ساعة مش هتبطل او rpm 1 او 1.5 مثلاً :)

الدبرياج مالهاش لزمة نص دوسة و الكلام ده انت كدا بتقضي علي طقم الدبرياج انت متدوسش عليه غير لما تيجي تنقل غيارات

طيب هو انا لما انقل للغيار التاني مثلا او التالت .... هل اشيل رحلي براحه برضه من الدبرياج ولا اشيلها بسرعه عادي ؟؟؟

[Kirolos Edward]

طيب هو انا لما انقل للغيار التاني مثلا او التالت .... هل اشيل رحلي براحه برضه من الدبرياج ولا اشيلها بسرعه عادي ؟؟؟

لا عادي شيلها بسرعة اول ما الغيار يتعشق في مكانه شيلها بس اتاكد انك دايس بنزين كويس علشان ميحصلش engine-brake

[gomaaa]

لا عادي شيلها بسرعة اول ما الغيار يتعشق في مكانه شيلها بس اتاكد انك دايس بنزين كويس علشان ميحصلش engine-brake

بس مش ممكن العربيه تنطر مني ... يعني احس بدفعه قويه

[Kirolos Edward]

بس مش ممكن العربيه تنطر مني ... يعني احس بدفعه قويه

ده لو انت دوست جامد اوي او دوست قليل اوي هاتحس بكدا الموضوع ده انت بتظبطه مع احساسك بالعربية