سؤال الى اهل الخبرة

[moataz200730]

معلش يا جماعة انا عايز اعرف حاجة مهمة هو ضمان العربية يعنى ان التوكيل يصلحلى اعطال العربية ببلاش طول فترة الضمان و لا ايه و بعدين معلش سؤال تانى انا محتار بين عربيتين البرايد الايرانى دى و لا اجيب الجيلى ck2 2009
بصراحة مش عارف اعمل ايه انا خايف لان المبلغ مش قليل و عايز احطه ف عربية كويسة و انا ميال للجيلى اوى و عجبانى جامد بس نفسى حد يطمنى من ناحيتها

[A.Saad]

الضمان
يضمن تغيير الاجزاء فى حالة انها عيب صناعة
يعنى تيل فامل ولا مساعدين من كتر الجرى باظوا مش فى الضمان وهتعملهم على حسابك
البرايد الجديدة والجيلى
البرايد مكتوب عنها فى قسم كيا ان تقفيلها مش حلو وخامات بعض الاشياء فيها مش كويسة
وده انا شفته فى معرض شركة الكويت والبلاد العربية
يعنى تحس ان البلاستيك بتاع الخراطيم فى الكبوت نوع رخيص
المسامير فى التابلوة معلهاش كلبسات

الجيلى : معرفش حاجة عنها ، بس ترجع طبعا لقسم الصينى فى المنتدى علشان تاخد فكرة عنها

نصيحة بلاش الصينى
لو بتتكلم فى متوسط 50000 ممكن تجيب لانوس 2007 او 2006
او التو زيرو او بيكانتو 2005 او 2006 وبحالة جيدة
او تدفع دول كاش وممكن تقسط الباقى فى ماركة جيدة تعيش معاك
اعرف الاول انت عايز ايه فى العربية
انتقالاتك فردى ولا اسرة
سفر ولا داخل المدينة
مكيفة و لا
وبعدين ايه الاسعار فى اللى انت عايزة

[moataz200730]

المشكلة انى عايز عربية عائلية موتورها كويس مش اقل من 1500 سىسى لانى ممكن اسافر بيها و برضه للاسف مش عايز اجيب مستعمل حتى و لو كان كسر زيرو و انا بصراحة شايف ان انسب شئ بالنسبة لى الجيلى لانها فول ابشن ثانيا موتورها 1500 و الضمان بتاعها 5 سنين يعنى رائع و ان كان فى شوية حاجات بسيطة ف العربية لانها بسيطة وممكن تتعالج بسهولة يبقى مفيش مشاكل ارجو الافادة اللى بقوله ده صح و لا غلط