شراء عربيه عليها اكتر من توكيل

[amr_Shatto]

معروض عليا عربيه عليها توكيلين ....بس ناس كتير خوفتني من حكايه ان العربيه عليها اكتر من توكيل عشان ممكن صاحب التوكيل الاول يلغي التوكيل و العربيه تروح منني ...وانا خايف بجد ..خصوصا ان العربيه مش رخيصه و المرور بتعها بعيد عنني فا مش هعرف اتحرك بسرعه ؟
الحل ايه او الصح ايه ؟
ارجو الرد بسرعه عشان نازل اشوف العربيه بليل و لو الموضوع يخوف مش هنزل...انا متردد جدا

[Abo_Mazen]

توكيلات بيع السيارات لا تلغى ..فيه بيقولوا لا تلغى إلا في حضور الطرفين ..بس اللي شفته من الواقع ..لا تلغى أصلا ..لإن هي في القانون ليها قوة العقد ..لكن عموما ..وده رأيي الشخص ..أو التاتش بتاعي يعني ..حاول لما تشتري عربية فيها توكيلات كتير زي إتنين مثلا أو تلاتة إنك تشتري بعقد مسجل من الشهر العقاري ..حتى لو هتدفع زيادة شوية لإنك بتضطر تسجل في الشهر العقاري مباشرة ..ولازم يكون مع البائع شهادة براءة ذمه إن العربية معليهاش حاجه ..ليه بقى .؟؟..لإن أشهر مشكلتين بيحصلوا في العربية ذات التوكيلات المتعدده وقت عمل العقد في الشهر العقاري إن ممكن صاحب الرخصه ..اللي هو الرخصه بإسمه ..يكون صاحب الرخصه يكون عليه حكم مثلا ..فبكده الشهاده بتاعة المخالفات مش هتطلع وبالتالي مش هتعرف تجدد رخصة العربية ..وتيجي تكلم اللي شاري من المالك الأصلي للعربية اللي هو الرخصه بإسمه يقوك والله أنا إشتريت وخلصت ..وتيجي تكلم التاني اللي هو شاري بتوكيل برضه اللي هو يعني اللي باعلك ..على أساس إن العربية فيها توكيلين ..تيجي تكلم بقى اللي باعلك ..يقولك لما اللي بايعلي معرفش يجيب صاحب الرخصه هجيبه أنا ...دي حاجه ..حاجه تانيه برضه ممكن تحصل ..إنك لما تروح الشهر العقاري تلاقي موظف الشهر العقاري يتلكك على أي حاجه في التوكيلات ..يقولك مثلا الختم هنا مش ظاهر ..أصل في رقم هنا مش واضح ..طبعا في الحالة دي هتضطر حضرتك ترجع للي باعلك ..أو ترجع للي باع للي باعلك ..عشان كده ..ريح نفسك ..وتاخد البائع وتقوله أنا هشتري بعقد مسجل ..ويبقى الكلام كده قدامه ..حصل مشكلة في التوكيلات في الشهر العقاري يبقى مش هيبقبض فلوسه ..حصل مشكلة في إستخراج شهادة المخالفات ..يبقى برضه مش هيقبض فلوسه ..والبكا على راس الميت يا ريس ..خلص تخلص ..هات شهادة مخالفات وتعالى سجلي في الشهر العقاري بخمس ست سبع تمن توكيلات حتى ..أنا معاك معنديش مشكلة ..هو بقى اللي باعلك يتصرف بقى مع نفسه في أي مشاكل ..وإطلع إنت منها

[amr_Shatto]

توكيلات بيع السيارات لا تلغى ..فيه بيقولوا لا تلغى إلا في حضور الطرفين ..بس اللي شفته من الواقع ..لا تلغى أصلا ..لإن هي في القانون ليها قوة العقد ..لكن عموما ..وده رأيي الشخص ..أو التاتش بتاعي يعني ..حاول لما تشتري عربية فيها توكيلات كتير زي إتنين مثلا أو تلاتة إنك تشتري بعقد مسجل من الشهر العقاري ..حتى لو هتدفع زيادة شوية لإنك بتضطر تسجل في الشهر العقاري مباشرة ..ولازم يكون مع البائع شهادة براءة ذمه إن العربية معليهاش حاجه ..ليه بقى .؟؟..لإن أشهر مشكلتين بيحصلوا في العربية ذات التوكيلات المتعدده وقت عمل العقد في الشهر العقاري إن ممكن صاحب الرخصه ..اللي هو الرخصه بإسمه ..يكون صاحب الرخصه يكون عليه حكم مثلا ..فبكده الشهاده بتاعة المخالفات مش هتطلع وبالتالي مش هتعرف تجدد رخصة العربية ..وتيجي تكلم اللي شاري من المالك الأصلي للعربية اللي هو الرخصه بإسمه يقوك والله أنا إشتريت وخلصت ..وتيجي تكلم التاني اللي هو شاري بتوكيل برضه اللي هو يعني اللي باعلك ..على أساس إن العربية فيها توكيلين ..تيجي تكلم بقى اللي باعلك ..يقولك لما اللي بايعلي معرفش يجيب صاحب الرخصه هجيبه أنا ...دي حاجه ..حاجه تانيه برضه ممكن تحصل ..إنك لما تروح الشهر العقاري تلاقي موظف الشهر العقاري يتلكك على أي حاجه في التوكيلات ..يقولك مثلا الختم هنا مش ظاهر ..أصل في رقم هنا مش واضح ..طبعا في الحالة دي هتضطر حضرتك ترجع للي باعلك ..أو ترجع للي باع للي باعلك ..عشان كده ..ريح نفسك ..وتاخد البائع وتقوله أنا هشتري بعقد مسجل ..ويبقى الكلام كده قدامه ..حصل مشكلة في التوكيلات في الشهر العقاري يبقى مش هيبقبض فلوسه ..حصل مشكلة في إستخراج شهادة المخالفات ..يبقى برضه مش هيقبض فلوسه ..والبكا على راس الميت يا ريس ..خلص تخلص ..هات شهادة مخالفات وتعالى سجلي في الشهر العقاري بخمس ست سبع تمن توكيلات حتى ..أنا معاك معنديش مشكلة ..هو بقى اللي باعلك يتصرف بقى مع نفسه في أي مشاكل ..وإطلع إنت منها

تسلم يا كبير ربنا يكرمك و يبعد عنك كل شر :] :*

[miam0502788391]

نصيحة
ابعد عن اى عربية فيها اكتر من توكيل واحد
ويستحسن لا يكون فيها توكيلات مطلقا
لأن تتابع التوكيلات بيكون فى الغالب مالك باع لتاجر والتاجر باع لتاحر تانى بالتوكيل والتانى باع لتاجر تالت بتوكيل
من الآخر بتبقى عربية غالية لأن كل تاجر كسب فيها شويه فتوصلك غالية
اضف الى ذالك بعض المشاكل زى ما ذكر الاعضو المحترم أبو مازن

[Mohamed142]

غالبا كل ما زادت عدد التوكيلات فى العرثية كما زاد ثمنها

[Mohamed142]

و نصيحة منى ابعد عن هذه العربية ما دام فيها اكثر من توكيل

[عبدالله برعى]

نقطة مهمة وقت عمل التوكيل نفسة يعني لو التوكيل له سنة او سنتين اطمن.. اما لو ليه ايام او بضع اسابيع يبقي ابعد عن التاجر دا

[svneleven]

فعلا مش مهم عدد التوكيلات لكن المهم المدة بتاعة التوكيل لو شهور تعرف أنه مش تاجر ممكن واحد بيغير في العربيات كتير عشان كده مش بيسجل.