رايى فى الغاز الطبيعى

[meeezo333eg]

تكلفة تحويل الى غاز طبيعى بتبقى حوالى 5000 لو كاش اما لو قسط بيبقى حسب النظام و ممكن توصل لحوالى 6500 لو قسط ثابت و فيه نظام تانى هو انك لما تمون تدفع ضعف تمن الغاز اللى حطيته يعنى لو حاطط ب 5 جنيه تدفع 10 5 للغاز و 5 للقسط و فى الحالة دى تمنه بيوصل لاكتر من 7000 و المشكلة بالنسبة للملاكى انه بيقوللك لازم القسط يخلص مش فاكر فى سنتين او تلاتة و طبعا مع استهلاك الملاكى عمرك ما هتخلص القسط فى السنتين دول و بالتالى تقريبا اما بتكمل بنفس النظام و يزود الفايدة او تكمل كاش او حسب بقى ما هتتفق ساعتها

بالنسبة لمواصفاته التقنية
اولا هو بيحتوى على نسبة عالية من الكبريت اكتر من البنزين و ده عنصر بيقلل من عمر الموتور بس برضه بالنسبة للملاكى مش هتحس بالموضوع قوى اللى بيفرق معاهم التاكسيات نظرا للحركة المستمرة

ثانيا الغاز بطىء فى الاشتعال و ده بيخلى العربية تغيب فى الدوارة الصبح و لازم تكون البطارية و المارش و مجموعة الكهرباء كلها حالتها ممتازة و من الممكن التغلب على المشكلة دى بانك و انت بتركن بالليل تحول الى البنزين من زرار مخصوص هما بيحطوه فى العربية و تستنى لما العربية تحضر بنزين مش هتاخد منك اكتر من دقيقة و اما تنزل الصبح تدور و انت على البنزين هتدور على طول و تسخن بالبنزين و بعدين تقلب غاز و تعيش اليوم كله عادى

ثالثا نتيجة ان الغاز بطىء فى الاشتعال ده بيسبب ان سحب العربية بيقل و ليس السرعة القصوى و لكن التسارع بتاعها بيكون بطىء وطبعا دى مش مشكلة خالص بالنسبة لواحد مش غاوى شد و امركة و مجرد عربية بيقضى بيها مصلحته

رابعا سعر متر الغاز 45 قرش يعنى نص تمن لتر البنزين 80 و ربع تمن بنزين 90 يعنى توفير رهيب مع مراعاة ان متر الغاز هيعمل معاك 1.1 من المسافة اللى بيقطعها لتر البنزين يعنى مثلا عربيتى 125 بولندى بتعمل حوالى 10 كيلو فى لتر البنزين يبقى هتعمل 11 كيلو بمتر الغاز يعنى اروح من مصر لاسكندرية ب 9 جنيه بالغاز

خامسا لو انا معايا فلوس هركبه بغض النظر عن جميع المساوىء لان رخص التمن الرهيب هيضيع اى عيوب

سادسا لو اى حد عايز اى استفسارات عن الموضوع ده انا جارى يبقى مدير فرع شركة الغاز فى طنطا و ممكن اساله على اى حاجة تانية

[SeiffoZ]

تكلفة تحويل الى غاز طبيعى بتبقى حوالى 5000 لو كاش اما لو قسط بيبقى حسب النظام و ممكن توصل لحوالى 6500 لو قسط ثابت و فيه نظام تانى هو انك لما تمون تدفع ضعف تمن الغاز اللى حطيته يعنى لو حاطط ب 5 جنيه تدفع 10 5 للغاز و 5 للقسط و فى الحالة دى تمنه بيوصل لاكتر من 7000 و المشكلة بالنسبة للملاكى انه بيقوللك لازم القسط يخلص مش فاكر فى سنتين او تلاتة و طبعا مع استهلاك الملاكى عمرك ما هتخلص القسط فى السنتين دول و بالتالى تقريبا اما بتكمل بنفس النظام و يزود الفايدة او تكمل كاش او حسب بقى ما هتتفق ساعتها

بالنسبة لمواصفاته التقنية
اولا هو بيحتوى على نسبة عالية من الكبريت اكتر من البنزين و ده عنصر بيقلل من عمر الموتور بس برضه بالنسبة للملاكى مش هتحس بالموضوع قوى اللى بيفرق معاهم التاكسيات نظرا للحركة المستمرة

ثانيا الغاز بطىء فى الاشتعال و ده بيخلى العربية تغيب فى الدوارة الصبح و لازم تكون البطارية و المارش و مجموعة الكهرباء كلها حالتها ممتازة و من الممكن التغلب على المشكلة دى بانك و انت بتركن بالليل تحول الى البنزين من زرار مخصوص هما بيحطوه فى العربية و تستنى لما العربية تحضر بنزين مش هتاخد منك اكتر من دقيقة و اما تنزل الصبح تدور و انت على البنزين هتدور على طول و تسخن بالبنزين و بعدين تقلب غاز و تعيش اليوم كله عادى

ثالثا نتيجة ان الغاز بطىء فى الاشتعال ده بيسبب ان سحب العربية بيقل و ليس السرعة القصوى و لكن التسارع بتاعها بيكون بطىء وطبعا دى مش مشكلة خالص بالنسبة لواحد مش غاوى شد و امركة و مجرد عربية بيقضى بيها مصلحته

رابعا سعر متر الغاز 45 قرش يعنى نص تمن لتر البنزين 80 و ربع تمن بنزين 90 يعنى توفير رهيب مع مراعاة ان متر الغاز هيعمل معاك 1.1 من المسافة اللى بيقطعها لتر البنزين يعنى مثلا عربيتى 125 بولندى بتعمل حوالى 10 كيلو فى لتر البنزين يبقى هتعمل 11 كيلو بمتر الغاز يعنى اروح من مصر لاسكندرية ب 9 جنيه بالغاز

خامسا لو انا معايا فلوس هركبه بغض النظر عن جميع المساوىء لان رخص التمن الرهيب هيضيع اى عيوب

سادسا لو اى حد عايز اى استفسارات عن الموضوع ده انا جارى يبقى مدير فرع شركة الغاز فى طنطا و ممكن اساله على اى حاجة تانية

بس أنا شايف إن الغاز مش متوفر دلوقتى يعنى محطات نعينة بس إلللى بتعمله و ينفع مع العربيات القديمة بس عشان الجديد هيبوظ ..
أظنها فكرة مش عملية

[Qamar]

شكرا للمجهود و الوضوح و الأرقام. ده طلع فعلا موفر جدا. و الميزة انه بيعلى تمن العربيه في بيعها. هو بس التنك بياخد كام متر غاز؟
مستنيين رأى المجربين

[aymansaad]

انا ركبت غاز وندمت لان عربيتى ملاكى واهم العيوب هو انى انتظر حوالى ساعة فى محطات الغازلكى امون

[meeezo333eg]

يا جماعة انا من طنطا و طنطا فيها تقريبا 4 محطات غاز و بعدين انا لو مسافر هيبقى معايا بنزين عشان الغاز لو خلص امشى بالبنزين لحد ما ابقى الاقى محطة غاز
بالنسبة للطوابير دى بتبقى فى اوقات معينة بتاعة ورديات التاكسيات انما انا بعدى على محطات غاز كتير بلاقيها فاضية و زى ما قلت برضه انت معاك بنزين علشان الظروف اللى زى دى و مع الوقت انت هتعرف المواعيد الرايقة ايه و تروح تمون فيها
بالنسبة لسعة التنك فى سعتين واحد 18 متر و الصغير مش فاكر 12 او 15 متر حاجة زى كده
على فكرة جارى مدير فرع شركة الغاز اللى قولتلكوا عليه ده معاه فيرنا و محولها غاز و عادى جدا و قبلها كان معاه شاهين و غاز برضه و مابسمعهاش بتسقف و لا حاجة و رايح جاى بيها و بيوفر من 175 قرش بنزين 90 الى 45 قرش غاز طبيعى

[omar906]

يا جماعة انا من طنطا و طنطا فيها تقريبا 4 محطات غاز و بعدين انا لو مسافر هيبقى معايا بنزين عشان الغاز لو خلص امشى بالبنزين لحد ما ابقى الاقى محطة غاز
بالنسبة للطوابير دى بتبقى فى اوقات معينة بتاعة ورديات التاكسيات انما انا بعدى على محطات غاز كتير بلاقيها فاضية و زى ما قلت برضه انت معاك بنزين علشان الظروف اللى زى دى و مع الوقت انت هتعرف المواعيد الرايقة ايه و تروح تمون فيها
بالنسبة لسعة التنك فى سعتين واحد 18 متر و الصغير مش فاكر 12 او 15 متر حاجة زى كده
على فكرة جارى مدير فرع شركة الغاز اللى قولتلكوا عليه ده معاه فيرنا و محولها غاز و عادى جدا و قبلها كان معاه شاهين و غاز برضه و مابسمعهاش بتسقف و لا حاجة و رايح جاى بيها و بيوفر من 175 قرش بنزين 90 الى 45 قرش غاز طبيعى

ابن حلال انا عاوز اجيب سوبر صالون او جين 2 اوتو او اى سيارة زيرو اوتو فى الراينج ده واستخدمها فى السفر 5 او 6 مرات اسبوعيا بين القاهرة و طنطا رايح جاى

1 ايه افضل سيارة ترشحهالى فى سعر من 90000 الى 110000 زيرو اوتو تنفع مع الغاز

2 الغاز ينفع مع الاوتو

3 اماكن ال4 محطات اللى فى طنطا فين؟؟؟

[bee]

اعتقد اللنك ده هيفيط جدا

http://www.nilemotors.net/Nile/showthread.php?t=33600&highlight=%C7%E1%C7%E4%CC%DF%D4%E4+%E6%C7%E1%DB%C7%D2+%C7%E1%D8%C8%ED%DA%ED

[moh2004]

بصراحة انت استاذ كبير يا
meeezo333eg

[meeezo333eg]

ابن حلال انا عاوز اجيب سوبر صالون او جين 2 اوتو او اى سيارة زيرو اوتو فى الراينج ده واستخدمها فى السفر 5 او 6 مرات اسبوعيا بين القاهرة و طنطا رايح جاى

1 ايه افضل سيارة ترشحهالى فى سعر من 90000 الى 110000 زيرو اوتو تنفع مع الغاز

2 الغاز ينفع مع الاوتو

3 اماكن ال4 محطات اللى فى طنطا فين؟؟؟

1- انا بصراحة معجب اوى بال جين تو و ممكن نيو النترا او نيو اكسنت او لانسر بس لازم 1600 طبعا عشان التكييف رينج السعر المتاح معاك كويس اوى و يديك مجموعة اختيارات كويسة اوى
2- بيتهيالى ان الغاز مالوش علاقة بنوع الفتيس بس انا هسالك واحد و ارد عليك علشان ما ابقاش بفتى
3- محطات الغاز فى طنطا محطة فى شارع السجن و محطة فى اول الجلاء و محطة فى اخر الجلاء و محطة على السريع على مدخل طنطا يعنى جنبه مش بعيد اوى و طنطا كلها اصلا صغيرة يعنى لو محطتين اتنين بس هيكفوها بس تجنب اوقات التاكسيات

ربنا يوفقك و مبروك عليك العربية مقدما

[omar906]

1- انا بصراحة معجب اوى بال جين تو و ممكن نيو النترا او نيو اكسنت او لانسر بس لازم 1600 طبعا عشان التكييف رينج السعر المتاح معاك كويس اوى و يديك مجموعة اختيارات كويسة اوى
2- بيتهيالى ان الغاز مالوش علاقة بنوع الفتيس بس انا هسالك واحد و ارد عليك علشان ما ابقاش بفتى
3- محطات الغاز فى طنطا محطة فى شارع السجن و محطة فى اول الجلاء و محطة فى اخر الجلاء و محطة على السريع على مدخل طنطا يعنى جنبه مش بعيد اوى و طنطا كلها اصلا صغيرة يعنى لو محطتين اتنين بس هيكفوها بس تجنب اوقات التاكسيات

ربنا يوفقك و مبروك عليك العربية مقدما

شكرا جزيلا على الاهتمام و فى انتظار ارد على موضوع الفتيس

[Sameh]

موضوع يقلل السحب + حجم إسطوانة الغاز + ندرة المحطات ، بتخلى الفكرة غير مشجعة بالمرة للملاكى

[فادى]

موضوع يقلل السحب + حجم إسطوانة الغاز + ندرة المحطات ، بتخلى الفكرة غير مشجعة بالمرة للملاكى

أضف الى ذلك انك هتعمل عمرة كل 50 الف (يعنى سنتين فى المتوسط لسيارة ملاكى), و هترمى المحرك بعد اربع خمس سنين و تغيره و لازم تلاحظ انك كسائق ملاكى مش بتمشى تحسس على العربية زى سواق التاكسى, يعنى الى هتوفره فى البنزين هتدفعه لاصلاح المحرك بالاضافة طبعا الى وجع الدماغ و تضييع الوقت وسط الميكانيكية و عمال الصيانة!!
فكرة فاشلة و غير مشجعة على الاطلاق.

[meeezo333eg]

أضف الى ذلك انك هتعمل عمرة كل 50 الف (يعنى سنتين فى المتوسط لسيارة ملاكى), و هترمى المحرك بعد اربع خمس سنين و تغيره و لازم تلاحظ انك كسائق ملاكى مش بتمشى تحسس على العربية زى سواق التاكسى, يعنى الى هتوفره فى البنزين هتدفعه لاصلاح المحرك بالاضافة طبعا الى وجع الدماغ و تضييع الوقت وسط الميكانيكية و عمال الصيانة!!
فكرة فاشلة و غير مشجعة على الاطلاق.

موضوع مدة العمرة ده نسبى و بيختلف حسب نوع العربية و نوع استعمالها الاكتر على السريع او جوة البلد و حسب سواقة اللى راكبها و بعدين 50 الف ايه اللى هتعمر عليهم اذا كنت انا لما عمرت عربيتى ما حسيتش انها فاقت و لينت غير بعد 10 الاف يبقى كمان 40 و تعوز تعمر صعبة اوى

موضوع انك ترمى المحرك اصلا مفيش حاجة اسمها محرك بيترمى و الدليل موتور عربيتى من 32 سنة و لسة ما اترماش لانك فى العمرة بتغير كل المكونات الداخلية و اخرك لو خلصت خرط الكرنك تجيب كرنك استعمال و كذلك الكامة و كذلك وش السلندر اذا قفع بتمسحه لحد ما يخلص تجيب غيره و انت ما بتغيرش الموتور الا اذا الفرغة اتشرخت

و بعدين موضوع الصيانات العادية مالهاش علاقة بغاز او بنزين و بعدين انا بكلمك عن رؤية لناس اصحابى و عربياتهم غاز من اكتر من سنتين و هو جايبها مستعملة فيها الغاز و لسة الموتور كويس و ادامه شوية على ما يفوت

هو الفرق السخيف فى الموضوع انك على طول عايز طقم كهربا صاحى

بالنسبة لحجم اسطوانة الغاز دى فعلا مشكلة لو شنطة العربية صغيرة او انت على طول محتاج شنطة العربية و بتحمل فيها ده غير ان وزن انبوبة الغاز اكيد بيساعد على سرعة تكسير جسم العربية و علشان كده انا لما سالت قالولى فى المحطة ان الملاكى بيحطوله الانبوبة الصغيرة و دى فى حجم انبوبة البوتاجاز تقريبا

و بعدين يا جماعة ده بيبقى تقدير شخصى من صاحب العربية على حسب حجم مشاويره و موتور عربيته بيقدر ايه الاحسن ليه يركب غاز و لا لأ