إستفسار هام وعاجل جدا عن الزيت التخليقي

[eldeplomasy]

لأن موتور الشاهين قديم التصميم حتى لو كان زيرو
لذلك فهو مصمم ليتقبل الزيوت المعدنية أكثر من أي زيوت أخرى

ده لو المعلومة دي حقيقيه انا كنت بعت العربية دي فورا

هو جايز التصميم مش حديث نسبيا لكن ده موتور ايطالي مستورد ومتقفل هناك زي موتور السيينا وكل مواتير الفيات بالضبط

عموما انا بس كنت خايف تحصل مشاكل وانا معنديش وقت لاي مشاكل واساسا الوقت هو سبب اني عايز احول من معدني لتخليقي علشان طول المدة

[umoussa]

طيب أنا مش عارف حفدكم بالكلام التالي ولا لأ

موتور الشاهين والتمبرا والعربيات الي ظهرت في فترة التسعينات ما هو إلا موتور 131 و132 بعد تعديله عندما قامت شركة فيات ببيع خط الأنتاج ونقله من تورينو إلى تركيا.

قبل ما تسأل الموتور عايز زيت ايه، نشوف الأول كبس الموتور أد أيه وبعد كدا نبص على معدل انضغاط المحرك.

حضرتك بتقول ان العربية بتاكل بنزين ولمعلوماتك المعدل الي انت كاتبه عالي جداً ودا معناه ان الزيت التخليقي حيحصله تأكسد سريع ممكن بعد 3000 كيلو وحتحتاج تغيره لأنك لو سبتك كأنك مش حاطط أي حاجة في العربية.

نصيحة، العربية مش عايزة زيت تخليقي ياراجل دا اللانوس الي موتورها انعم مش عايزة زيت تخليقي ولا انت غاوي دفع وخلاص؟

شوف موضوع استهلاك البنزين لأن دا مؤشر غير صحي بالمرة على أداء المحرك.

[maka]

انا سمعت ان كتالوج الشاهين بيوصى باستخدام زيت ال5000 لكن تخليقى لا

[ahmed1981]

ده لو المعلومة دي حقيقيه انا كنت بعت العربية دي فورا

هو جايز التصميم مش حديث نسبيا لكن ده موتور ايطالي مستورد ومتقفل هناك زي موتور السيينا وكل مواتير الفيات بالضبط

مش عيب إن موتور الشاهين قديم التصميم
إيه المشكلة يعني
أنا بعتبرها ميزة لأنه قليل الطلبات بيقبل بنزين 80 وأي زيت عادي ويمشي زي الفل

[eldeplomasy]

لا قصدي انه موتور جديد متهيالي انه فل انجكشن بس عموما شكلي مش هغير الزيت وبعدين بالنسبة للإستهلاك البزين انا بحس انها في الطريق السريع بعمل 200 كيلو ب12 لتر بس لكن داخل المدينة لما بكبس بنزين واجري بتستهلك بسرعه فمش عارف ده طبيعي ولا ايه

عموما طيب اعمل ايه او اكشف على ايه علشان الإستهلاك الزيادة ده؟؟؟

[umoussa]

انت لو عايز فعلاً تتعقد

التويوتا كرولا الجديدة 1600 بتعمل 340 كم بالصفيحة يعني 170 كم/10 لتر بنزين وبنزين 92 مش 95 ودا معناه انه لو حط 95 حتوفر اكتر.

انت لازم تشوف مشكلة تآكل البنزين دي ضروري لأنك كدا بتلعب في عداد عمر الموتور

[eldeplomasy]

معلش سامحني انا مش عارف ايه العلاقة بين استهلاك البنزين الزيادة وعمر الموتور

ومتنساش ان الدفع خلفي في الشاهين ونتاكد من الاخوة الاعضاء اللى عندهم شاهين 1600 او 1400 حتى ياريت يقولولنا الاستهلاك معاهم ازاي بحيث لو نفس المعدل يبقى مفيش مشكلة لكن لو المعدل اقل يبقى في مشكلة بس انا بصراحه معرفش ان في علاقة بين زيادة الاستهلاك وعمر الموتور فياريت حضرتك تشرحلي ازاي؟؟؟

بعمل في الصفيحه 170 كيلو او اكتر شوية او اقل شوية بالمكيف

[umoussa]

حضرتك متعرفش ان من أعراض انتهاء عمر الموتور وهروب الكبس والقدرة والتفويت إن العربية تاكل بنزين؟

دا غير كدا حاجات تانية....

ثم ان 170 كم/20 لتر دا معدل عالي جداً جداً جداً

[maka]

معلش استفسار صغير هو الهاف انجكشن بيبقى بيكات ولا رشاشات

[eldeplomasy]

طيب ده العربية من ساعة ما استلمتها وهي كده معدلها نفس المعدل تقريبا

[kemks]

طيب ده العربية من ساعة ما استلمتها وهي كده معدلها نفس المعدل تقريبا

لا كده المعدل كبير شويه 11.70 لتر كل 100 كيلو كتير مفروض اقل من كده

دا انا العربيه بتاعتي موديل 2000 و فيها كذا عيب بيخليا تاكل بنزين و اللمبه منوره و بتقولي في عيب في دايره البنزين و لازم اغير كذا حساس عندي و بوصل للرقم دا شويه وشويه اقل

بس في موديل عالي و تاخد الاستهلاك دا شوف في عيب ايه عندك و نظف البوابه و غير فلتر الهواء او نظفه تنظيفه جامده و اكشف علي البوجيهات

وربنا يسهل و يبقي عيب في الحاجات اللي فاتت

[eldeplomasy]

والله انتو قلقتوني بس فعلا مش عارف هل ده عيب ولا ايه؟؟؟

[umoussa]

معدل الاستلاك ده زي استهلاك الجولف 4 موتور 6 سلندر 201 حصان