الركن !

[SAMER_ENGINES]

اهلا بيك و ياريتك كنت معايا عملي و كنت وريتك ازاي الركنة التمام ده بلا فخر يعني.
شوف لو انت حتركن ناحية الشمال يعني انت قاعد من ناحية الرصيف و تعالي ناخدها خطوة خطوة:-
1- انت تقف بالعربية و تكون موازي للعربية اللي حتركن وراها.
2- طبعا تجيب ريير و تبدأ ترجع بالراحة و ببطئ (لما تبقي تتمكن تقدر تركن بسرعة بعدين) و تبدأ تكسر الدركسيون ناحية الرصيف و العربيات اللي حتركن بينها بالراحة.
3- تستمر كدة في الرجوع لحد ما تحس اني العجل هيخبط في الرصيف او قرب من الرصيف اوي و تحاسب عشان الإكصدام.
4- و تبدأ بعد كدة تلف الدركسيون الناحية التانية (( و خلي بالك من وش العربية عشان متخبطش في العربية اللي قدامك و انت بتلم الناحية التانية)), لو حسيت اني وش عربيتك هيخبط في اللي قدامك تعدل الدركسيون سوية و بعدين تلم تاني.
5- تبدا تعدل وش العربية و تلف العجل ناحصة الرصيف تاني عشان تدخل وش العربية جوة علي الرصيف.
6- تحافظ اني يكون بينك و بين العربيات التانية اللي قدامك و وراك مسافة معقولة عشان لما ييجوا يطلعوا ميلاقوش صعوبة و ميخبطوش في عربيتك.

و الركنة الناحية التانية نفس الموضوع و دول فيديوهين اتمني يساعدوك:-

http://www.youtube.com/watch?v=7kbmVXWKCQk

http://www.youtube.com/watch?v=dJ-loe3xXLg

[homme49]

طريقه ركن هى سهله و عايزة تدريب نفترض انك عايز تركن مابين عربيتين:
الخطوة الأولى هتشغل زرار انتظار علشان تعرف تركن براحتك و العربيات اللى جايه فى طريق تفهم انت بتعمل ايه
الخطوة ثانيه تكون واقف موازى للسيارة اللى امامك ثم تكسر دركيسون ناحيه رصيف او ناحيه العربيه اللى واقف موازى لها هى هى و تعمل الفتيس على المارشيدار
الخطوة ثالثه اول ما ترجع للوراء و تنظر فى المرايا جانبيه او تنظر براسك و تلأقى ان كاوتس بيلامس الرصيف تعدل دركسيون ناحيه مخالفه للرصيف لحد ما تلأقى ان سيارة حضنت
الخطوة رابعه :ممكت تعمل الفتيس على الأول و تكسر دركسيون شويه ناحيه رصيف لتعديل بوز شيارة
الخطوه الخامسه:مور سيارة و ارفع هاند بريك و شيل مفتاح من كونتكت و غطى العربيه وروح

يارب انى اكون افادتك و فهمت شرح و لو مش واضح اقرأءه كذا مرة لأن الحاجات دى عملى هتبقى اسهل من انى اكتبهالك و متنساش و انت بترجع حط ايدك على كرسى و بس لوراء و المرايات حانبيه هتساعدك كمان

هناك طريقة سهلة جدا لكى تحظى برؤية بانورامية لما هو خلف السيارة و هو أن تضع يدك اليمين على ظهر الكرسى المجاور لك و تنظر للخلف بما يسمح لك برؤية عريضة لما هو خلف السيارة و عندما تطمئن أن خلفية السيارة فى أمان و انت ترجع سنة - سنة أنظر لمقدمة السيارة و انت تعدل الدركسيون حتى لا تصدم السيارة التى تركن خلفها

[Hussein_Ramdan]

http://www.youtube.com/watch?v=X62LbyQ3xNw&NR=1

[zizophone]

جامد الفيديو ياcar_lover

[morabet79]

بعض السيارات مش بتشوف الشنطه بتاعتها ، وبيبقى صعب إنك تقف موازي للعربيه اللي هتركن جنبها

[roky]

بص دي شديدة قوي ... هندسية 100% .. بيقولك امتي ترجع ... و أمتي تكسر و أمتي تعدل ...

http://www.mpi.mb.ca/english/dr_tips/parallel_parking.html

و لو عاوز ترجمة انا في الخدمة

[morabet79]

طريقة الركن في الفيديو غير الشرح إلي في النص

[SADAWY]

انا كنت زيك ابحث فى الركن التعليمى هتلاقى درسين على مرتيب الرسم وانا استفدت منهم كتير جدا يا ريت تدخل القسم التعليمى وتكتب ركن السيارة

[nour2007]

انا كنت زيك ابحث فى الركن التعليمى هتلاقى درسين على مرتيب الرسم وانا استفدت منهم كتير جدا يا ريت تدخل القسم التعليمى وتكتب ركن السيارة

كلام مضبوط انا شفته من فنره في التعليمي

[abo_lamar]

بص يا سيدي انا ححاول على قد ما أقدر :
لو حتركن بين عربيتين اولا اتأكد ان المسافة بينهم ممكن تسمح بركن عربيتك .. حنفترض ان العربيتين على يمينك فحنعمل التالي :
1- خلي عربيتك بجانب منتصف العربية الأمامية تقريباً .
2- لف الدريكسيون يميناً كله وادي الغيار المارشيدير .
3-ارجع بالعربية شوية شوية لغاية ما تعمل تقريباً زاوية 45 درجة على الرصيف اللي راكنه جنبه العربيتين (ماتوصلش للرصيف خالص )
4-اكسر الدركسيون للشمال كله وارجع برضه شوية شوية حتلاقي عربيتك بقت بين العربيتين يا باشا .
طبعا الموضوع عايز شوية تمارين بس كله حيبقى تمام .

[horas3000]

ده يا باشا موضوع مخصوص عن الركن كان اتعمل قبل كدة و في شرح وافي

http://www.nilemotors.net/Nile/62937-a.html

[tarek_asem]

بص يا سيدي
الحاله الاولى لو هتركن على اليمين ... يعني العربيات واقفه في صف جمب الشباك التاني مش اللي انت قاعد جمبه
هتقرب اوي وتطلع لقدام بحيث يكون اكصدام العربيه اللي هتقف وراها في نص عربيتك تقريبا وبعدين لف الدركسيون يمين عالآخر وارجع بضهرك لحد ما اكصدامك اللي قدام يبقى تقريبا عند بدايه شنطه العربيه الي قدامك واعدل دركسيونك وارجع عدل وبعدين لما تلاقي اكصدامك خرج من حدود العربيه اللي قدامك لف دركسيونك شمال وارجع زي مانت كده ... اعدل دركسيونك وظبط عجلك ومبروك الركنه
على فكره طريقه الركنه دي انا بعملها من زمان ولو بتعملها صح ( وده طبعا هيجي مع التدريب )هتلاقي نفسك ممكن تركن في مكان على قد عربيتك بالظبط ... يعني يدوب ازيد بربع متر مثلا وبالتوفيق

[Dodo2009]

ممكن حد يشرح ازاى اركن بالتفصيل بين عربيتين عكسى وعادى ! بالتفصيل يعنى اسيب اد ايه واعدى لحد فين بالزبت لانى مش عارف اعمل اى حاجة . وبعد بالربع ساعة اركن .انا عربيتى لانسر بوما 2007

انا بقالى 4 شهور باسوق واول حاجة اتعلمتها الركنة ببعض الخطوات المفيدة جدا و هى
الركنة العرضية
1-نضبط ظهر عربتنا مع اخر العربية التى بجانبنا
2-نلف الدركسيون كلة عالرصيف عالr
3-نرجع الى ان لا نرى العربة الخلفية التى فى المراة الجانبية و جزء من الرصيف
4-نعدل العجل (لفة ونص)
5-نرجع الى ان نترك مسافة شبرين بيننا و بين الرصيف
6-نلف الدركسيون كلة عالشارع عالr
7-نرجع الى ان نقترب من العربة الخلفية او الرصيف ونعدل مقدمة العربية(مع متابعة التلات مرايات)
وعلى فكرة قبل ما اطبق الركنة عملى جبت 3 عربيات لعبة صغيرة فى البيت وقعدت اشرح لنفسى وبجد انا احسن حاجة عندى رغم انى مبتدئة هى الركنة العرضية وربنا معاك