100 على الغيار التانى فى نوبيرا و 60 فى اللانوس؟؟؟

[محمد فريد]

السلام عليكم ورحمة الله وبركاته
لدى استفسار بخصوص السرعة القصوى للغيارات او نسب التسارع فى كل من لانوس 2 ونوبيرا
حيث اننى عمدما احرق على الغيارات فى اللانوس الاحظ مثلا ان الغيار الثالث اخره معايا 90 عند rpm 5500
اما فى النوبيرا فمع صاحبى وبتجيب معاه 100 فى الغيار الثانى عند rpm 6000 او اقل بقليل
فما التفسير مع ان الفرق فى السيارتين 100 سى سى فقط وسيارة صاحبى هذه موتورها خفيف شوية
وشكرا لسعه صدركم

[فادى]

ملهاش دعوة بحالة المحرك و لا بحجم المحرك نظريا,
السرعة القصوى على كل غيار بيحددها نسبة الغيار نفسه بمعنى نسبة حجم التروس لبعضها,
عامة اللانوس سيارة صغيرة مصممة للمدن, و عادة تصمم هذه السيارات كى تنقل عزما أكبر و سرعة قصوى أقل على كل نقلة, أى نسبة تخفيض كبيرة للسرعة فى مقابل زيادة العزم.
النوبيرا أكبر قليلا, لذا فان نسب التخفيض تصبح أصغر و نهتم بالسرعة القصوى أكثر من التسارع.
و ده يرجع لتصميم علبة تروس كل سيارة و نسب التخفيض, و ملهاش دعوة بحجم المحرك نظريا, الا ان كل ما كان المحرك اكبر, قوته بتسمح لينا اننا نكبر السرعة بدون تأثير كبير على التسارع, و مثال على ذلك السيارات الأمريكية.

[محمد فريد]

شكرا على التوضيح

[mrghost]

معلومه قيمه اول مره اخد بالى منها بصراحه !!!

[tutankhamoun]

ملهاش دعوة بحالة المحرك و لا بحجم المحرك نظريا,
السرعة القصوى على كل غيار بيحددها نسبة الغيار نفسه بمعنى نسبة حجم التروس لبعضها,
عامة اللانوس سيارة صغيرة مصممة للمدن, و عادة تصمم هذه السيارات كى تنقل عزما أكبر و سرعة قصوى أقل على كل نقلة, أى نسبة تخفيض كبيرة للسرعة فى مقابل زيادة العزم.
النوبيرا أكبر قليلا, لذا فان نسب التخفيض تصبح أصغر و نهتم بالسرعة القصوى أكثر من التسارع.
و ده يرجع لتصميم علبة تروس كل سيارة و نسب التخفيض, و ملهاش دعوة بحجم المحرك نظريا, الا ان كل ما كان المحرك اكبر, قوته بتسمح لينا اننا نكبر السرعة بدون تأثير كبير على التسارع, و مثال على ذلك السيارات الأمريكية.

و عايز أضيف حاجة يا باشمهندس فادي بعد أذنك طبعا
بالاضافة للكلام اللي قالوا المهندس فادي
كمان محرك اللانوس من نوعية SOHC
و محرك النوبيرا DOHC
و المحركات زي النوبيرا بتبقى أقوى في التحمل للسرعات العالية للمحرك أو للسيارة
و الله أعلم

[فادى]

و عايز أضيف حاجة يا باشمهندس فادي بعد أذنك طبعا
بالاضافة للكلام اللي قالوا المهندس فادي
كمان محرك اللانوس من نوعية SOHC
و محرك النوبيرا DOHC
و المحركات زي النوبيرا بتبقى أقوى في التحمل للسرعات العالية للمحرك أو للسيارة
و الله أعلم

تمام يا أستاذ توت,
الموضوع ان المحركات ثنائية الكامة تعطى قدرة أكبر على السرعات العالية من المحركات وحيدة الكامة, على السرعات القليلة للمحرك بيبقى القوة متساوية, لكن المحرك ثنائى الكامة يتفوق فى العزم على السرعات العالية, و لذا فانه يعتمد دائما فى السيارات الرياضية و السيارات الكبيرة المجهزة للسفر, لكن فرق القوة ده مش هيبان الا على النقلة الأخيرة, مش على التانى, و طبعا هينعكس على السرعة القصوى الفعلية للسيارة.
جدير بالذكر ان المحركات ثنائية الكامة موجودة من سنة 1912, و اول من ابتكرتها كانت فيات, لكن بيجو كانت أول من استغلتها فى سيارة سباق الجائزة الكبرى عام 1913, و ظلت حكرا على سيارات السباق الى ان انتقلت الى السيارات العادية بداية من الستينات.
ده موقع بيقارن بين النوعين :

http://paultan.org/archives/2005/06/22/sohc-vs-dohc-valvetrains/

[ringoo84]

اول مره اخذ بالي من الموضوع ده شكراااااااااااااا