مأساه الجمب اليمين!!

[fady911x]

انا لسه بتعلم سواقه و نوعا ما الموضوع مشي معايا شويه و بقيت اروح الشغل بتاعي في المعادي بالعربيه من غمره
المشكله بتاعتي انه الجمب اليمين عندي شويه و هيتحول للوحه تشكيليه
لأنه كل شويه و انا باخد ملفات مثلا ببقي خايف من اني اقفل السكه علي اللي جاي ورايا اروح لافف علي الضيق اروح حاكك مثلا حكه بسيطه في صندوق زباله مركون علي جمب
و كمان وانا ماشي كتير بيحصل انه مرايتي اليمين تخبط في مرايه اللي معدي من يميني

دلوقتي عندي شويه اسئله
الموضوع ده اتغلب عليه ازاي؟
و تكلفه تصليح الخربشه اللي في الجمب اليمين ممكن تكلفني كام؟ و هل في طريقه سهله للتصليح من غير دهان جديد؟
و هل التأمين ممكن يفيدني في الموضوع ده؟

[fadynabil]

أولا .. حلو أوي إسم الموضوع :POINTI~2[2]: أنا أول قريته قريت الـ jump قولت يمكن حاجة جديده في العربيات .. كنت هاموت من الضحك >> لحد مادخلت الموضوع وقريته

المهم .. الموضوع هييجي بالتعود وكلها إسبوع ولا إتنين وتتعود علي العربيه وأبعادها

وبالنسبه للوحة التشكيليه دي علامه مسجله في سيارات أرض المحروسة فــ كبر دماغك منها دلوقتي لحد متتعلم تمام وإبقي فكر ترشها بعدين

[Adham]

شوف سكة كلها ملفات شمال بس علشان ماتلفش يمين خالص:k48:

[fady911x]

طيب هو الرش ده بيكلف كام؟ و ايه عيوبه؟ و هل بيرجع العربيه لحاله الفابريكه؟
و بيتعمل ازاي؟

[دموع الثلج]

وانت تزنق نفسسسسسسسسسك ليه بس

ما تاخذ الملف بالراحه وتوسع لنفسك كويس مش هقولك حد الملف على الواسع وكانك بتلف تريلا

لا بس خلى عندك وسع عن الرصيف او اى شى على يمينك

ولو عربيتك فابريكه حرام كل كم خدش تروح ترش ده بيخفس بسعر العربيه الارض عند اعاده البيع

[SAMER_ENGINES]

فادي العربية ليها طول مش زيك لما بتمشي بجسمك لا الجسم بتاع العربية ليه طول طبعا و لازم تعمل حسابه و ابقي وسع لنفسك و حتي لو ضيقت علي الي جاي من الناحية التانية هو حيقف بس متحكش عربيتك و الموضوع هييجي بالتعود و متخفش خالص.

[r0xer]

ياعم عادي...بتحصل لأي حد....من 5 شهور حصلتلي في فرح عشان كان بقالي اكتر من 48 ساعة متواصلين بدون نوم..وحكيت في نص نقل في ملف و المشكلة ان الشارع عرضه 6 متر!! ومكنش في عربيات ساعتها :d

المهم الحلول للموضوع دا :

خلي بينك و بين الملف حجم عربية تانية!

يعني أيه؟

أ=صندوق زبالة
ف=مكان لعربية تخيلية مش موجودة
ج= عربيتك

أف ج

ولو الشارع ديق (يعني ياخد عربيتين بس) يبقى تاخد الملف من اخره و تخلي بينك وبين الناصية اللي انت داخلها 2 متر على الاقل...

ياريت يكون كلامي مفهوم....وولا يهمك فداك مليون جمب والمهم تتعلم

وخلي العربية كدا لانها غالبا "وبعيد الشر عنك يارب ميحصلهاش حاجة" ممكن تتخدش تاني فخليها شوية

وبالتوفيق

[fady911x]

شكرا يا جماعه علي النصيحه
و اديني بتعلم اهو
و محدش بيتعلم ببلاش
عموما انا فعلا هستني لغايه متعلم كويس اوي و بعدين هبقي اصلح الخربشه
بس محدش يعرف الموضوع يكلف كام؟

[samirayad]

شكرا يا جماعه علي النصيحه
و اديني بتعلم اهو
و محدش بيتعلم ببلاش
عموما انا فعلا هستني لغايه متعلم كويس اوي و بعدين هبقي اصلح الخربشه
بس محدش يعرف الموضوع يكلف كام؟

بص يافادى .....حاول ماتلفش أى ملف ألأ حينما تكون أنت (بمعنى أصح الفردتين الأماميتين)......أمام حافتة علشان تضمن عدم الاحتكاك مع أى شىء........وما ترشش أى شىء دلوقتى لحد ما تصل لمرحلة اتقان السواقة

[king_de_egypt]

يا باشا انا واخدها كدا قاعده اللى خايف على العربيه او اللى خايف على اللى وراه لازم يتخبط من لخمته يا عم سبها على الله و سوق بهدوء والحياه هتمشى زى الفل

[gebreel]

بص يا فادي لو مثلا بتلف يو ترن فخدها قاعدة كدة انك تستنى لحد مكبوت العربية يطلع برة الرصيف و بعد كدة لف على حسب الرصيف اللي جنبك اما بقى بالنسبة لقصة انك خايف تزنق اللي وراك فحلها هو انك تتعلم انك تلف في نفس حارتك يعني الخطوط البيضة دي مش معمولة علشان نمشي عليها لأ دي علشان نمشي بنها و بالتالي ساعتها مش هتزنوقوا و حاول لو بتلف يمين تخلي شمالك ديق سنة صغيرة مش كتير و كلنا كنا كدة في الاول و ربنا يوفئق إن شاء الله

[shanodaa]

ان شاء الله ركز شويه وحاول تقدر المسافات كويس وكله ها يجي مع الايام

[dr_timo]

اتطمن بس وابقي هادي ومش خايف وانت سايق والناس كلها حصلها كدة وانا نفسي حصلي كدة كنت ببقي ماشي وبوز العربية اليمين من قدام كان كرسي للشعب اي حد ماشي كنت بقصه ههههههه بس كنت بفرمل والحق نفسي اه خدت كام وعيقة وكام بصة توحي ان اللي قدامي مستغبيني اوي بس اهو الحمد لله عدت وبقيت كويس فانت بردو لو داخل مثلا شارع او مكان خلي نفسك مزنوق اوي عالشمال يمتك لانك شايفه ومش هتخبط بيه فازنقه اوي والشمال وسعله عالاخر ومراية اليمين هتساعدك بص فيها عشان لو لقيت نفسك هتلمس هتبقي شايف في المراية وعامة لما تيجي تحود كدة عشان جمبك اليمين ميتخبطش فعمود عاليمين مثلا حوود واكسر او بعد ميكون نص العربية او اكتر عددة مش قبل كدة عشا جمب العربية ميتخبطش في العمود

[Terrible_DaRsH]

هو اهم حاجة بس انك تشيل رجلك من على البنزين خااالص وتاخد الملف بهدوء ومتستعجلش فى الدوران بالعربية و خد الملف على الواسع شوية بس مش اوى لغاية ما تتعود ..
والحكاية دى هتزول بالتعود ان شاء الله ..

[omarmora]

انصحك نصيحة مفيدة لو نوع عربيتك من الفئة المتوسطة زى معظم العربيات فى مصر مثلا (( كرولا - لانسر - شاهين - لادا- النترا ) هتسيب مسافة المراية اليمين بتاعتك وبين صندوق الزبالة نص متر وتكسر كله عليه ان شاء الله مش هتحك الجمب اليمين تانى