Octane Poster

[م.احمد زكريا]

واحد صاحبي قالي أستخدم الـOctane Poster في العربية عشان يزود السحب وينظف دورة البنزين بما فيها الكاربيراتير وكمان بيخلي الحرق كامل وقاللي إن عيبه الوحيد زيادة إستهلاك البنزين

طبعا لما جربته حسيت فعلا بفرق في السحب واضح جدا وبالذات اني بأستخدم بنزين 92 وإتاكدلي اني ماكنتش في وهم اني فولت المرة الي بعدها ببنزين فقط وحسيت بالفرق.

الغريب ان معدل استهلاك البنزين قل ......يعني وفر في البنزين ؟؟؟؟

والسئوال هل استخادام Octane Poster بصفة مستمرة يؤثر على العربية ويؤثر في عمر الموتور؟؟:k17:

طيب لو هو فعلا بيزود الاكتين بتاع البنزين طيب ما هو الواحد ممكن يستخدمه مع البنزين 90 او 80 وهايكون فرق السعر واضح بالذات مع البنزين 80؟؟؟

[م.احمد زكريا]

ايه يا جماعة هو انا اول واحد اجربه ولا إيه
مفيش حتى تعليق واحد

[tutankhamoun]

بُص يا باشا
أنا أستخدم OCTANE BOOSTER
و لم أشعر بشئ اطلاقا و اللي اعرفه انه مش لتنظيف دورة البنزين
كل دوره ( اللي المفروض يعمله ) انه يرفع الوكتان بتاع البنزين
و بعد بحث طويل على الانترنت و من مستهلكين صهيونيين من أمريكا قالوا انه مش كويس على الموتور على المدى البعيد و بيأثر في خامات الموتور الداخلية و بيعجل التآكل
طبعا كله كلام و مفيش حاجة مؤكدة و الله أعلم

بس ممكن يكون كان عندك انسداد مثلا في دورة الوقود و راح لوحده أو راح مع الأوكتان بوستر ده و علشان كدا السحب اتحسن و الله اعلم برضه
بس انا زي ما قلت ........ جربته معملش اي حاجة

[m7nsh]

من فضلكم يا شباب ,, انا سمعت كتير عن الأوكتان بوستر ده ,, و واضح من اسمه انه بيعلى الأوكتان فى البنزين

بس بيتجاب مننين و بكااااام ؟؟

و طبعا اضم صوتى لصوت صاحب الموضوع

طيب لو هو فعلا بيزود الاكتين بتاع البنزين طيب ما هو الواحد ممكن يستخدمه مع البنزين 90 او 80 وهايكون فرق السعر واضح بالذات مع البنزين 80؟؟؟

و ياريت حد يردلنا ع السؤال ,, و شكرااا

[ahmed1981]

أنا إستخدمت الأوكتان بوستر الأمريكي jank
وقمت بوضع الزجاجة كلها في التنك رغم أن البائع قال لي ضع نصفها على التنك مليان

والنتيجة والفرق تقدر تقول إنه يؤول للصفر أو صفر فعلاً
ومكتوب على العلبة (ضعه في تانك السيارة وهو شبه فارغ ثم قم بملئ التانك فوراً)

الحقيقة تجربتي معاه كانت مرة واحدة من أسبوعين ولن أكررها لأنها تعتبر فاشلة بالنسبة لي