سؤال فنى

[ehab77]

عندى كذا سؤال :
1) الاصح ان الواحد يفرمل قبل التوقف بمسافة كبيرة ولا لما يقرب يفرمل ( طبعا الاصح للحفاظ على التيل .........الخ ) ايهما؟
2) خاص بالمور ( هل الاصح امور من غير ماكون دايس دبرياج) ولا كده غلط؟؟؟
طبعا انا اسألتى واضح انها ساذجة بس احب الدنيا تكون واضحة بالنسبة ليا واعتقد الموضوع حيفيد ناس كتير لانها سلوكيات فى القيادة اليومية ممكن يكون بنعملها ومش عارفين خطورتها على الاجزاء الهامة فى العربية او يكون مفيش خطورة من اساسه
ياريت نتبادل المعلومات وجزاكم الله خيرا ياشباب

[Lord of the flies]

1)الاصح ان الواحد يهدى قبل ما يقف بفترة و ذلك لعدة اسباب:-
1-لعدم مفاجئة السيارات القادمة من الخلف و التى قد لا تقف فى الوقت المناسب.
2-للحفاظ على تيل الفرامل.
3-للحفاظ على العافشة و المقصات.
4-للحفاظ على الكاوتش.
5-لراحة الركاب المصاحبيين لقائد السيارة.


2)من الافضل ان يكون المور من دون الاستعانة ببدال الدبرياج للحفاظ على اجزاء الدبرياج(اسطوانة-دسك-بلية-سلك الدبرياج)

ارجو ان اكون قد افدتك يا استاذ ايهاب

[Ahmed Hassan]

لما تفرمل فرمله ضعيفه موزعه على مسافه طويله احسن من الفرمله الجامده في مسافه قصيره.

اي حركه للفتيس لازم تدوس دبرياج

[samirayad]

عندى كذا سؤال :
1) الاصح ان الواحد يفرمل قبل التوقف بمسافة كبيرة ولا لما يقرب يفرمل ( طبعا الاصح للحفاظ على التيل .........الخ ) ايهما؟
2) خاص بالمور ( هل الاصح امور من غير ماكون دايس دبرياج) ولا كده غلط؟؟؟
طبعا انا اسألتى واضح انها ساذجة بس احب الدنيا تكون واضحة بالنسبة ليا واعتقد الموضوع حيفيد ناس كتير لانها سلوكيات فى القيادة اليومية ممكن يكون بنعملها ومش عارفين خطورتها على الاجزاء الهامة فى العربية او يكون مفيش خطورة من اساسه
ياريت نتبادل المعلومات وجزاكم الله خيرا ياشباب

بالنسبة للسؤال الأول...يفضل استعمال الفرامل ببطء قبل الوصول لمنطقة التوقف حفاظا على التيل ومنظومة الفرامل بشكل عام....ولايتم استخدام الفرامل فجائيا الا اذا دعت الضرورة.............أما بالنسبة للسؤال الثانى ...يتم عمل وضع الحياد(المور)...بعد فصل الكلاتش (الدبرياش) على الاّخر..حفاظا على الفتيس(صندوق التروس)

[Ahmed Hassan]

من الافضل ان يكون المور من دون الاستعانة ببدال الدبرياج للحفاظ على اجزاء الدبرياج(اسطوانة-دسك-بلية-سلك الدبرياج)

يعني نبوظ الفتيس علشان نحافظ على الدبرياج؟!!

[ehab77]

انا مش فاهم هى اكيد وجهات نظر مختلفة
انا برده سالت كذا ميكانيكى كل واحد قال رايه
بس مش عارف مين الصح
يالا ربنا يستر

[Ahmed Hassan]

انا مش فاهم هى اكيد وجهات نظر مختلفة
انا برده سالت كذا ميكانيكى كل واحد قال رايه
بس مش عارف مين الصح
يالا ربنا يستر

دي مش مسأله آراء. التسلسل الطبيعي انك تدوس دبرياج و بعدين تحرك الفتيس. للعلم انت ممكن مش بس تمورمن غير دبرياج.. انت ممكن كمان تعشق و العربيه ماشيه لو انت حافظ العربيه و نسبها... بس الاتنين غلط. احنا كدا زي ما نقول خلى العربيه دايره على طول علشان متبوظش المارش!! او نطفي كل النور علشان نحافظ على الدينامو!

[omarmora]

طبعا لازم تدوس دبرياج وانت بتحرك اى حركة للفتيس

[matrix4arabs]

للعلم انت ممكن مش بس تمورمن غير دبرياج.. انت ممكن كمان تعشق و العربيه ماشيه لو انت حافظ العربيه و نسبها...

ممكن توضح لي النقطه دي.
ازاي تعشق تدي غيارات من غير ما تدوس دبرياج.

[AboELsoud]

يا جماعه انتوا فهمتوا الراجل غلط
الراجل قصده هل لما يمور يسيب الدبرياج و لا يفضل حاطط رجله عليه عشان انا كنت بعمل كده بس لقيت اني لما امور اسيب الدبرياج اريح لرجلي و حفاظا على اسطوانه الدبرياج

[Honda_lover]

بص يا باشا انت ممكن تمور من غير مادوس دبرياش بس انت كدة بتخلع ترسين مندمجين مع بعض وبسرعة معينة فجائيا وده علميا غلط لازم تفصل حركة الموتور الاول عن الفتس وبعدين تمور وممكن بردو تعشق التروس كلها ماعدا الاول من غير دبرياج في حالة تساوي سرعة العربية مع الغيار اللي هتديهولها وده مش غلط بس ده مبيحصلشي دايما لأنك مش هتعرف تقدرها كل مرة فممكن مرة تعشق الترس يتكسر فلازم بردو تدوس دبرياج وبذلك في الحالات لازم تدوس دبرياج .

[ehab4367]

1)الاصح ان الواحد يهدى قبل ما يقف بفترة و ذلك لعدة اسباب:-
1-لعدم مفاجئة السيارات القادمة من الخلف و التى قد لا تقف فى الوقت المناسب.
2-للحفاظ على تيل الفرامل.
3-للحفاظ على العافشة و المقصات.
4-للحفاظ على الكاوتش.
5-لراحة الركاب المصاحبيين لقائد السيارة.


2)من الافضل ان يكون المور من دون الاستعانة ببدال الدبرياج للحفاظ على اجزاء الدبرياج(اسطوانة-دسك-بلية-سلك الدبرياج)

ارجو ان اكون قد افدتك يا استاذ ايهاب

رد فوق الممتاز