فكره عامه عن حساس الأكسجين

[samirayad]

[حساس الأكسجين من المكونات الهامه بدايرة التحكم لمحركات الحقن الألكترونى...............]-من فوائد الحساس ده تنبيه وحدة التحكم من خلال متغيرات معينه بنسبة الأكسجين الخارج مع نواتج الأحتراق(العادم)......وعلى هذا الأساس تقوم الوحده بعمل تعديل لفترة ضخ البنزين من خلال الرشاشات.....[أنواع حساسات الأكسجين النوع الأول....zirconia...ويعمل على نظرية توليد فولت كهربى معين ...من خلال هذا الفولت ...وحدة التحكم بتعرف نسبة الأكسجين بالعادم................وهو مصمم فى شكل أنتفاخ مجوف(شبه أنبوبة الأختبار)....ويوجد داخل هذا الأنتفاخ ماده مولده للفولت وهى ثانى أكسيد الزركونيوم....وهى شريحه داخل الأنتفاخ تقوم بتوليد الفولت نتيجة الفرق بين حرارة الهواء الخارجى الموجود داخل الأنتفاخ المجوف من الداخل ...وحرارة هواء غازات العادم.....وتقريبا النوع ده متواجد فى السيارات اليابانيه.....

- النوع الثانى ويعمل بنفس نظرية حساسات الحراره....ويطلق عليه النوع الTITANIA]

.....ومن خلا ل التغير فى مقاومة الماده الداخله فى تركيب الحساس....وهى عباره عن شريحه صغيره من التيتانيوم موصله بسلكين ....

السلك الأول يستلم جهد معين لتغذية الحساس من وحدة التحكم.....وعنما يحدث تغيير فى مقاومة الماده الداخليه للحساس....يخرخ الفولت من السلك الآخر فى صوره مختلفه تبعا لحرارة العادم- الفولت الخارج من الحساس هذا بيروح لوحدة التحكم وهى بدورها بتعرف حالة وكمية الأكسجين فى العادم من خلال دايرة مقارنه مصصمه داخل وحدة التحكم وعليه بتقوم باللازم نحو التحكم فى آداء الرشاشات لضبط نسبة الخليط....air/fuel ratio

....

- أحب أن أوجه برضه الى أن النوع الثانى هو المطبق فى السيارات الكوريه....مثل عائلة الدايو

[ahmedsrs]

شكرا على المعلومات القيمة

[samirayad]

شكرا على المعلومات القيمة

الله يخليك ياأبوحميد.....كان نفسى الموضوع يكون أعمق من كده....على العموم الحمد لله على كل حال

[Ahmed Hassan]

شكرا على الموضوع. بس هل يا ترى في ميزه لنوع من الاتنين على التاني؟؟ يعني مثلا واحد فيهم ادق او عمره اطول من التاني؟!

[samirayad]

شكرا على الموضوع. بس هل يا ترى في ميزه لنوع من الاتنين على التاني؟؟ يعني مثلا واحد فيهم ادق او عمره اطول من التاني؟!

هو مفيش مفاضله أتوضحت عند أطلاعى على الموضوع بين النوعين.....

- بس من وجهة نظرى الشخصيه النوع التانى(المستخدم فى السيارات الكوريه)....أكثر أقتصادا وأفضل للأجواء بتاعتنا............ليه

-لأنه مقفول وشبيه بحساس الميه ....ومش حيكون عرضه للتلوث والتلف بسبب الغبار والجو المترب اللى موجود فى المناطق الأستوائيه......علشان زى ماقولنا النوع الأول بيكون مجوف ومفتوح من النصف(زى أنبوب الأختبار)....دى مجرد أجتهاد من جانبى تعليقا على سؤال حضرتك................وشكرا على المرور

[Ahmed Hassan]

هو مفيش مفاضله أتوضحت عند أطلاعى على الموضوع بين النوعين.....

- بس من وجهة نظرى الشخصيه النوع التانى(المستخدم فى السيارات الكوريه)....أكثر أقتصادا وأفضل للأجواء بتاعتنا............ليه

-لأنه مقفول وشبيه بحساس الميه ....ومش حيكون عرضه للتلوث والتلف بسبب الغبار والجو المترب اللى موجود فى المناطق الأستوائيه......علشان زى ماقولنا النوع الأول بيكون مجوف ومفتوح من النصف(زى أنبوب الأختبار)....دى مجرد أجتهاد من جانبى تعليقا على سؤال حضرتك................وشكرا على المرور

شكرا على الرد.. انا عندي (افتراض) ان النوع الاول ممكن يكون عمره اطول.. و ده بسبب اللي بشوفه من العربيات الدايو مثلا.. و قريبتها الأوبل الحساسات دي فيهم معدل تلفها عالي. ده مجرد افتراض و كنت بسأل لو فيه ما يدعمه.

[samirayad]

شكرا على الرد.. انا عندي (افتراض) ان النوع الاول ممكن يكون عمره اطول.. و ده بسبب اللي بشوفه من العربيات الدايو مثلا.. و قريبتها الأوبل الحساسات دي فيهم معدل تلفها عالي. ده مجرد افتراض و كنت بسأل لو فيه ما يدعمه.

هوكلامك مظبوط من الناحيه الأقتصاديه.....لأن ممكن شركات زى الدايو بتستخدم النوع التانى علشان أرخص مثلا........

- بس حقيقى لم أطلع على أى جوانب مفاضله بين النوعين.....وبالتالى التفسير بتاع الجانب الأقتصادى حيكون هو الأقرب للمنطق...........

دا بالأضافه أن نظرية عمل (النوع الأول بتقوم على توليد كهرباء بتديه عمر أفتراضى أطول من النوع التانى اللى بتقوم نظرية عمله على التغير فى مقاومته بسبب الحراره العاليه)

- وطبعا الحراره العاليه بتأثر على مقاومة المواد وممكن تتلفها مع كثرة الأستعمال.......

- يبقى من هنا حنلاقى الموضوع متعلق بالجانب الأقتصادى البحت......هذا والله أعلم

[Ahmed Hassan]

انا دورت و لقيت ان النوع التاني (TATITANIA) استجابته اسرع و تمنه اغلى من النوع الأول (ZIRCONIA)

عموما عمر السنسور 160000 كم لما يكون معرض للحراره (زي حساس الشكمان) و من 50000 لـ 80000 لو كان غير معرض للحراره


اللي عايز معلومات اكتر موجوده في الرابط ده

http://en.wikipedia.org/wiki/Oxygen_sensor

[KoDaK_Gti]

[samirayad]

الله يخليك يا أستاذ/حسام .....وأنا شاكر جدا لزوقك ...اللى مش غريب عليك

[nabaster]

ا/سمير ايه بس الحلاوه دي يا استاذنا ربنا يكرمك يا باشا و
الف الف شكر علي الموضوع الهااااااااااااااايل

[Ignition-Kid]

اول حاجه شكرا لحضرتك جدا على المعلومات و يارب تكون فى ميزان حسناتك بس انا عندى كدا كام تعقيب لو سمحتلى
واحد ماده ثانى أكسيد الزركونيوم ديه ماده مولد للفولت عند الوصول لدرجه حراره معينه (تحت ال300 درجه مئويه هى عباره عن مقاومه مش اكتر) ودرجه الحراره المثلى للتشغيل هى 600 درجه مئويه وبالتالى هى بتولد فولت عند الوصول لدرجه حراره التشغيل (مش عن طريق فرق درجات الحراره زى ماحضرتك قلت سابقا)




ثانيا التجويف ده عباره عن فتحه لدخول الهواء الجوى العادى وبالتالى الحساس بيعمل مقارنه بين نسبه الاكسجين فى العادم ونسبه الاكسجين فى الهواء الجوى وبيولد فولت على حسب الاختلاف فى نسبه الاكسجين.


طيب فى حاله المحرك وهو لسه بارد درجه حراره العادم بتكون مش قادره تسخن الحساس علشان يشتغل او يوصل لدرجه حراره التشغيل لذلك تم وضع سخان لتسخين الحساس للوصول الى درجه التشغيل بسرعه حتى نحصل على ال closed loop اللى احنا عايزنها علشان ال ECU يقدر يتحكم فى ال Air to fuel Ratio.
وبشكر حضرتك تانى على المعلومات

[samirayad]

اول حاجه شكرا لحضرتك جدا على المعلومات و يارب تكون فى ميزان حسناتك بس انا عندى كدا كام تعقيب لو سمحتلى
واحد ماده ثانى أكسيد الزركونيوم ديه ماده مولد للفولت عند الوصول لدرجه حراره معينه (تحت ال300 درجه مئويه هى عباره عن مقاومه مش اكتر) ودرجه الحراره المثلى للتشغيل هى 600 درجه مئويه وبالتالى هى بتولد فولت عند الوصول لدرجه حراره التشغيل (مش عن طريق فرق درجات الحراره زى ماحضرتك قلت سابقا)




ثانيا التجويف ده عباره عن فتحه لدخول الهواء الجوى العادى وبالتالى الحساس بيعمل مقارنه بين نسبه الاكسجين فى العادم ونسبه الاكسجين فى الهواء الجوى وبيولد فولت على حسب الاختلاف فى نسبه الاكسجين.


طيب فى حاله المحرك وهو لسه بارد درجه حراره العادم بتكون مش قادره تسخن الحساس علشان يشتغل او يوصل لدرجه حراره التشغيل لذلك تم وضع سخان لتسخين الحساس للوصول الى درجه التشغيل بسرعه حتى نحصل على ال closed loop اللى احنا عايزنها علشان ال ECU يقدر يتحكم فى ال Air to fuel Ratio.
وبشكر حضرتك تانى على المعلومات

شكرا أخى الفاضل على الأضافه الطيبه........وحقيقى بأشكرك......لأننى بالفعل....حسيت أن الموضوع ناقصه حاجه.....ويمكن تلاحظ أنى قولت الكلام ده من قبل لزميل مر على الموضوع وترك تعليق.....وأنا فقط مجرد عملت STARTING ... ... ....وأكيد حيكون فيه أضافات وأنا فعلا عاوز كده للثقل الفنى من كل الأتجاهات

[Ignition-Kid]

ربنا يكرم حضرتك وحضرتك ليك الفضل الاول والاخير فى الموضوع.

[samirayad]

ربنا يكرم حضرتك وحضرتك ليك الفضل الاول والاخير فى الموضوع.

-الله يخليك.....أخى الفاضل.....وأشكرك مره ثانيه على الأضافه