هل ممكن استخدم الاستبن اطار رئيسي؟

[amoghazy2]

السلام عليكم:
امبارح حتة ازاز دخلت في جنب الكاوتش القدماني يمين اتخرم :( ، المهم عشان ماطولش عليكم لحمته لحام مكوه لاني عندي فكره ان الخوابير بتبوظ الترصيص مش عارف ده صح والا غلط.
دلوقت العربية عماله تحدف يمين اول ما اسيب الدركسيون!
هل ممكن استخدم الاستبن و اخلي العجله اللي اتلحمت دي هي الاستبن والا اشتري عجلة جديدة والا اوزن والا اعمل ايه؟؟؟ افيدوني افادكم الله.

[محمد ابراهيم 1]

لو الكاوتش جديد أنا شايف العربيه 2007 يبقى استخدم الاستبن ومفيش مشكله

وفيه مقالع للأستاذ بايو موضح بيها الكلام عن الكاوتش

[align=justify:9888116ea5]يوجد توصيات عالميه بأهمية تغيير وضع الإطارات حول السيارة كل مده والتي قدرت بـ10.000كم
أي أنه يجب عليك أن تبدل موضع إطارات سيارتك كل 10.000كم
ويجب ان تراعي ان تكون الطريقة موحده في عملية التبديل كل مره بحيث ان تراعي أن الإطار الواحد يـُبدل على كل مكان بالسيارة دون تكرار

وبمعنى أخر
أنه يجب أن يلف (يدور) الإطار حول السيارة في كل مره بموضع مختلف عن المرة السابقة لها دون ان يحدث تكرار لموضع الإطار

ويجب عليك ان تهتم بأن يكون الإطار الاحتياطي من ضمن عملية التدوير هذه ولا تحسب أن الإطار الاحتياطي كلما أستمر في مكانه دون استخدام يعتبر أن هذا ميزه
لا
فهذه ليست ميزه بل عيب وعيب خطير جدا
أولا الإطار إذا لم يستخدم لمده طويلة يحدث به مشكلات كثيرة اهمها فقده للمرونة
ثانيا كأي ماده مطاطية الإطار له عمر افتراضي وتاريخ انتهاء لصلاحيته حتى وإن لم يستخدم

وإذا اشتريت أي إطار جديد ووجدته مـُخزن لدى البائع مده تتعدى السنتان لا تقم بشرائه وابحث دائما عن الجديد

وإذا أردت أن تعرف تاريخ أنتاج الإطار عليك بالنظر بجانب الإطار ستجد جزء صغير بيضاوي به أربع أرقام
الرقمين الأولين هم السنه والرقمين الأخرين هم الأسبوع (ومن المعروف أن السنه بها 52 أسبوع)
فمثلا
1606 هذا الرقم يعني أن الإطار أنتج عام 2006 في الأسبوع الـسادس عشر أي أخر شهر أبريل
والرقم
5003 هذا الرقم يعني أن الأطار أنتج عام 2003 في الأسبوع الـخمسون أي في منتصف شهر ديسمبر

ولنعود إلى موضوعنا وهو أهمية تدوير الإطارات حول السيارة
الفوائد :-
إن عملية التدوير تضمن لك أن الإطارات سيكون معامل التآكل لها جميعا متساوي حيث أن الإطارات الأمامية يكون عليها حمل اكبر من الإطارات الخلفية لأنها تحمل الموتور وتتلقى الصدمات أكثر من الإطارات الخلفية ولن يتآكل أطار قبل إطار أخر
سوف يمتد عمر الإطارات أكثر لأنك كل 10.000 تـُخرِِِِِج أطار خارج الخدمة مؤقتا ليحل محل الإطار الاحتياطي
وبذلك تكون قد وزعت الحمل والمجهود على خمس إطارات بدلا من 4 وأيضا جعلت الثقل الأكبر وهو الجزء الأمامي من السيارة يتحمله جميع الإطارات وليست اثنتان فقط

واليك طريقه موصي بها عالميا لتبديل موضع الإطارات حول السيارة بما فيها الإطار الاحتياطي (الأستبن)
ستجد الرسم مرفق أسفل الموضوع وآسف على الرسم الرديء لأنني لا أجيد الرسم



وتستطيع أن تجد أكثر من طريقه ولكن هذه الطريقة هي التي أستعملها منذ سنين طويلة وأستطيع أن أقول لك ان الإطارات دائما تبقى معي بحاله جيده لمسافة تصل إلى 60.000 كيلو متر دون أن تهترأ أو يحدث لها أي تأكل من جهة دون الأخرى ولكني أقوم بشراء إطارات جديدة بعد هذه المسافة حتى وإن ظهرت بمظهر جيد

ولتحافظ على إطاراتك أكثر يجب أن تواليها دائما بالرعاية وتتجنب غسلها بمواد كيميائيه وأن تقوم بقياس ضغط الهواء دائما وتحافظ على أن يكون الضغط داخل الإطار دائما كما هو موصى به في كتالوج السيارة وذلك يتطلب منك أن يكون معك مقياس لضغط هواء الإطارات (ويوجد منه أنواع Digital متوفرة بالسوق المصرية ببضعة جنيهات) وإن كنت مهتم أكثر فيجب عليك شراء جهاز نفخ إطارات كهربائي (Compressor) وهو صغير الحجم جدا ويعمل على ولاعة التابلوه وثمنه يتراوح من 50 جنيه إلى 150 على حسب الصناعه

ونصيحة مني أهتم بالإطارات لأنها أهم شيء في مسألة السلامه (من وجهة نظري)
وأحذرك أن لا تقوم بشراء إطار مستعمل مهما كان شكله جيد ومهما أغتريت بسعره فالإطار ليس بشكله

طبعا مش لازم اقول انه منقول

[Abonora]

بص يا سيدي ،

- اولا بالنسبة للخوابير فهيا فعلاً بتغير اتزان العجلة نظراً لكون الخابور حمل زائد علي جزء من العجلة دون بقية الاجزاء وده اللي بيفقدها توازنها وبالتالي الترصيص بيبقي كانة مش موجود ولازم يتعاد تاني

- ثانيا بالنسبة لإستخدام الاستبن فده ممكن جدا طبعاً ، بس فيه شروط ليه .
- ان الاستبن يكون مترصص
- ميكونش باقي الاطارات مستخدمة بشكل كبير ( لان ده هيخلي الوزن الاجمالي للعجلة المستهلكة اقل من وزن الاستبن) وده هيخلي العربية تحدف برضوا

الخلاصة:
انت كاتب ان معاك النترا 2007 يعني الكاوتش كله لسه بحالتة و(متنحلش ) جامد فمتقلقش من تركيب الاستبن ولو الاستبن مش مترصص روح رصصة وراجع علي باقي الكاوتش

عود نفسك كل 3 شهور - 6 شهور او كل 5000 الي 10.000 انك تعمل tire rotation (استبدال اماكن العجل بعضها ببعض لضمان تساوى نسبة تاكل الكاوتش في جميع العجل )

ديه صورة لكيفية استبدال العجل (العجلات الاربع والاستبن )

[img]

http://www.us.pirelli.com/en_US/browser/attachments/images/tyres_rotation_tre_us.jpg

[/img]

[Nader]

الاستبن بيكون في الغالب نازل مع العربية بس بيكون بمواصفات تانية غير الكاوتش العادي لانة مش بيكون مصمم للاستهلاك العادي، لا بيكون مصمم للاستهلاك البسيط الخفيف علي ما تلحم الكاوتش الاصلي. اما لو الكاوتش عندك بنفس المواصفات الـ5 فرد فعادي ممكن تستخدمة، بس لو عندك فاردة جديدة وواحدة قديمة مينفعش علشان هتختل توازن العربية.

ملحوظة سعر الكاوتش الاستبن بيكون ارخص من الكاوتش العادي.

[مهندس محمد صلاح]

مين اين بتوصوا الناس بعمل تدوير للكاوتش كل 10000 كيلو متر يعنى استخدام دائم للفرد الخمسة بما فيهم الاستبن ومن اين بتقولوا ان الاستبن لا تصلح للاستخدام الدائم .. افيدونا بالله عليكم

[Abonora]

الاستبن بيكون في الغالب نازل مع العربية بس بيكون بمواصفات تانية غير الكاوتش العادي لانة مش بيكون مصمم للاستهلاك العادي، لا بيكون مصمم للاستهلاك البسيط الخفيف علي ما تلحم الكاوتش الاصلي. اما لو الكاوتش عندك بنفس المواصفات الـ5 فرد فعادي ممكن تستخدمة، بس لو عندك فاردة جديدة وواحدة قديمة مينفعش علشان هتختل توازن العربية.

ملحوظة سعر الكاوتش الاستبن بيكون ارخص من الكاوتش العادي.

نادر المعلومة ديه جديده (اول مرة اسمعها) لو عندك دليل عليها ياريت تقولنا !؟

[Nader]

طيب راجع كدة اللينك دة:

http://www.dunloptyres.co.uk/ourTyres/car/tyreCare/

وخاصاً الجزء دة:

Run-flat and temporary use spare tyres
Regulations permit the legal use of 'run-flat' tyres (provided they are identified as such) in a partially inflated or flat condition, and what are described as temporary use spare tyres. When a temporary use spare tyre is being used, the vehicle speed must not exceed 50mph, and a special high inflation pressure is normally used, otherwise the legal provision which permits their use ceases to apply. The temporary use spare tyre or the wheel to which it is fitted must be of a different colour to the other wheels on the vehicle and a label must be attached to the wheel giving clear information about the precautions to be observed when it is being used.

بس الكلام دة لو زي ما انا قلت لو الاستبن مختلف عن باقي الـ4 فرد "في المواصفات مش في الماركة"

[ehabbadr]

الكلام ده فى الجولف و الابيزا الاستبن مواصفاته مختلفه عن الاصلى و يسمح بالمشى به على الاكثر مسافه 80 كيلو فقط

[مهندس محمد صلاح]

نادر صديقى لم يفيدنى حتى الان بصحة المعلومه :? :? :? :?

[Hossam Mounir]

مين اين بتوصوا الناس بعمل تدوير للكاوتش كل 10000 كيلو متر يعنى استخدام دائم للفرد الخمسة بما فيهم الاستبن ومن اين بتقولوا ان الاستبن لا تصلح للاستخدام الدائم .. افيدونا بالله عليكم

باشمهندس محمد ... كتالوج العربية عندى بيوصى بتدوير الكاوتش كل عدد معين من الكيلومترات ... وحاطين شكل توضيحي خاص بعملية التبديل ... والتدوير شبيهة بالشكل التوضيحي المرفق بمشاركة الأستاذ Abonora ... وعملية التدوير دى بتبقى شاملة ... الأستبن ... اللى هو جزء مكمل للسيارة ... وليس منفصل عنها ... يعنى السيارة بتتباع ب 5 فرد كاوتش وليس 4 كما يعتقد البعض ... ما عدا بعض الماركات القليلة جداً التى لغت الفرده الخامسة من حسابتها ... والمفروض أن جميع ال5 فرد متشابهين تماماً ... يعني لهم نفس الصفات والمواصفات الفنية ...
ولكن كما جاء بمشاركة ...الأخوة Nader و د/ ehabbadr أن كمان فيه موديلات بتنزل الفرده الخامسة بمواصفات مختلفة ... انا عن نفسي أول مرة اسمع عن الموضوع ده ... بس كل شئ وارد ... فى عالم السيارات ... والحقيقة أنا لا أجد تفسير منطقى ليه الماركات دى بتنزل بمواصفات مختلفة للأستبن ... ما أعتقدش أن الأستبن اللى ثمنة 150 دولار كأقصى تقدير هيفرق قى ثمن عربية ثمنها من 10,000 إلى 15,000 دولار يا ريت لو حد عنده إجابه يفيدنا فى الجزئية دى ...

تحياتى للجميع ...

م / حسام منير

[AHMEDCAR]

الموضوع اتقلب لمحاضره عن الكاوتش حلو اوى

[MOHAMED ABD EL SHAFY]

اختبرة من حيث الترصيص وخلافة وينفع يكون رئيسى