استخراج رخصة جديدة

[فاطمة 2016]

صباح الجمال والفل والهنا
انا من اسكندرية وتبع مرور محرم بك
واتعلمت السواقة وناقصلي بالضبط حصتين على الكورس بالضبط
واتدربت على حرف الاس كمان وكتاب الاشارات والمرور حفظته كله واسئلة المرورية العامة كلها حلفتها بس برضه انا لسه خايفة اروح امتحن لان صحابي قالولي انه لازم وسطة في المرور بالذات, هل اتشجع واروح ولو في حد من اسكندرية وكان امتحن في مرور محرم بك يقولي اعمل ايه يا جماعة انا بجد خايفة وشكرا يا صحابي.

[gamal_sharaf]

لو بتتعلمى تبع مدرسة تدريب يبقى روحى امتحنى واتوكلى على الله
لو بتتعلمى مع حد من بره ، يفضل يكون فى حد معاكى عشان يسهل لك الاجراءات ويتعامل مع بتوع المرور
انت اكيد فاهمانى
وبالتوفيق إن شاء الله

[pepo2011]

رهبة الامتحان شيء عادي
المهم التركيز وعدم الانشغال او الاهتمام باي شيء خارج السيارة
التركيز وتجميع الافكار والذهن الصافي
التردد والتلجلج بيخلي الظابط الممتحن يقلق
يفضل طبعا لو جبتي واسطة تروح معاكي تسند وتمشي الاجراءات شوية
بالتوفيق

[فاطمة 2016]

انا فعلا بدور على واسطة تبع المرور وربنا معايا يا رب وشكرا على اهتمام حضرتك

[mif]

روحى لوحدك بس الاول هاتى اسطوانة الاشارات من اى حد راح مدرسة المرور
بس لازم تكونى بتعرفي تسوقي و واثقة من نفسك ....و متخافيش و متتردديش و بلاش ثقة زيادة كمان

يا اما تروحى مدرسة المرور و الموضوع بيبقى اسها بكتير جدا بس لازم تذاكري الاشارات و تعرفي تسوقي بس كدا

[فاطمة 2016]

انا برضه سمعت عن موضوع مدرسة المرور يا ريتني اتعلمت فيها من الاول كنت وفرت على نفسي العناء اللي انا فيه دا,,, يعني يا ناس مش حرام اللي بيحصل فينا دا لازم وسطة في كل حاجة كدا واللي مش عنده وسطة بقى يعمل ايه

[pepo2011]

انا برضه سمعت عن موضوع مدرسة المرور يا ريتني اتعلمت فيها من الاول كنت وفرت على نفسي العناء اللي انا فيه دا,,, يعني يا ناس مش حرام اللي بيحصل فينا دا لازم وسطة في كل حاجة كدا واللي مش عنده وسطة بقى يعمل ايه

هو حضرتك تاعبة نفسك ومصعبة الموضوع كده ليه
دا لو امين شرطة هايظبطلك الموضوع ب 200 جنيه

معقول متعرفيش امين شرطة؟؟؟

[فاطمة 2016]

ههههههههههه تصدق والله ما اعرف اي حد من الشرطة دول خالص انا المرة الوحيدة اللي دخلت فيها قسم شرطة كان في ايام البطاقة الورقية بتاعت زمان وخلاص بس والله صديقة ليه قالتلي هاشوفلك وسطة وربنا يسهل يا رب