استعمال زيت الشنبر مضر ؟

[aYaBooY]

اخواني الاعزاء رجاء الموتور عندي خفيف شوية و انا مش ناوي افتحة دلوقتي او اليومين دول
و عاوز اعرف فيه اي ضرر من استخدام زيت الشنبر
انا عارف كويس انه مش بيصلح و انه مسكن و ان العمرة او طقم الشنبر لازم
بس انا بسال استخدامة فيه ضرر للموتور و لا عادي

[sab3aawy]

زيت الشنبر ممتاز للمحركات الخفيفة ، بيحميها ويضمن اعتماديتها وادائها لحد وقت العمرة وبيمنع الدخان من الشكمنا الى حد كبير، وينصح به طالما ان الموتور بقى خفيف

عيبه الوحيد ان فى الأيام الباردة صباحا الموتور هيكون تقيل على المارش وممكن العربية تتاخر شوية فى الدوارة احيانا، لكنها فى النهاية بتدور طالما المارش سليم

النصيحة الاخرى هى (لا تستعمله ابدا مع محرك مش خفيف، ممنوع منعا بااااااااااتا، يستعمل فقط مع المحركات الخفيفة)

[aYaBooY]

طيب انا سمعت من واحد ان استخدامه ممكن يسبب تاكل( تسليخ) للشمايز بس انا مش فاهم الموضوع جوا اوي علشان محصلش اني فتحت موتور ابل كدة
فهل كلام الاخ ده صحيح و لا هيا كدة كدة بتكون الشمايز متاكلة

[maka]

ومعلش سوال كمان هو زيت الشنبر لازم يستخدم مع زيت تقيل ولا ممكن يستخدم مع زيت عادى

[sab3aawy]

ما يسبب تسليخ الشمايز هو انكسار الشمبر او ارتفاع درجة حرارة المحرك بشدة او دخول اتربة الى حيز الشميز

لكن زيت الشمبر بيحمى ضد الحاجات دى كلها

عادة اللى بيطلع فتاوى ضد زيت الشمبر هم الميكانيكية لانه بيوقف حالهم، لكن انا جربته كتير جدا، وبصراحة كان رفيق كفاح ياما شالنى فى اوقات زنقة، اخر عربية استعملته معاها كانت الريجاتا، اشتريتها بمعلومية ان موتورها خفيف على اسا انى هعمل لها عمرة، وفضلت ماشى بيها سنيتن بزيت الشمبر، وكنت باروح بيها كل حته على وجه الكرة الأرضية، بنظام "الشهر الجاى هعمل العمرة" وفى النهاية بعتها بعد سنتين برضه بمعلومية ان موتورها خفيف، واللى اشتراها منى من شهر 10 اللى فات لسة ماشى بيها بنفس الموتور الخفيف وزيت الشمبر وفاحتها شغل

[aYaBooY]

اشكر جنابك جزيل الشكر

[Maged_Samy]

لا انصح به على الاطلاق لانى مجربه ومعملش اى حاجة معايا ، فى الاول الدخان من فايظ العمه قل وبعد كدة ذاد اكتر من الاول وكمان خلى العربيه صعبة جدا فى الدوارة الصبح ، انصحك حط زيت احادى الدرجة 50
وده رأييى بناء عن تجربتى مع احترامى الشديد لرأى الاخرين .......

[ahit]

أنا جربته و هو ممتاز فى حالة إن ماتورك خفيف
و الأفضل جربه مع شيل x100 درجة لزوجة 50
هاتحس بصوت الماتور نعم و بقى أهدى و الدخنة قلت جداً بس المهم إنك تستخدمه على طول لغاية لما ربنا يكرمك و تعمر.
و بعدين إستخدم زيت الشمبر اللى علبته زرقاء ( 18 جنية تقريبا ) و حطه على الزيت بس المهم يكون الزيت بعد الإضافة مايعديس علامة Max اللى موجودة فى مقاس الزيت.

[tmedhat]

انا بستعملة بانتظام من اكتر من 5 سنين وموتورى مش خفيف
والماكينة زى الفل ولا تزال زى الفل
دة مخللى صوتها انعم من اى عربية من نفس النوع

[عزيز محمد]

متى يكون استخدامه مفيد؟ يعنى لما كبس الموتور يكون كام فى المائة أول أقل؟؟؟

[maka]

ومعلش سوال كمان هو زيت الشنبر لازم يستخدم مع زيت تقيل ولا ممكن يستخدم مع زيت عادى

محدش جاوب على سوالى

ولى سوال تانى هو زيت الشنبر بيلغى الدخانة ولا بيقللها

[sab3aawy]

لو موتورك خيفيف لكن لسة موصلش لمرحلة الدخنة المستمرة يفضل استخدام زيت الشمبر مع زيت احداى درجة لزوجة 40

لو موتورك خفيف وخلاص بيدخن، استعمل زيت الشمبر مع زيت احادى درجة لزوجة 50 زيت زيت شل x100 مثلا

لو الدخنة ناتجة عن تآكل الشمبر فزيت الشمبر بيقللها الى حد كبير جدا وتكاد لا تظهر غير مع القرص الشديد، كما انه يخفيها تماما فى حوالى 50% من الحالات، اما لو الدخنة ناتجة عن تشقق او انقطاع كاوتش الصباب فلا حيلة لزيت الشمبر فيها وهتفضل ظاهرة

[sweetheart_]

لو سمحت يا جماعه هو المفروض بيتحط زيت اد اية وممكن يتحط على زيت قديم ولا لازم يكون مع تغير الزيت

[maka]

لو سمحت يا جماعه هو المفروض بيتحط زيت اد اية وممكن يتحط على زيت قديم ولا لازم يكون مع تغير الزيت

المفروض بيتحط مع الزيت الجديد وبتحط العبوة كلها 450 مللى م 3 تقريبا

[aYaBooY]

متشكر جدا يا جماعة على تعبكم في الرد
بالنسبة للزيت لزوجة 50 في زيت الاماراتية الجركن الي بشوفة مكتوب عليه 50 بيكون مكتوب عليه للمواتير الديزل فهل هو ده
ولا حاجة تانية