كده سواقتى صح؟و الا غلط؟

[ام حبيبة]

انا لسة بسوق جديد عاوزة اعرف هل اللى انا بعمله ده صح و الا غلط
1-دايما رجلى عند الدبرياج ( هل كده صح؟)و لكن لا ادوس عليه غير فى الغيارات بس
2-لما يكون فى مطلع او منحدر بكون على التانى و مش دايسة بنزين و لا دبرياج
3-مش بستخدم دبرياج ابدا غير فى الغيارات(فى ناس بتقول ادوس دبرياج فى الملفات و المنحدر)
انهى غيار اللى المفروض يشتغل فى الزحمة عربيات تقف و تمشى و تقف و تمشى

[pepo2011]

الله ينور بس يفضل دوس دبرياج في الملفات والمنحدرات لان ذلك يحمي الكبالن والات الجر الامامية ويطيل العمر
اما اذا مانت السيارة جر خلفي فلا مشكلة
اذا كان الزحمة وتقف وتمشي قترة قليلة لمسافة صغيرة يبقي الاول افضل غيار

[ام حبيبة]

الله ينور بس يفضل دوس دبرياج في الملفات والمنحدرات لان ذلك يحمي الكبالن والات الجر الامامية ويطيل العمر
اما اذا مانت السيارة جر خلفي فلا مشكلة
اذا كان الزحمة وتقف وتمشي قترة قليلة لمسافة صغيرة يبقي الاول افضل غيار

شكرا استاذنا
العربية 127
يعنى فى الملفات ادوس دبرياج للاخر؟

[pepo2011]

شكرا استاذنا
العربية 127
يعنى فى الملفات ادوس دبرياج للاخر؟

الشكر لله
طبعا 127 جر امامي يبقي الافضل تدوس دبرياج للاخر في الملفات

[amr011111]

انا لسة بسوق جديد عاوزة اعرف هل اللى انا بعمله ده صح و الا غلط
1-دايما رجلى عند الدبرياج ( هل كده صح؟)و لكن لا ادوس عليه غير فى الغيارات بس
عادى فى الاول علشان لسه جديده فى السواقه اهم حاجه متحمليش رجلك عليه اوى
2-لما يكون فى مطلع او منحدر بكون على التانى و مش دايسة بنزين و لا دبرياج
لو مطلع المفروض تدوسى بنزين والمنحدر كذلك تدوسى بنزين لو الطريق مفتوح
3-مش بستخدم دبرياج ابدا غير فى الغيارات(فى ناس بتقول ادوس دبرياج فى الملفات و المنحدر)
فى الملفات يفضل تدوسى دبرياج للاخر للحفاظ على الكبالن ده غير ان سرعه العربيه هتقل فهتكونى وانتى بتلفى هتكونى لو على التالت هتدوسى دبرياج للاخر لحد ما تلفى الملف وتدى التانى
انهى غيار اللى المفروض يشتغل فى الزحمة عربيات تقف و تمشى و تقف و تمشى
المفروض الاول

[ahmed_eng2001]

الله ينور بس يفضل دوس دبرياج في الملفات والمنحدرات لان ذلك يحمي الكبالن والات الجر الامامية ويطيل العمر
اما اذا مانت السيارة جر خلفي فلا مشكلة
اذا كان الزحمة وتقف وتمشي قترة قليلة لمسافة صغيرة يبقي الاول افضل غيار

اسمحلى استاذ بيبو اختلف مع حضرتك فى الجزئية دى .....

لما حضرتك بتدوس دبرياج بتفصل حركة الموتور عن حركة العجل .... و و عدم فصل الحركة مهم جدا و انت نازل منحدر علشان الى بيسموه Engine break و هو الى بيقوم بكلبشة العربية و عمل تقل فى حركتها و خاصة فى المنحدرات ... و لو فصلت الحركة ... العربية حتجرى منك ..... بالنسبة لى ... ده اهم من الحفاظ على عمر الكبالن
حاجة صغيرة كمان .... الضغط المتواصل على الدبرياج يقلل من عمر بلية الدبرياج ... و ريش الديسك كمان

تقبل مرورى

[borio1704]

انا لسة بسوق جديد عاوزة اعرف هل اللى انا بعمله ده صح و الا غلط
1-دايما رجلى عند الدبرياج ( هل كده صح؟)و لكن لا ادوس عليه غير فى الغيارات بس

خطأ كبير... كده حضرتك هتتعودي على الحركة دي..وممكن بعد كده رجلك تريح على الدبرياج بدون ما تقصدي.. وده بيعمل تآكل في اسطوانة الدبرياج..
والتأكل معناه استهلاك بنزين زيادة وضعف في السحب... ده غير تكلفة تغيير جزء (مش رخيص بالنسبة للعربية) بدري عن معاده.

2-لما يكون فى مطلع او منحدر بكون على التانى و مش دايسة بنزين و لا دبرياج

الوضع يعتمد على حسب سرعة العربية... وعلى حسب الصعود أو الهبوط

عند صعود المرتفعات

لو سرعة العربية بطيئة جدا.. يبقى الأفضل تعشيق الغيار الأول... وكل ما زادت السرعة نزود الغيار...

مع ملاحظة إنه على السرعات البطيئة.. لا يتم تعشيق الغيار الأعلى إلا بعد ارتفاع صوت الموتور أكثر من المعتاد .. وإلا الموتور هيواجه مقاومة عالية جدا وممكن يقف.


أما عند هبوط المنحدرات

فاستخدمي الغيار اللي يخليكي قادرة تتحكمي في العربية وما تجريش منك... وغالبا هتلاقي صوت الموتور أعلى من المعتاد بردو بعض الشيء.

الغيار الثاني هو الأنسب في السرعات البطيئة أقل من 40 كم/س في أغلب الأحوال

3-مش بستخدم دبرياج ابدا غير فى الغيارات(فى ناس بتقول ادوس دبرياج فى الملفات و المنحدر)

هو ده الصح... ما تستخدميش الدبرياج أبدا إلا عند التعشيق أو الوقوف التام فقط.

ولو كانت وقفتك أطول من 10-15 ثانية.. فالأفضل وضع الفتيس على المور وإزالة القدم من على الدبرياج.

انهى غيار اللى المفروض يشتغل فى الزحمة عربيات تقف و تمشى و تقف و تمشى

حسب سرعة العربية... وغالبا بيكون الأول ثم التاني بالكتير قوي.


...

[juba8]

الدبرياج عند النقل

[juba8]

اسمحلى استاذ بيبو اختلف مع حضرتك فى الجزئية دى .....

لما حضرتك بتدوس دبرياج بتفصل حركة الموتور عن حركة العجل .... و و عدم فصل الحركة مهم جدا و انت نازل منحدر علشان الى بيسموه Engine break و هو الى بيقوم بكلبشة العربية و عمل تقل فى حركتها و خاصة فى المنحدرات ... و لو فصلت الحركة ... العربية حتجرى منك ..... بالنسبة لى ... ده اهم من الحفاظ على عمر الكبالن
حاجة صغيرة كمان .... الضغط المتواصل على الدبرياج يقلل من عمر بلية الدبرياج ... و ريش الديسك كمان

تقبل مرورى

[Marwa Ebeed]

طيب لو تسمحولى أضيف سؤال .. انا كمان مبتدئة

طيب لما اجى ادوس فرامل، ادوس دبرياج الاول وافضل دايسة عليه لحد ما ادوس فرامل، وبعدين ارفع من على الدبرياج سنة سنة وانا بدوس بنزين ؟؟ صح كده ؟؟
طب لما اجى انقل غيار، ادوس دبرياج سواء كنت دايسة بنزين او فرامل ؟؟ يعنى لو انا دايسة بنزين وهنقل على التالت مثلا، ادوس دبرياج فى نفس الوقت وانا دايسة بنزين عادى ؟؟ ولا اشيل رجلى من على البنزين لحد ما انقل الغيار ؟؟

[ahmed_eng2001]

طيب لو تسمحولى أضيف سؤال .. انا كمان مبتدئة

طيب لما اجى ادوس فرامل، ادوس دبرياج الاول وافضل دايسة عليه لحد ما ادوس فرامل، وبعدين ارفع من على الدبرياج سنة سنة وانا بدوس بنزين ؟؟ صح كده ؟؟
طب لما اجى انقل غيار، ادوس دبرياج سواء كنت دايسة بنزين او فرامل ؟؟ يعنى لو انا دايسة بنزين وهنقل على التالت مثلا، ادوس دبرياج فى نفس الوقت وانا دايسة بنزين عادى ؟؟ ولا اشيل رجلى من على البنزين لحد ما انقل الغيار ؟؟
:u_thin1[1]:

الاول ... احنا كلنا كنا بنتعلم سواقة فى يوم من الايام ... و كل الاسئلة الى عند حضرتك دى كنا بنسألها لنفسنا و للى حوالينا كمان .... اهم حاجة ... ان حضرتك تحاولى تفهى الحاجات الى بنعملها و احنا بنسوق ... و بنعملها ليه ... و الحاجات دى حتيجى واحدة واحدة .. و بالخبرة

هو ليه حضرتك بتدوسى دبرياج اصلا ؟؟؟ ... طيب لو دوستى فرامل لغاية لما العربية تقف .. و نسيتى تدوسى دبرياج ... حيحصل ايه ؟؟!!! الموقف ده بيحصل كتير جدا

باختصار

حضرتك تدوسى فرامل .. لغاية لما العربية تهدى ... قبل ما تبدأ تترج .. و بعد كدة تدوسة دبرياج و تفصلى الغيار ... و تدى الغيار الجديد ... المتناسب مع سرعة لعربية

لو العربية وقفت خالص ... محتاجة انك تعملى الى ذكرتيه ... ترفعى رجلك من على الدبرياج ببطئ ... لو عشقتى الاول ... و لو حضرتك عشقت التانى او الثالث ... ممكن تشيلى رجلك بسرعة
بعد فترة من الخبرة ... حتعرفى تظبطى رفعة الرجل بهدوء و بسرعة كمان

من الافضل ... انك تشيلى رجلك من على البنزين و انتى بتنقلى ... علشان متتلخبطيش ..


لما حضرتك تزدادى خبرة ... نقول لحضرتك ياريت لو تقدرى .... تدوسى على البنزين شوية صغيرين علشان تحاولى تقربى سرعة دوران الموتور ( الحدافة )... بسرعة دوران الفتيس ( عمود الدرك ) ... بس ده لما تقدمى شوية فى الصنعة
ربنا معاكى

[Marwa Ebeed]

الاول ... احنا كلنا كنا بنتعلم سواقة فى يوم من الايام ... و كل الاسئلة الى عند حضرتك دى كنا بنسألها لنفسنا و للى حوالينا كمان .... اهم حاجة ... ان حضرتك تحاولى تفهى الحاجات الى بنعملها و احنا بنسوق ... و بنعملها ليه ... و الحاجات دى حتيجى واحدة واحدة .. و بالخبرة

هو ليه حضرتك بتدوسى دبرياج اصلا ؟؟؟ ... طيب لو دوستى فرامل لغاية لما العربية تقف .. و نسيتى تدوسى دبرياج ... حيحصل ايه ؟؟!!! الموقف ده بيحصل كتير جدا

باختصار

حضرتك تدوسى فرامل .. لغاية لما العربية تهدى ... قبل ما تبدأ تترج .. و بعد كدة تدوسة دبرياج و تفصلى الغيار ... و تدى الغيار الجديد ... المتناسب مع سرعة لعربية

لو العربية وقفت خالص ... محتاجة انك تعملى الى ذكرتيه ... ترفعى رجلك من على الدبرياج ببطئ ... لو عشقتى الاول ... و لو حضرتك عشقت التانى او الثالث ... ممكن تشيلى رجلك بسرعة
بعد فترة من الخبرة ... حتعرفى تظبطى رفعة الرجل بهدوء و بسرعة كمان

من الافضل ... انك تشيلى رجلك من على البنزين و انتى بتنقلى ... علشان متتلخبطيش ..


لما حضرتك تزدادى خبرة ... نقول لحضرتك ياريت لو تقدرى .... تدوسى على البنزين شوية صغيرين علشان تحاولى تقربى سرعة دوران الموتور ( الحدافة )... بسرعة دوران الفتيس ( عمود الدرك ) ... بس ده لما تقدمى شوية فى الصنعة
ربنا معاكى

تمام .. شكرا جدا جدا