برنامج torqe وقطعة obd2

[البليهيس]

السلام عليكم جميع الاساتذه.....ممكن لو حد استخدم برنامج torque pro ....يعرفنا فوايده وهل فعلا بيغني عن جشع الورش وهل ينفع قطعته تتركب علي كورولا 2004 لان ف عربيات مبيمشيش معاها البرنامج والقطعه وشكرا

[mbx4e]

اه ينفع بس في قراية الاكواد
ومسح الاخطاء البسيطه هايغنيك بنسبة كبيرة قول في حدود ٦٠:٧٠٪
لو انت ليك في المكانيكا و لغتك الانجليزيه جيدة هايفرق معاك
انا مجرب الفيشه obd2 على كورولا ٢٠٠٣ وقرأت معايا وجربت افصل بعض الحساسات وقرأت ارقام الاعطال وجابت لي شرح لبعض الاعطال ومسحت الاخطاء معايا وطفت لمبة التشيك
دا لو بروتوكول الكومبيوتر بتاعك قبل يشتغل عليه ويشتغل على عربيات تانية برده
جربتها على فرنا ٢٠٠٩ وسيراتو٢٠١٠ واشتغلت
ماقرتش مع اللانسر٢٠٠٧
وجربتها على كورولا تاكسي ومشتغلتش مش عارف بقى التاكس كانت فيشته فاصله ولا موديل الكونترول مختلف فالبروتوكول غير متوافق ومش فاكر موديلها كان كام الصراحه

[البليهيس]

هو انا مليش اوي ف الميكانيكا.....بس قصدي تعرفني النشاكل اللي ف العربيه عشان محدش يستهبل ابقي رايحه عارفه العربيه فيها ايه

[mbx4e]

اكيد يعني كل شي في الدنيا ليه طريقة
ودي في الاول والاخر وسيلة مساعده
و ليها طريقة في استخدامها اللي بنحقق بيها اقصى افاده
هي اسمها obd2 elm327
بعد سنة ٢٠٠٠ =Obd2=on-board diagnosis ,2
Elm327= اسم الماركة بتاعة الشب او الic المتحمل عليه السوفت
طريقة الاستخدام لمعرفة الاعطال
كل كود ليه او بيكون من حرف وارقام
P0157 رقم الكود دا مثلا يعني الحرف بيمثل منطقة العطل وهي المحرك و مثلا الارقام من ٠١٥٠ الى ٠١٦٠ هي اعطال مختصه بنظام اخراج العادم او (الاكسوست exhauste)
يقلك حساس شكمان ١ بانك١ بعد ماناخد الرقم نبحث عنه يقلك كدا
P0157= o2 sensor bank 1 circute malfunction
بانك١= يعني القريب من بلوك الموتور او الاقرب لسلند رقم ١ وغالبا موجود في فرن الشكمان
او p0156=o2 sensor ,bank2 heater electrical circute fault
حساس شكمان رقم اتنين (بانك٢= يعني البعيد عن الموتور وغالبا بيبقى تحت في علبة البيئه) دايرة السخان الكهربا بتاعته بايزه
مثال اخر
يغير ااحرف مثلا. t0012=valve body solonoid 1 electric fault
T=transmission= فتيس
والارقام من ٠٠١٠لغاية٠٠١٩مختصه بدايرةكهربا التحكم ببلوف الفتيس
و على هذا المنوال بيتم الاستخدام.....
عايز اضيف ان احيانا مابيظهرش غير رقم العطل من غير تفسير بنعمل ايه بقى؟
بناخد الرقم نعمل بحث في المنتديات طبعا في المنتديات الاجنبية المختصة ونعمل بحث باسم الماركه والموديل وسنة الصنع ونلاقي تفسيره باذن الله الفكره كلها اننا نفهم تفسيره يعني ايه
ارقام وتفسير العطال والاكواد وطريقة التشفير بتختلف من ماركة لتانيه يعني التويوتا غير الشفروليه غير المرسيدس وهكذا
والتويوتا غير النيسان والهوندا غير الهونداي او الكيا مع انهم اسيوي بس بيبقوا قريبين من بعض
حاجه اخير الامثلة للاعطال هنا غير دقيقه كارقام وحروف فقط للتوضيح
حاجه كمان الصنايعي لو بيفهم وعلر جهاز كل اللي بيعمله انه يقرا اسم الحساس ويقلك تن العطل فيه مع ان ممكن يبقى العطل في دايرة الكهربا زي مانا ذكرت في الامثله يعني فيشه بايزه سلكه مهزوزه ترمله مفوته ريشه مكسوره حساس مش متعاير او متبرمج مع الكونترول
كل دا الصنايعي المفروض يعمله وبشيك على الحساس قبل مايغيره
لكن الفيشه مابتغيرش برمجه لحساسات او مابتقراش اعطال Abs faults &Airbags faults
على ما اتذكر
وهي حلوه لو اشتغلت معاك بس الفكره زي ماقلت لازم يبقى عندنا الحد الادني في الانجليزي والمكانيكا والباقي على الجوجل واليوتيوب عشان نفهم العيب عباره عن ايه ويتصلح ازاي
وطريقة الاستخدام شرحتها
من مميزتها معرفة مقدار استهلاك الوقود او الفيول ترم
Feul trim= دا بيساعدنا في تحليل اعطال نظام حرق واستهلاك الوقود و اعطال الحساسات والعربية ماشيه او على طريق لان فيه اعطال مابتظهرش غير على الطريق
اهم حاجه تقرا وتشتغل على العربية
وطالما وصلت لمرحلة السؤال عن الفيشه دي يبقى انت غاويه وهاتتعلمي مكانيكا بس كله واحده واحده
سؤالي حد فهم حاجه من كلامي ؟
سؤال اخر حضرتك هاتحتاجيها في ايه؟

[م/أحمد عبد الفتاح]

اكيد يعني كل شي في الدنيا ليه طريقة
ودي في الاول والاخر وسيلة مساعده
و ليها طريقة في استخدامها اللي بنحقق بيها اقصى افاده
هي اسمها obd2 elm327
بعد سنة ٢٠٠٠ =Obd2=on-board diagnosis ,2
Elm327= اسم الماركة بتاعة الشب او الic المتحمل عليه السوفت
طريقة الاستخدام لمعرفة الاعطال
كل كود ليه او بيكون من حرف وارقام
P0157 رقم الكود دا مثلا يعني الحرف بيمثل منطقة العطل وهي المحرك و مثلا الارقام من ٠١٥٠ الى ٠١٦٠ هي اعطال مختصه بنظام اخراج العادم او (الاكسوست exhauste)
يقلك حساس شكمان ١ بانك١ بعد ماناخد الرقم نبحث عنه يقلك كدا
P0157= o2 sensor bank 1 circute malfunction
بانك١= يعني القريب من بلوك الموتور او الاقرب لسلند رقم ١ وغالبا موجود في فرن الشكمان
او p0156=o2 sensor ,bank2 heater electrical circute fault
حساس شكمان رقم اتنين (بانك٢= يعني البعيد عن الموتور وغالبا بيبقى تحت في علبة البيئه) دايرة السخان الكهربا بتاعته بايزه
مثال اخر
يغير ااحرف مثلا. t0012=valve body solonoid 1 electric fault
T=transmission= فتيس
والارقام من ٠٠١٠لغاية٠٠١٩مختصه بدايرةكهربا التحكم ببلوف الفتيس
و على هذا المنوال بيتم الاستخدام.....
عايز اضيف ان احيانا مابيظهرش غير رقم العطل من غير تفسير بنعمل ايه بقى؟
بناخد الرقم نعمل بحث في المنتديات طبعا في المنتديات الاجنبية المختصة ونعمل بحث باسم الماركه والموديل وسنة الصنع ونلاقي تفسيره باذن الله الفكره كلها اننا نفهم تفسيره يعني ايه
ارقام وتفسير العطال والاكواد وطريقة التشفير بتختلف من ماركة لتانيه يعني التويوتا غير الشفروليه غير المرسيدس وهكذا
والتويوتا غير النيسان والهوندا غير الهونداي او الكيا مع انهم اسيوي بس بيبقوا قريبين من بعض
حاجه اخير الامثلة للاعطال هنا غير دقيقه كارقام وحروف فقط للتوضيح
حاجه كمان الصنايعي لو بيفهم وعلر جهاز كل اللي بيعمله انه يقرا اسم الحساس ويقلك تن العطل فيه مع ان ممكن يبقى العطل في دايرة الكهربا زي مانا ذكرت في الامثله يعني فيشه بايزه سلكه مهزوزه ترمله مفوته ريشه مكسوره حساس مش متعاير او متبرمج مع الكونترول
كل دا الصنايعي المفروض يعمله وبشيك على الحساس قبل مايغيره
لكن الفيشه مابتغيرش برمجه لحساسات او مابتقراش اعطال Abs faults &Airbags faults
على ما اتذكر
وهي حلوه لو اشتغلت معاك بس الفكره زي ماقلت لازم يبقى عندنا الحد الادني في الانجليزي والمكانيكا والباقي على الجوجل واليوتيوب عشان نفهم العيب عباره عن ايه ويتصلح ازاي
وطريقة الاستخدام شرحتها
من مميزتها معرفة مقدار استهلاك الوقود او الفيول ترم
Feul trim= دا بيساعدنا في تحليل اعطال نظام حرق واستهلاك الوقود و اعطال الحساسات والعربية ماشيه او على طريق لان فيه اعطال مابتظهرش غير على الطريق
اهم حاجه تقرا وتشتغل على العربية
وطالما وصلت لمرحلة السؤال عن الفيشه دي يبقى انت غاويه وهاتتعلمي مكانيكا بس كله واحده واحده
سؤالي حد فهم حاجه من كلامي ؟
سؤال اخر حضرتك هاتحتاجيها في ايه؟

http://www.nilemotors.net/Nile/3875899105-post8.html

[mbx4e]

دي مشاركة الباشمهندس أحمد عبد الفتاح ومعلومات أدق مني طبعابكتير انا يكفيني اعجابه بيه

بصراحة موضوع اعطال العربيات بصفة عامة حالياً بقى يمثل مشكلة فى مصر والعالم بس فى مصر الموضوع زايد كتير وده نتيجة التقدم المذهل فى صناعة السيارات وصعب دلوقتى إننا نشخص الأعطال عميانى :) دلوقتى بقى فيه كمبيوترات وسكانرات تحدد أرقام وأكواد الاعطال والكلام ده من زمان على فكرة بس احنا فى مصر إضطرينا نسايره من فترة قريبة بس سايرناه بطريقتنا بتاعة الفهلوة اللى مبقتش تنفع مع العربيات دلوقتى .
وأنا هنا حاشارك بموضوع يمكن يفيد شوية فى موضوع الاعطال والاكواد بتاعتها :
- دلوقتى لما بيحصل عطل فى اى عربية بتنور فى التابلوه لمبة تحذير واللمبة دى حاجه من اتنين :
(١) لمبة التشيك انجن check engine
(٢) أو لمبة تانية زى لمبة مثلاُ الايرباج او الـ abs ودى مش بتخلى لمبة التشيك انجن تنور
- لما لمبة التشيك انجن تنور بيبقى فيه عطل فى مجموعة الموتور او الفتيس او نقل الحركة و يبقى لازم نروح لميكانيكى او ورشة صيانة عنده سكانر او كمبيوتر بيوصله فى العربية على فيشة اسمها obd2 ودى بتبقى جوه العربية تحت الدركسيون فى الغالب او جنب الفتيس او تحت درج التابلوة اللى قدام الكرسى اللى جنب كرسى السواق- علشان نعرف ايه العطل ونصلحه.
- لو لمبة تانية نورت غير التشيك انجن زى مثلاً لمبة الـabs بتبقى عاوزة سكانر متقدم شوية يقرا اعطال غير اعطال الموتور والفتيس علشان يقولنا اى جزء فى منظومة الـ abs فيه مشكلة زى السنسورات بتاعة الـ abs واللى أحياناً يطلق عليها سنسورات السرعة ودى بتبقى موجود منها سنسور على كل عجلة فى الغالب فالجهاز حايقدر يقولك اى سنسور هو اللى فيه المشكلة علشان تروحله على طول وتشوف مشكلته ايه عاوز نضافة مثلاً او فيشته مخلوعه او بايظة.
- أكواد الأعطال اللى بيقراها الاسكانر اللى عند الميكانيكى او فى مركز الصيانة دى متفق عليها عالمياً بإنها تكون عبارة عن حرف واربع ارقام زى مثلاً p0300 أو b1311 وتفسير الحروف والارقام دى بيسهل شوية الوصول للعطل - وتفسير الكود ده كالأتى :
(١) اول حرف بيبقى حاجه من اربعة :
أ - حرف الـ b وده بيرمز لأعطال مجموعة الجسم body
ب- حرف الـ c وده بيرمز لأعطال مجموعة الشاسية chasis
جـ- حرف الـ p وده بيرمز لأعطال مجموعة المحرك والفتيس ونقل الحركة power train
د - حرف الـ u وده بيرمز لأعطال خاصة بالإتصال بين الأجزاء الإلكترونية فى السيارة.
(٢) بييجى بعد اول حرف رقم والرقم ده حاجه من اتنين :
أ - رقم 0 وده للأعطال المتفق عليها من رابطة مهندسى السيارات sae
ب- رقم 1 وده للأعطال المتفق عليها من رابطة مصنعى السيارات mfg
(٣) الرقم اللى بعده بيبقى من ١: ٨ وهم على التوالى : ١ ، ٢ خاصين بمجموعة الهوا والوقود - ٣ خاص بأعطال الرشاشات والميس فاير - ٤ خاص باعطال مجموعة العادم زى حساسات الاكسجين مثلاً - ٥ خاص بأعطال مجموعة التحكم فى السرعة والأيدل - ٦ خاص بدوائر الكمبيوتر - ٧ ،٨ خاصين بمجموعة الفتيس ونقل الحركة
(٤) اخر رقمين من ٠٠ إلى ٩٩ بيبقى رقم العطل فى المجموعة وساعات بيدل على رقم السلندر زى اعطال الميس فاير بيقولك السلندر رقم كام هو اللى فيه المشكلة زى مثلاً الكود p0302 وده معناه عطل فى مجموعة الموتور ونقل الحركة ( حرف p) - والـ 0 معناه انه متفق عليه من رابطة مهندسى السيارات - والـ 3 معناها عطل خاص بأعطال مجموعة الرشاشات والميس فاير - والـ 02 معناه الإسطوانة رقم ٢ هى اللى فيها ميس فاير .

طبعا انا عملت كوبي من مشاركة م/أحمد عبد الفتاح
شكرا ليك ياهندسة لتصويب المعلومات وربنا يزيدك من علمه ويزيدنا من فضله جميعا
انا كنت حابب اشرح طريقة مبدأ العمل والاستخدام بشكل عملي وعذرا لاي خطأ او تقصير
طيب فيه عند حضرتك فكره عن بروتوكولات الخاصه بكونترول العربيات تشرح لنا مباديأياتها رايحه فين جايه منين تتعرف ازاي وتتقري بايه.؟

[tasaka]

السلام عليكم جميع الاساتذه.....ممكن لو حد استخدم برنامج torque pro ....يعرفنا فوايده وهل فعلا بيغني عن جشع الورش وهل ينفع قطعته تتركب علي كورولا 2004 لان ف عربيات مبيمشيش معاها البرنامج والقطعه وشكرا

و فى جميع الاحوال لا يوجد ضامن لان يعمل مع سيارتك الا ان ينص على سيارتك صراحه فى المواصفات او عن طريق التجربه .. او مثلا ينص عن انه داعم للسيارات الاسيويه

ده رابط لموضوع عن الجهاز

http://www.nilemotors.net/Nile/467260-elm-237-a.html

هو انا مليش اوي ف الميكانيكا.....بس قصدي تعرفني النشاكل اللي ف العربيه عشان محدش يستهبل ابقي رايحه عارفه العربيه فيها ايه

- المشاكل التى تعطى العيب بالتحديد موش كتيره .. فى العاده هو حيدلك عل بضع احتمالات .. او السيستم اللى فيه المشكله ( السيستم حيكون مجموعه من المكونات )

- و لا معنى لشراء جهاز غالى مثلا 200 دولار ان كنت لا تملك المعرفه الكافيه لفهم الكميه الكبيره من الداتا او المنحنيات اللحظيه لعمل Troubleshoot للمشكله .. و استغلال الداتا لاستبعاد بعض الاحتمالات و تقريب احتمال المشكله و الحل اللازم

- اجهزه ELM دى بتختلف امكانياتها طبقا لسعرها كما هو موضح فى الاقتباس لانواع امكانيات اجهزه تشخيص الاعطال .. الثمن يتراوح من 25 دولار الى 100 دولار حسب الامكانيات

- و الافضل ان الجهاز اللى تشتريه يكون بيطفى نفسه اتوماتيك لما العربيه تكون موش مستعمله .. ده لو حبيتى تخليه راكب على طول فى العربيه للاستفاده من مزايا برنامج تورك


- ده اقتباس بيوضح الفروق فى الامكانيات لاجهزه تشخيص الاعطال .. نفس الفكره حتكون لامكانيات ال ELM

1- جميع هذه الاجهزه سواء رخيصه او غاليه قد تتوافق او لا تتوافق مع سياره معينه طبقا للبروتوكولات المستخدمه .. الحل هو التأكد ان ماركه السياره مشموله فى الجهاز .. و الافضل التجربه الفعليه

2- هى 3 انواع بصفه عامه

- Code Reader .. السعر عاده م 20 الى 40 دولار .. وظيفتها الاساسيه هى قراءه اعطال المحرك و اطفاء اللمبه .. و الحصول على كميه بسيطه من الداتا عن المحرك

- Code Scanner او يسمى ايضا Scan tool .. السعر سيكون مثلا من 70 الى 120 دولار .. وظيفته الاساسيه هى قراءه اعطال المحرك و اطفاء اللمبه .. و الحصول على كميه اكبر من الداتا عن المحرك .. و قد يشمل مثلا ABS .. او Air Bag .. كما قد توجد به بعض الوظائف الاضافيه مثل الداتا اللحظيه للمحرك .. المنحنيات اللحظيه .. او اللقطات الثابته التى تؤخذ وقت حدوث العطل لكى تعرف الحاله التى سببت تسجيل العطل .. الخ .. و كلما زادت الامكانيات زاد السعر

- ٍٍScanner شبه متخصص .. يشمل جميع امكانيات الاجهزه الاقل سعرا بالاضافه الى امكانيات اكبر .. السعر قد يصل الى 200 دولار و قد يصل الى 300 و 400 دولار .. و هذا اوفر بديل عن الاجهزه المتخصصه جدا ( يصل ثمنها من 2000 الى 10,000 دولار ) .. هذا بالطبع سيستطيع قراءه المحرك .. ABS .. Air Bag .. الفتيس .. و كميه داتا اضافيه لا تستطيع الاجهزه الاقل قراءتها .. و ايضا يستطيع قراءه الاكواد الاصليه لكل سياره محدده طبقا لمصنعها مثل P1 ( و ليس فقط الاكواد العامه Generic .. و ايضا bi-directional controls التى تستطيع عن طريق هذه الميزه تشغيل و اختبار و اطفاء انظمه معينه فى السياره و كذلك امكانيه البرمجه الجزئيه لبعض الاشياء .. و كلما زادت الامكانيات زاد السعر

3- من حيث الشكل .. عاده سيكون جهاز متكامل وحده واحده .. او مثل الجهاز الذى تريد شرائه و هو يحتاج الى تليفون او كمبيوتر لاستعماله


و فى جميع الاحوال لا يوجد ضامن لان يعمل مع سيارتك الا ان ينص على سيارتك صراحه فى المواصفات او عن طريق التجربه

و لا معنى لشراء جهاز غالى مثلا 200 دولار ان كنت لا تملك المعرفه الكافيه لفهم الكميه الكبيره من الداتا او المنحنيات اللحظيه لعمل Troubleshoot للمشكله .. و استغلال الداتا لاستبعاد بعض الاحتمالات و تقريب احتمال المشكله و الحل اللازم

[mbx4e]

اضافة جميلة من الاستاذ tasaka
احييك عليها واول مره اعرف ان ليها انواع الصراحة
بس هي الفكرة انه يشتغل على العربية في حاجتين
ان فيشة الكومبيوتر بتاعة العربية تبقى متأكد انها بتقرا يعني بترسل معلومات مافهاش عطل لان احيان بيبقى فيها عطل بسيط من الاسلاك والرجول مهربة اشارة زي سوكت شاحن الموبايل لما يبوز
الموضوع الاهم قصة البروتوكولات دي موال تاني

[mbx4e]

من الاخر لو جبتها وكانت شغاله ( لانها لو ماشتغلتش على العربية لاي سبب هايبقى موضوع محبط جدا )
لو اشتغلت على العربيه والهدف منها بشكل عام نعرف الاعطال وهانعرف نستخدمها ازاي وحدودها اللي بتشتغل فيها هاتبقى مفيده
لو الهدف منها بشكل متخصص عشان مشكله معينه مش هاتفيد والافضل اللجؤء للمتخصصين الفنيين.

[م/أحمد عبد الفتاح]

طبعا انا عملت كوبي من مشاركة م/أحمد عبد الفتاح
شكرا ليك ياهندسة لتصويب المعلومات وربنا يزيدك من علمه ويزيدنا من فضله جميعا
انا كنت حابب اشرح طريقة مبدأ العمل والاستخدام بشكل عملي وعذرا لاي خطأ او تقصير
طيب فيه عند حضرتك فكره عن بروتوكولات الخاصه بكونترول العربيات تشرح لنا مباديأياتها رايحه فين جايه منين تتعرف ازاي وتتقري بايه.؟

ربنا يخليك ومتشكر جدا - اللى انت قلته مظبوط ومافيهوش اى تقصير بالعكس انت تعبت وقريت ودورت علشان تفهم الموضوع وانا كتبت البوست بغرض انك تعرف الموضوع ده جه ازاى .
بالنسبة للبروتوكولات فهى ببساطة مواصفة لحاجتين هما :
١- قيمة سرعة نقل المعلومات وتقدر بالبايت/ الثانية
٢- وظائف ارجل فيشة ال obd اللى فى العربية بمعنى ان الفيشة اللى فى العربية ليها ١٦ رجل منهم ارجل باور وارجل ارضى وارجل معلومات فبتفرق من بروتوكول لبروتوكول كل رجل بتعمل ايه فى بعض العربيات حتلاقى رجل رقم ٢ مثلا بتاعة وظيفة معينة والرجل رقم ٢ فى عربية تانية بتقرا حاجه تانية بس كل البروتوكولات متفقة فى رجلين اتنين بس هما بتوع الطاقة والارضى .
وعموما عدد البروتوكولات اللى شغالة فى العالم كلة ٥ بروتوكولات .

[البليهيس]

جزاكم الله خير كفيتم ووفيتم....بصراحه اجمل جروب ف الدنيت

[volociximab]

مبيشتغلش على الصنى القديم و لو بحثت فى النت هتلاقى السيارات التى لا يدعمها
اتبست فيه و اشتريته و اكتشفت انه لا يدعم سيارتى