الانذار و ما شابه ذلك

[محمد بازيد]

بسم الله الرحمن الرحيم

الاخت كاتبة الموضوع
انا برضوا بيحصل عندى كدة بس الحل اليقين انك تشيلى كابل البطارية لمدة دقيقة وبعدين تفضلى ضاغطة على زرار الفتح الموجود فى الريموت لمدة دقيقة متصلة وبعدين وصلى الكابل وكلة هيبقى تمام ان شاء الله
وياريت تقولينا المشكلة انحلت ولا لا

[دينا أبوالعلا]

انا روحت التوكيل كنت بعمل الصيانه وقلتلهم قالولي لو من السنتر بتاع العربيه هنظبطه وبما انه ماتظبطش يبقي من اللي مركباه علافتها لوحدي والحمد لله
حاولت اشيل كابل البطاريه زي ما bazed قالي بس معرفتش فكيت صاموله لقيت الدراع مش هيطلع جيت افك صاموله تانيه في اول الدراع طلعت ناشفه مرضيتش اتك عليها حد يقولي افكها منين دي ولقيت كل صموله مسمارها متلون هي الالوان دي ليها مدلول سالب وموجب وكده يعني؟؟؟؟

[دينا أبوالعلا]

محدش هيقولي افصل البطاريه ازاي ولا ايه

[دينا أبوالعلا]

بسم الله الرحمن الرحيم

الاخت كاتبة الموضوع
انا برضوا بيحصل عندى كدة بس الحل اليقين انك تشيلى كابل البطارية لمدة دقيقة وبعدين تفضلى ضاغطة على زرار الفتح الموجود فى الريموت لمدة دقيقة متصلة وبعدين وصلى الكابل وكلة هيبقى تمام ان شاء الله
وياريت تقولينا المشكلة انحلت ولا لا

انا عملت اللي قولتلي عليه بس للاسف ما تحلتش:k30::k30:

[دينا أبوالعلا]

الحمد لله المشكله اتحلت شكرا ليكو واسفه اني ازعجكتكو وشكرا لمساعدتكم

[A.Saad]

الحمد لله
بس ازاى

[دينا أبوالعلا]

الحمد لله يا احمد علي كل حال بس يا فرحه ما تمت :K_crying[1]:والله لما كتبت كان كله تمام رجعت بليل لقيت رجعت ريما لعادتها القديمه احبطت جدااا:k17:
انا مش هيأس:k47: في احد الزملاء قالي روحي لكلاريون وان شاء الله هروح وابقي ابلغكو بالنتيجه ان شاء الله ادعولي :k30:

[ramylanos]

ياريت تقوللنا علشان عندي نفس المشكله في الانوس ومجنني فعلن