استعمال زيت الشنبر مضر ؟

[maka]

لو موتورك خيفيف لكن لسة موصلش لمرحلة الدخنة المستمرة يفضل استخدام زيت الشمبر مع زيت احداى درجة لزوجة 40

لو موتورك خفيف وخلاص بيدخن، استعمل زيت الشمبر مع زيت احادى درجة لزوجة 50 زيت زيت شل x100 مثلا

لو الدخنة ناتجة عن تآكل الشمبر فزيت الشمبر بيقللها الى حد كبير جدا وتكاد لا تظهر غير مع القرص الشديد، كما انه يخفيها تماما فى حوالى 50% من الحالات، اما لو الدخنة ناتجة عن تشقق او انقطاع كاوتش الصباب فلا حيلة لزيت الشمبر فيها وهتفضل ظاهرة

معلش ياباشا هسال سوال تانى

هو الزيت الاحادى 50 بيفرق ايه عن متعدد الدرجات 20 - 50

[dr_moh_madkor]

هل زيت الشمبر يصلح مع موتور سيارتى علما بان سيارتى كريسيدا 83 و بتطلع دخانة ياما و بتاكل زيت كتير تقريبا كل 80 كيلو زجاجة زيت

[original]

اخواني الاعزاء رجاء الموتور عندي خفيف شوية و انا مش ناوي افتحة دلوقتي او اليومين دول
و عاوز اعرف فيه اي ضرر من استخدام زيت الشنبر
انا عارف كويس انه مش بيصلح و انه مسكن و ان العمرة او طقم الشنبر لازم
بس انا بسال استخدامة فيه ضرر للموتور و لا عادي

غير الزيت قبل معاده ودايما غير معاه الفلتر عشان لو فيه تآكل فى أجزاء الموتور طبعا بتتجمع فى الفلتر زى كلية البنى آدم بالضبط!! المشكلة إن نفخ الحرارة من البساتم بتحرأ الزيت بسرعة فلزوجته بتقل.. لو هتحط زيت شمبر حط STP أمريكانى.. وماتنساش تتأكد من مياه التبريد مش هوصيك تبأا مقطرة مش من الحنفية عشان الأملاح وحاول تنضف الريداتير عشان العربية مع النفخ الموتور بيسخن أكتر ولازم التبريد يبأا تمام لو عايز تحافظ على الموتور عشان يستحمل عمرة..

[maka]

هل زيت الشمبر يصلح مع موتور سيارتى علما بان سيارتى كريسيدا 83 و بتطلع دخانة ياما و بتاكل زيت كتير تقريبا كل 80 كيلو زجاجة زيت

ينفع طبعا واحسنلك تستعمله

وبص على الموضوع ده فى الانواع مع الاسعار

http://www.nilemotors.net/Nile/showthread.php?t=61726&highlight=%D2%ED%CA+%D4%E3%C8%D1

[عزيز محمد]

يا جماعة سؤالى لم يجاوبنى عليه أحد وهو:

لما يكون كبس الموتور كام فى المائة يبقى يفضل استخدام زيت الشنبر مع زيت الموتور؟؟

[dr_moh_madkor]

انا بستعمل زيت موبيل ثمنه 12 ريال هل هذا النوع كويس

[sab3aawy]

يا جماعة سؤالى لم يجاوبنى عليه أحد وهو:

لما يكون كبس الموتور كام فى المائة يبقى يفضل استخدام زيت الشنبر مع زيت الموتور؟؟

65%..............

[ahhmed]

معلش استفسار بسيط يا استاذ سبعاوى لية لو الموتور حالتة كويسة غلط اننا نستخدم زيت الشنبر

[sab3aawy]

معلش استفسار بسيط يا استاذ سبعاوى لية لو الموتور حالتة كويسة غلط اننا نستخدم زيت الشنبر

علشان زيت الشنبر بيعلى معامل لزوجة زيت المحرك بشدة وده معناه الآتى

1- حمل لا داعى له على المارش صباحا لأن الزيت العالى اللزوجة بيكون عامل زى المربى ويعوق الحركة السلسة للبساتم لحد ما يسخن، ومن ناحية اخرى لزوجته العالية تضع حمل عالى على طلمبة الزيت التى بدورها تحمل على المارش

2- صعوبة تحريك السيارة صباحا لحد ما يسخن الموتور بسبب لزوجة الزيت العالية

3- لزوجه الزيت العالية مع خلوصات المحرك الجديد الضيقة جدا تجعله يستغرق وقتا طويلا حتى يملأ المساحات المطلوب تزييتها ويحقق تبليل مناسب لكل الأسطح (تخيل نفسك بتحاول تدى واحد حقنه عسل اسود فى العضل، وشوف مدى صعوبة ضغط العسل الأسود من خلال ابرة الحقنه-ناهيك طبعا عن ان الواحد ده هيموت من جرعة العسل الأسود بس خليه يموت مش مهم، لأن مش ده موضوعنا)

4- لزوجة الزيت العالية قد تتسبب فى حالة وجود اى شوائب كربونية او غيرها مع الزيت فى سد بعض مسارات التزييت الضيقة فى المحرك مثل المسارات داخل الكرنك مثلا وهو ما قد يتسبب فى تدهور سيبكة الكرنك او غيرهامن الكراسى

طب ليه كل دة مش بيحصل فى المحرك القديم، لأن مع التآكل خلوصاته بقت واسعة ومفتوحة على البحرى بما يسمح بحركة الزيت الثقيل بدون مشاكل(نفس حقنة العسل الأسود بس هنشيل الأبرة الضيقة من فوق وندوس على مكبس الحقنة هنلاقى العسل بيخرج من فتحة الأبرة-التى اصبحت واسعة بعد فك الأبرة-بحرية تامة ودون تعب، كما اننا ممكن فى الحالة دى ندي العسل للمريض بالفم من طرف الحقنة وكدة ميموتش

[maka]

معلش ياباشا هسال سوال تانى

هو الزيت الاحادى 50 بيفرق ايه عن متعدد الدرجات 20 - 50

??????????

[sab3aawy]

??????????

متعدد الدرجات بيكون لزوجته مش عالية جدا فى الجو البارد بما يسمح بادارة وتسخين السيارة بسهولة، وبتكون لزوجته مناسبة فى الجو الحار بما يسمح بتشغيل السيارة والحفاظ عليها، مناسب للاستخدام فى السيارات الجديدة ومتوسطة العمر

الزيت الاحادى يكون لزج جدا فى الجو البارد وذو لزوجة فوق المتوسطة فى الجو الساخن، يناسب المحركات القديمة اكثر

[aYaBooY]

الف مبروك على اللقب الجديد يا سبعاوي باشا
و متشكرين جدا طبعا على كمية الردود ديه
دلوقتي السؤال انا حطيت زيت شنبر مع زيت الامارات الي بيعد 3000
بس برده فيه اكل زيت و دخنة طبعا اكل الزيت قل بس موجود فهل ده نتيجة ايه
ممكن يكون علشان الزيت متعدد الدرجات ولا نوع زيت الشنبر مش كويس
ولا المشكلة مش من الشنابر

[sab3aawy]

الف مبروك على اللقب الجديد يا سبعاوي باشا
و متشكرين جدا طبعا على كمية الردود ديه
دلوقتي السؤال انا حطيت زيت شنبر مع زيت الامارات الي بيعد 3000
بس برده فيه اكل زيت و دخنة طبعا اكل الزيت قل بس موجود فهل ده نتيجة ايه
ممكن يكون علشان الزيت متعدد الدرجات ولا نوع زيت الشنبر مش كويس
ولا المشكلة مش من الشنابر

الاحتمال الغالب ان انت عندك الى جانب مشكلة الشنبر مشكلة كاوتش صباب، لأن زيت الشنبر مش بيكون مفيد اوى لو كاوتش الصباب متآكل

[aYaBooY]

متشكر جدا على الرد يا باشا طيب هل اهتم بتصليح كاوتش الصباب و لا كدة خلاص لازم افك كلة
اصدي ممكن اعمل بس موضوع الكاوتش ده من غير شنبر او عمرة ولا لازم مع العمرة

[michohat]

دلوقتى الموتور عندى بيطلع دخنه من خرطوم الفايظ من عند العمه والميكانيكه قالوا خفيف وانه عاوز طقم شنبر فهل زيت الشنبر ينفع معايا لانى مستخسر افك الماتور لكلام انه مش هيرجع زى الاول
بستخدم زيت موتور اسو ( العبوة الرصاصى)