ما هو حساس التسقيف

[samirayad]

عرفنا من مواضيع سابقه أن الحساسات أنواع (حسب طريقة ونظرية عملها فى دوائر التحكم الألكترونى للسيارات الحديثه)...............

* ومنها الresistive sensors

مثل حساس الtps ...الذى تقوم نظرية تشغيله على مايسمى بالبوتنشيومتر...........

8 ومنها ال voltage generating sensors

مثل حساس الماب والذى تعتمد نظرية عمله على توليد فولت نتيجة التغير فى مقاومة مادة السيلكون عند تعرضها لضغوط تخلخل مختلفه (مع أتصالها بدايره متكاملهintegrated circuit )...........

* ومنها (الحساسات المولده للفولت مثل حساس الأكسجين من النوع الZirconia

.........

*** واليوم سنتحدث مع حضراتكم عن نوع آخر من الحساسات المولده للفولت ...ألا وهو حساس التسقيف knock secsor

.........

...يستخدم حساس التسقيف فى بعض أنواع المحركات الحديثه لنقل صوره حيه لوحدة التحكم الألكترونى عن حالة الأهتزاز الذى يتعرض له المحرك بسبب حدوث أضطراب فى موجات الحريق التى يمر بها المحرك داخل غرف الأحتراق .........

** الأشاره الذاهبه من هذا الحساس الى وحدة التحكم تكون فى صورة فولت كهربى متغير (حسب حالة ووضع الأهتزاز على جدران أسطوانات المحرك)......وبالتالى تقوم وحدة التحكم بعمل اللازم نحو تأخير زمن أرسال الشراره الى الأسطوانات بالتحكم فى آداء ملف الأشعال الألكترونى (البوبينا)...وذلك لضبط تنغييم آداء المحرك بالتحكم فى وقت الشراره الى البوجيهات.......

**ويركب حساس التسقيف على الجدار الجانبى لكتلة الأسطوانات(البلوك) ........

** النظريه الهندسيه لقيام هذا الحساس بالوظيفه الموكله اليه تختلف عن نظائره من الحساسات الأخرى المولده للفولت ......

....حيث أن عملية توليد الفولت الكهربى المتغير (الناتج عن الحساس أثناء تعرضه لأهتزازت تعبر عن حالة الحريق والأصوات الغير مرغوبه نحو الحريق).........

....النظريه هنا بتعتمد على خاصيه من خصائص أنواع من المواد...أو الكريستالات مثل الكوارتز....على أساس عند تعرض هذا النوع من المواد أو الكرستالات لضغوط ناتجه عن عملية أهتزاز الحساس نفسه (نتيجة الحريق الخاطىء )......فأنه ينتج عن هذا توليد فولت كهربى متغير على سطح أو وجه الكريستاله............حيث أنه يحدث تشوه وتغيير فى الشكل للكريستاله وبالتالى يتولد الفولت المتغير والذى تعتمد قيمته على شدة الأهتزاز الحادث للكريستاله أثناء وجودها داخل الحساس نفسه....ويطلق على هذا العنصر أو الماده الموله للفولت نتيجة الضغوط المختلفه أو الأهتزاز Piezo electric element

......

** يوجد نوعين من أنواع حساسات التسقيف المستخدمه

1- the mass type

وهو ينتج فولت كهربى فى مجال واسع ومدى عمل متسع ولكن الأشاره الخارجه منه الى وحدة التحكم تكون أقصاها عند معدل أهتزاز فى حدود 7 كيلو هيرتز (ولكن يولد أشاره عند كل مراحل الأهتزاز)

2- the resonance type

...وهذا النوع محدود فى أشارته وينتج أشاره فقط عند تعرضه لأهتزاز على جسم البلوك فى حدود 7 كيلو هيرتز أيضا.....

...ومن هنا نستنتج أن النوع الأول أكثر تنغيما لآداء المحرك.....**وبرضه عاوز أشير بأن منظومة التحكم بتكون معرضه بأستمرار لحدوث شوشره ناتجه من حدوث تداخل من الموجات الكهرومغناطيسيه وتداخل من موجات الراديو (الناتجه من أستعمال الأجهزه الصوتيه ذات الصوت الرخيم )......وبالتالى عند أختلاط هذه العوامل الخارجيه (أى الموجات الشارده) مع الأشارات الذاهبه لوحدة التحكم من حساس مثل حساس التسقيف كمثال حالى .......

....فأن وحدة التحكم قد تقع فى الخطأ وتتخذ أجراء نحو تأخير زمن الشراره الذاهبه الى البوجيهات بدون داعى (على أساس أن الأشاره الذاهبه للوحده ليست من الحساس وأنما من عناصر خارج نطاق عملية التحكم ).....

......ولهذا السبب فان مصمم هذا النوع من الحساسات يقوم بعمل خط دفاع ضد عوامل الشوشره الخارجيه والغير مطلوبه فى عملية التحكم (بعمل شيلد وقايه من نوع خاص وبكده بيكون سلك الأشاره محمى ضد أى عوامل شوشره خارجيه وغير مطلوبه على الأطلاق ).......لضمان جودة عملية التحكم.................

هذا ما أستطعت من جمعه حول الموضوع الحالى ......والباب مفتوح لأى أضافه من قبل الزملاء ......وشكرا للجميع على المرور

[msms90421]

جزاك الله كل خير على المعلومات الجديدة

[samirayad]

جزاك الله كل خير على المعلومات الجديدة

الله يخليك يا أخى وشكرا لزوقك

[kemks]

شكرا يا اخي
علي المعلومات القيمه لكن عندي سؤال يعني حساس التسقيف دا لو البوبينه اتوماتيك و الواحد حط بنزين 80 علي 90 و كان هناك تسقيف هيا اللي بتكون السبب في تقديم الشراره او تأخيرها
ومنع التسقيف

لانها بتظبط الشراره ومفروض التسقيف يتمنع ولا ايه

عشان عندي بحط كل 100 كيلو تفويله 80 و ال100 الي بعدهم بحط 90

و عندي علي طول صوت تسقيف

[samirayad]

ماهو من الطبيعى أن التسقيف ميروحش من عندك......لأنك بعدت عن نسبة الأوكتان اللى مقرره لدايرة التحكم.....لأن درجة الأكتان بتحدد حسب نسبة الأنضغاط........

-والحساس مصمم مع الدايره على أساس وجود درجة أكتان معينه للبنزين المستخدم والازم.....

-دا غير أن معدل الذبذبه اللى بتنتج عن أستعمالك لبنزين أكتانه أقل من المقرر ممكن تكون أعلى من مجال أستشعار الحساس نفسه (أعلى من 7 كيلو هيرتز)

[kemks]

ماهو من الطبيعى أن التسقيف ميروحش من عندك......لأنك بعدت عن نسبة الأوكتان اللى مقرره لدايرة التحكم.....لأن درجة الأكتان بتحدد حسب نسبة الأنضغاط........

-والحساس مصمم مع الدايره على أساس وجود درجة أكتان معينه للبنزين المستخدم والازم.....

-دا غير أن معدل الذبذبه اللى بتنتج عن أستعمالك لبنزين أكتانه أقل من المقرر ممكن تكون أعلى من مجال أستشعار الحساس نفسه (أعلى من 7 كيلو هيرتز)

شكرا علي الرد بس انا كنت بحط علي طول بنزين 92 و التسقيف برضه كان موجود

[samirayad]

شكرا علي الرد بس انا كنت بحط علي طول بنزين 92 و التسقيف برضه كان موجود

خلينا دلوقتى على أرض الواقع ....لو بتستخدم بنزين درجة الأكتان بتاعته زى توصيات صانع المحرك أو أعلى ......وكان لسه فيه تسقيف.....يبقى ممكن الحساس يكون فاصل أشاره عن وحدة التحكم.....وممكن يكون بسبب عوامل أخرى زى حساسات الحراره مثلا ).....أو برضه وجود أخفاق جزئى فى آداء حساس الكامه (لو موجود عندك).....أو وجود شوشره على عملية الكنترول بسبب عدم جودة أتصال أرضى.......أو ضعف فى خرج الدينامو....وهكذا

[Eng.Osama.Afifi]

ربنا يكرمك

معلومات مفيدة فعلا

[samirayad]

ربنا يكرمك

معلومات مفيدة فعلا

الله يخليك يا أخى العزيز...............

[eng_ahmedryad]

بصراحة ، الله ينور عليك ، كالمعتاد مواضيعك رائعة ، وانا بحاول اتابع مواضيعك علشان ازود معلوماتي المتواضعه.

بس انا كان ليه استفسار ، انا ملاحظ ان حضرتك دايما يتتكلم على الحساسات ووحدة التحكم ecu والرشاشات ، بمعنى تاني ان كل الحساسات دي في العربيات الحديثة ، طيب ايه اخبار العربيات القديمة نسبيا ، هل فيها حساسات مشابهه ، وانا شخصيا حصل معايا موقف في عربيتي ، ولاقيت انها مش موصله كهربه نهائي ، جبت كهربائي ، بعد محاولات كتير ، فك حاجة صغيرة ونضفها وركبها ، علطول العربية لقطت كهربه ، وقالي على فكرة ده حساس عمود الكرانك ، ولو عمل كده تاني يبقى لازم تغيره ، هل ده فعلا موجود عندي ، وايه هي وظيفته.


آسف جدا على الاطالة

[samirayad]

وقالي على فكرة ده حساس عمود الكرانك ، ولو عمل كده تاني يبقى لازم تغيره ، هل ده فعلا موجود عندي ، وايه هي وظيفته.

فيه عندك فى عربيتك وحدة تحكم ياهندسه
أعتقد حتقولى لا

لأن ده اللى ظهر لى من كلامك

وهل الجزء اللى نظفه الكهرباء ليه فيشة كهرباء عاديه

وأين مكانه

لأنى حاسس أنك بتتكلم على وش أو شاكوش أسبراتير

أو أبلاتين لادع مثلا

[eng_ahmedryad]

أولا أنا لي الشرف أنك رديت على سؤالي ، وبعتذر ليك جدا لتأخري في الرد .

فيه عندك فى عربيتك وحدة تحكم ياهندسه

انا في الاول كنت فاكر انه ماعنديش بس بعد لما الكهربائي قالي على موضوع الحساس ده بصيت لقيته واصل على المكان اللي البوبينة راكبة عليه ، وهو عبارة عن وحدة من شركة سيمنس راكب عليه اكتر من فيشة وراكب عليه من فوق البوبينة بالشكل الاسطواني المعروف ، وانا محتار ومش عارف ايه دي بصراحة (كنت فاكر انها ترانسفورمر)؟؟

وهل الجزء اللى نظفه الكهرباء ليه فيشة كهرباء عاديه

فيشة عادية من ناحية الوحدة السيمنس.

وأين مكانه

واصل في منتصف المحرك ( اعتقد ناحية الكرنك )

لأنى حاسس أنك بتتكلم على وش أو شاكوش أسبراتير

أو أبلاتين لادع مثلا

لا ، هي بعيد تماما عن الاسبراتير ، وكمان ماكنش في كهرباء طالعة من البوبينة للأسبراتير اصلا.

[samirayad]

أولا أنا لي الشرف أنك رديت على سؤالي ، وبعتذر ليك جدا لتأخري في الرد .

الله يخليك

انا في الاول كنت فاكر انه ماعنديش بس بعد لما الكهربائي قالي على موضوع الحساس ده بصيت لقيته واصل على المكان اللي البوبينة راكبة عليه ، وهو عبارة عن وحدة من شركة سيمنس راكب عليه اكتر من فيشة وراكب عليه من فوق البوبينة بالشكل الاسطواني المعروف ، وانا محتار ومش عارف ايه دي بصراحة (كنت فاكر انها ترانسفورمر)؟؟

من وصفك
ده مش حساس كرنك
ده المشط الألكترونى

ويطلق عليه بالأنجلش igniter

لتقطيع تيار البطاريه لكى تستطيع البوبينا من توليد تيار عالى الفولت
يصلح لتوليد شراره قويه بين قطبى البوجيهات

لا ، هي بعيد تماما عن الاسبراتير ، وكمان ماكنش في كهرباء طالعة من البوبينة للأسبراتير اصلا.

وفعلا لو المشط علق
مفيش كهرباء حتطلع من البوبينا للأسبراتير

[eng_ahmedryad]

جزاك الله كل خير على اهتمامك وردك ، لكن اعذرني على تأخري في الرد لأني حبيت انه يكون مدعم بالصور.



1- خارج البوبينة للإسبراتير
2- دخل البوبينة ( أعتقد بعد الكونتاكت مباشرةً)
3- SIEMENS Made in France




1- فيشة الحساس المزعوم
2- فيشة اخرى توضح في الصور التالية




1- الحساس المزعوم ناحية الحدافة ؟؟



2- قد يكون يكون حساس ؟؟؟



صورة عامة

[samirayad]

لا كده أحنا مش بنتكلم على مشط ألكترونى

وطالما المزعوم هذا راكب على الحدافه بالشكل رقم (2) فى الصوره الرابعه

فأكيد ده حساس سرعه speed sensor

ويقال عليه كهربيا لاقط مغناطيسى magnitic pick up

ووظيفته هى توليد فولت كهربى متغير
من خلاله بيتم معرفة سرعة المكنه

ونظريته الهندسيه تشبه الى حد كبير ( حساس الكرنك فى محركات الحقن الألكترونى )

وفيه سؤالين بيفرضوا نفسهم علينا

1- عربيتك فيه وحدة تحكم ( كمبيوتر التحكم )
2- عربيتك فيها أربع رشاشات

لو الأجابه ............لا

يبقى كلامى مظبوط على أن ده حساس سرعة المكنه ( كما سبق أن بينت )

وليس كما يزعم الميكانيكى

وقد يفيد أيضا فى عملية تقطيع الكهرباء لوحدة سيمنس الموجوده (تحت الموبينا عندك )