استفسار عن اطارات كومهو

[mado_1977]

اخواتي اعضاء المنتدي الكريم
السلام عليكم ورحمة الله وبركاته
بجد انا بشكركم علي المنتدي الرائع بجد والذي افادني جدا انا وبعض الاصدقاء في اتخاذ قرارات مهمه جدا
وان كنت اعتذر عن قله مشاركاتي وان كانت فقط للشكر ولكن عذرا
وجزاكم الله عنا خير الجزاء وخاصة ادارة المنتدي .
اريد رأيكم في موضوع هام بالنسبه لي
انا معايا نيسان صني 2008 وعملت 57000 كيلو ومحتاج اغير الاطارات وكنت سألت علي البريدج استون فلقيتها بحوالي 530 جنيه طبعا في 4 اطارات خبطه جامده دلوقتي خصوصا انها متزامنه مع التجديد والتامين وطبعا اكييد كلكم مدركين ما حدث لاسعار التأمين في مصر بعد سقوط الجمعيه
في اصدقاء نصحوني باطارات الكومهو ولما سألت عليها وجدتها في حدوج 330 الفرده طبعا ده هايعمل فرق سعر محترم جدا فا ايه رأيكم افادكم الله
مع العلم بأن بيتي وعملي 56كيلو يعني رايح جاي 112 كيلو يوميا غير السفر فا انا بسافر كتير خارج القاهره بحكم عملي منتظر نصائحكم وجزاكم الله خيرا
محمد الخضري

[mado_1977]

ايه يا جماعه مش متعود منكوا علي كدا مفيش حد ناوي ينصحني ولا ايه فيين وحوش المنتدي الكرام انا منتظر الرد
الاداره الكريمه لو التوبيك ده مش فيمكانه بالرجاء نقله لمكانه الصحيح حتي يستطيع اكبر عدد الاشتراك
ولوحد عنده اي تقتراح بخصوص نوع اخر من الاطارات يا ريت

[mramzy]

انا عربيتى ماتريكس يتنزل بالكومهو ولما حبيت اغيرهم السنه اللى فاتت برضه جبت كموهو زى الاصلى بس مش فاكر السعر والله
بس اللى اعرفه انه بيكون طرى ومش ناشف ومن كام شهر غيرت الهوا بنتروجين والحمدلله العربية نعمه فى المطبات

[MohaMed_Refaat]

ممكن حضرتك تراجع الموضوع اللى فى اللينك دة وإن شاء الله يفيدك وتلاقى فية جواب سؤاللك

http://www.nilemotors.net/Nile/showthread.php?t=48236

[Karim_Monir]

البريدجستون لا يعلى عليها
ماتخاطرش اطلاقا وتسترخص في الكاوتش
البريدجستون يقعد من 60 الى 80 الف كم لو مواظب على الروتيشن كل 10 الالاف والضغط مظبوط على طول
مانصحكش غير ببريدجستون

[mado_1977]

جزاكم الله خير الجزاء

[dentoman123]

hankook mia mia sebak mn komho

[AmRElSiSi]

بس يا كبير
البريدج كاوتش خشن مش بتاع جرى و كمان بيقعد كيلوهات كتير و طبعاً بيبقى احسن فى المياه و فى الفرامل
الكومهو عكسه خالص كاوتش ناعم جداً و هو عموماً معمول للجرى و كمان بيقعد حوالى 40000 الف بس
فى نوع كويس اسمه Marshal هو طبعاً مش زى البريدج بس احسن من الكومهو و هتلاقى تمنه لذيذ

[dr_abooody]

الكموهو ممتاز و معايا بقالة 30 الف كيلو و النقشة لسة ما رحتش من علية
بس كنت شاري الفردة من 3 سنين على 250