فوانيس الإشارات الأمامية جهة الشبكة

[saidbakr]

أول شيء لفت انتباهي في عربية زي الأوبترا و اعتبرته انه شيء سيء في التصميم، هو وضعية فانوس الإشارة الإمامي جهة الشبكة. أنا أعتقد إن ده يمثل خطورة في التصميم، لأنه ممكن يحجب رؤية الإشارات في التقاطعات، بالاضافة إلى إنه ممكن يقلل التباين بتاعها في الليل.

هل فيه حد يتفق معايا في النقطة دي؟ و اللي موش متفق، يا ريت يوضح ليه؟

[Samir Elshahawy]

كلامك صح لأنه في التقاطعات صعب علي قائدي السيارات الأخري رؤية أنوار الاشارات و معرفة نية قائد الأوبترا في السير بأي أتجاه (و لو أنها ماتفرقش كتير في مصر)

كمان حاجة مهمة لاحظتها بالامس , كنت متوقف علي جانب الطريق في أنتظار أحد الزملاء كي يسير خلفي و أثناء ذلك كنت أنظر بالمرأة الداخلية فوجدت سيارة أنوارها العالية مضاءة في الوقت الذي كانت الاشارة اليمين تومض و لكنها لم تتضح الا بعد أقترابها مني

علي فكرة اللانسر برضه أشاراتها في أتجاه الشبكة

[KoDaK_Gti]

كلام صح فعلا

[magyver]

تماااااااام 100×100

[piezo]

لا وفي حاجه كمان محدش خد باله منها العربيات الي مافيش اشاره في الجنب النوبيرا مثلا فيها في الرفرف الامامي في عربيات تانيه مافهاش ديه بقي الي تجنن

[Haitham10]

كلامك صح لأنه في التقاطعات صعب علي قائدي السيارات الأخري رؤية أنوار الاشارات و معرفة نية قائد الأوبترا في السير بأي أتجاه (و لو أنها ماتفرقش كتير في مصر)

كمان حاجة مهمة لاحظتها بالامس , كنت متوقف علي جانب الطريق في أنتظار أحد الزملاء كي يسير خلفي و أثناء ذلك كنت أنظر بالمرأة الداخلية فوجدت سيارة أنوارها العالية مضاءة في الوقت الذي كانت الاشارة اليمين تومض و لكنها لم تتضح الا بعد أقترابها مني

علي فكرة اللانسر برضه أشاراتها في أتجاه الشبكة

كلامك صح
واللانسر فيها وفيها علي الرفارف

[saidbakr]

تقريبا و حتى الآن يوجد اجماع على إن وضعية فوانيس الاشارة بهذا الشكل أمر غير عملي و خطير، و لكن هناك سؤال كبير... هل مصممي السيارات بهذا الشكل، على هذا القدر من الحماقة و عدم الدقة؟!!! أم هناك أمر فني دقيق قد يكون خفي علينا؟

[HeMa_LanCeR]

المشكله مش ان اللي قدام يشوفها لا خاااااااااالص
المشكله لما يكون حد ييجي جانبك ويديلك اشاره وانت مش شايفها لأن مافيهاش اشاره في الرفرف وكمان الاشاره اللي قدام مش باينه وساعتها بقي الدنيا يتدخل في بعض
لكن مدام العربيه فيها غماز في الرفرف يبقي الموضوع ده مش عيب ان الاشارات ناحيه الشبكه

[KHALED AYMAN]

المشكله مش ان اللي قدام يشوفها لا خاااااااااالص
المشكله لما يكون حد ييجي جانبك ويديلك اشاره وانت مش شايفها لأن مافيهاش اشاره في الرفرف وكمان الاشاره اللي قدام مش باينه وساعتها بقي الدنيا يتدخل في بعض
لكن مدام العربيه فيها غماز في الرفرف يبقي الموضوع ده مش عيب ان الاشارات ناحيه الشبكه

+100000000000000000000000

[EslaM_NagY]

المشكله مش ان اللي قدام يشوفها لا خاااااااااالص
المشكله لما يكون حد ييجي جانبك ويديلك اشاره وانت مش شايفها لأن مافيهاش اشاره في الرفرف وكمان الاشاره اللي قدام مش باينه

اول لما اشتريت الفيرنا كنت ماشى فى امان الله وواحد كبوتة فى الباب الى ورا عندى رحت مدى اشارة وداخل عليه واحدة واحدة راح زعل وغضبان وطلعى من الجنب التانى وبيزعق بيقولى مش تدى اشارة قولته ما انا اديت اشارة قالى ما انا مشفتهاش قولته يبقى دا عيب الخوجة مش عيبى انا.

وفعلا من ساعتها عرفت قيمة الغماز الى فى 128

[saidbakr]

اول لما اشتريت الفيرنا كنت ماشى فى امان الله وواحد كبوتة فى الباب الى ورا عندى رحت مدى اشارة وداخل عليه واحدة واحدة راح زعل وغضبان وطلعى من الجنب التانى وبيزعق بيقولى مش تدى اشارة قولته ما انا اديت اشارة قالى ما انا مشفتهاش قولته يبقى دا عيب الخوجة مش عيبى انا.

وفعلا من ساعتها عرفت قيمة الغماز الى فى 128

تخيل حضرتك لو كنت ما دخلتيش واحدة واحدة و كسرت على طول؟!!! كانت هي و الـ 128 هيبقوا عند السمكري

الحمد لله ان ربنا ستر

[عصام غنايم]

اكيد طبعا دة غباء تصميمى

[HeMa_LanCeR]

اكيد طبعا دة غباء تصميمى

علي فكره مش غباء تصميم
دا غباء مصري
هقول لحضرتك ليه
هنيجي مثلا للعربيه الفيرنا اللي عندنا هنا مافيهاش غماز لكن بص علي الفيرنا بتاعت بره هتلاقي فيها غماز
والموضوع ده انا لاحظته في عربيات كتيره في بلاد بره فيها غماز وعندنا لأ
والموضوع ده لاحظته قوي في المسلسلات التركيه لأن معظم عربياتهم عندنا هنا ومعظم اللي مافيهوش غماز عندهم هتلاقي في غماز

[EslaM_NagY]

ما دخلتيش

"ما دخلتش"