إللى طلع رخصه من مرور التجمع الخامس يساعدنى

[Tasneem]

أنا الحمد لله اتعلمت السواقه بس خايفه من الامتحان النظرى والعلمى
فعايزه اعرف من إللى طلع رخصه من التجمع يقولى المرور اخباره ايه
وإلا أبحث عن مدرسه تطلعهالى بفلوس وشكرااااا

[ShekoT]

انا طلعتها من التجمع بردو .. الاختبارات سهله متقلقيش .. النظري بتاخدي كارت كبير من هناك في كل الاشارات الي ممكن تتسالي فيها ب 5 جنيه تقريبا بعدي عليها بعينك بس هتحفظيهم بسهولة وبخشي تمتحنيهم كمبيوتر دة لو الظابط امتحنك اصلا " انا مامتحنيش عشان كنت واقف محترم هههه " هيمضيلك مقبول وبعدين تنزلي تمتحني عملي علي عربية المرور "بيجو موديل غريب شوية بس عربية كويسه " خلي بالك بس الفرامل فيها شديدة عن المعتاد يعني لما تهدي واحدة واحدة عشان المهندس ميكلمش الظابط بعد كدة وتعدي ان شاء الله ... بالنسبة للمسار هو شكل شبة دائري بسيط مع ملفات سهلة ورجوع بسيط في النص دة كل الموضوع ... اهم حاجه تتقي ربنا وتتجنبي الرشاوي والاكراميات من اي نوع وان شاء الله ربنا هيباركلك ويسهلك كل حاجه بطريقة انتي مكنتيش تتخيليها اصلا ... بالتوفيق ان شاء الله

[hesham fawzy h]

زى شيكو مقال بالضبط .. و فعلا بلاش رشاوى و ان شاء الله ربنا يكرمك

[الحمادوى]

اهم حاجة عشان تنجحى فى الامتحان
تركزى فى الامتحان وتكونى واثقة من نفسك وتشيلى موضوع الخوف ده نهائى
والموضوع مش مرعب او مقلق احنا اللى دايما بنعطى الموضوع اكبر من حجمه

بخصوص الامتحان النظرى ادخلى الموقع ده وخدى فكرة عن الامتحان
ولما تشترى ورق الرخصة فيه كارت من المرور ب 10 او 15 جنيه تدخلى بيه الموقع لان فيه بعض الاسئلة مش بتظهر فى المجانى

ده الموقع وربنا يوفقك