إعـــــــلان

Collapse

.

,
See more
See less

طريقة أختبار كبس المحرك copression test

Collapse
X
 
  • Filter
  • الوقت
  • Show
Clear All
new posts

  • #76
    معلومات كنت محتاجها الف شكر لحضرتك

    Comment


    • #77
      الله يخليك يادكتور

      Comment


      • #78
        في اي بنزيمة موثوق فيها بتقدر تعمل الاختبار دا
        لأاني عملت قبل كدا اختبار الكبس في بنزيمة شل اللي عند نادي السكة الحديد في مدينة نصر والراجل قالي حالته 70% ممتازة وفي الاخر طلع انه عايز شنبر لأانه بيطلع دخنة زرقة كبيرة

        Comment


        • #79
          مشكوووووور والله يعطيك الف عافيه
          [COLOR=indigo][I][SIZE=6][/SIZE][/I][/COLOR]لا اله الا الله محمد رسول الله

          Comment


          • #80
            هو ده البشمهندس سمير عياد يااخوالنا
            والله زمان يابشمهندس :d
            إن الحياة جمع وطرح وقسمه : فاجمع أحبابك وأصحابك حولك
            واطرح من نفسك الأنانية والبخل نحوهم.وقسم حبك بالتساوي عليهم
            تصبح عندئذ اسعد انسان

            Comment


            • #81
              هو ده البشمهندس سمير عياد يااخوالنا
              هو بعظمه ولحمه ياباشا

              Comment


              • #82
                باشمهندس سمير. جزاك الله كل خير. وكالعاده كل مواضيعك بنخرج منها بافاده كبيره..

                انا معايا فيات تمبرا وحضرتك كنت نصحتني اقيس كبس المحرك. انا قيست الكبس في بنزينة موبيل اللي في رابعه العدويه والفني قالي ان السلندر الاول نسبته 60% والباقيين 58% لكن هو ما قاسش الكبس بالطرق اللي حضرتك شرحتها. هو كل اللي عمله انه كان بيفك بوجيه ويحط مكانه خرطوم في اخره عداد ذي اللي بيقيسه بيه الكاوتش وادور العربيه ويفضل يزود بنزين ويشوف اقصي حاجه العداد هيوصل لها ويقولي النسبه وهكذا في باقي السلندرات..

                الكلام ده صح ولا لأ وياريت اي زميل قاس الكبس بالطريقه اللي حضرتك شرحتها يقولنا فين ..
                [CENTER][B][COLOR=#000080][B][COLOR=black][FONT=Tahoma][COLOR=darkred]وقد أسمعت لو ناديت حيـا ولكن لا حياة لمن تنادِ ..ولو ناراً نفخت بها أضاءت ولكنك تنفخ في رماداً..[/COLOR][/FONT][/COLOR][/B][/COLOR][/B][/CENTER]

                Comment


                • #83
                  هو كل اللي عمله انه كان بيفك بوجيه ويحط مكانه خرطوم في اخره عداد ذي اللي بيقيسه بيه الكاوتش وادور العربيه ويفضل يزود بنزين ويشوف اقصي حاجه العداد هيوصل لها ويقولي النسبه وهكذا في باقي السلندرات..
                  الطريقه دى الى حد ما
                  هى نفس الطريقه المشروحه فى الموضوع ( وممكن متكونش بالدقه المطلوبه )

                  عموما

                  ممكن تجرب فى مكان آخر بغرض التشييك
                  على دقة القياس السابق

                  Comment


                  • #84
                    اللي انا مستغربه ازاي العربيه كانت بتدور رغم انها ناقصه بوجيه؟!!
                    [CENTER][B][COLOR=#000080][B][COLOR=black][FONT=Tahoma][COLOR=darkred]وقد أسمعت لو ناديت حيـا ولكن لا حياة لمن تنادِ ..ولو ناراً نفخت بها أضاءت ولكنك تنفخ في رماداً..[/COLOR][/FONT][/COLOR][/B][/COLOR][/B][/CENTER]

                    Comment


                    • #85
                      عادى ياهانى باشا

                      مهو لما بيكون البوجيهات الأربعه راكبين وواحد فاصل كهربيا
                      العربيه بدور فعلا
                      بس بتبقى متلته والمكنه بتترج فى البدايه
                      ومع تزويد السرعه
                      التلت غرف الشغالين بيشيلوا الحمل
                      عادى جدا

                      فتخيل
                      أن عداد الضغط بتاع الغرفه اللى بيقيس كبسها ( ضغطها )
                      بيمثل بوجيه فاصل كهربيا

                      Comment


                      • #86
                        الله ينور عليك يا سمير باشا
                        [CENTER][B][COLOR=#000080][B][COLOR=black][FONT=Tahoma][COLOR=darkred]وقد أسمعت لو ناديت حيـا ولكن لا حياة لمن تنادِ ..ولو ناراً نفخت بها أضاءت ولكنك تنفخ في رماداً..[/COLOR][/FONT][/COLOR][/B][/COLOR][/B][/CENTER]

                        Comment


                        • #87
                          باشمهندس سمير..

                          انا عملت طقم الشنبر للمره التانيه وعمرت وش السلندر مع تغيير صبابات واعادة فتح مجاري الميه اللي في وش السلندر لان الخراط الاولاني كان سد معظمهم وهو بيملي الوش الومونيا علشان الميه كانت واكلاه..

                          رحت عملت اختبار كبس تاني بعد ما لينت 350 ك.م والفني قالي ان الكبس 75% والبوجيهات طالعه سليمه وقال ان نسبه 75% تعتبر هايله بالنسبه لطقم الشنبر وان الموتور الجديد بيخرج من المصنع 88% .. مش عارف مدي صحه الكلام ده..علما بان الميكانيكي كان مطلع الموتور كله بره كانه بيعمل عمره كامله وشيك علي كل حاجه ..

                          غيرت الشكمان كله عند ابو اليزيد لكن الشكمان عامل صوت عالي جدا وزنه. يا تري ده عادي في الاول وهيروح ولا الشكمان فيه مشكله علما بان ابو اليزيد هو اللي بيصنع شكمانات معظم السيارات الجديده المصنعه محليا واكيد ما بيبقاش فيه الاصوات الغريبه ده...

                          طبعا غيرت بوجيهات وسيور وفلاتر كامله وحطيط زيت متعدد بدل الزيت الاحادي التقيل ومع كل ده مش حاسس بفرق كبير في السحب والمشكله الاكبر لسه مستمره وهي غياب الدواره في الصباح بعد 7 الي 8 مرات مارش ولو بطلت العربيه بعد ما تسخن وجيت ادور تاني علي طول العربيه بتعتل.. يا تري تاخير الدواره في الصباح ممكن يكون ليه علاقه بالموبينا؟؟

                          اتمني اعرف تعليقك وتفسيرك علي النقاط ده..
                          [CENTER][B][COLOR=#000080][B][COLOR=black][FONT=Tahoma][COLOR=darkred]وقد أسمعت لو ناديت حيـا ولكن لا حياة لمن تنادِ ..ولو ناراً نفخت بها أضاءت ولكنك تنفخ في رماداً..[/COLOR][/FONT][/COLOR][/B][/COLOR][/B][/CENTER]

                          Comment


                          • #88
                            عاوز أقولك خيرا ومبروك على الشغل الجديد يا أخى / هانى

                            رحت عملت اختبار كبس تاني بعد ما لينت 350 ك.م والفني قالي ان الكبس 75%
                            أعتقد كده معقول برضه عن الوضع الأول اللى كان عامل 58 %

                            وقال ان نسبه 75% تعتبر هايله بالنسبه لطقم الشنبر
                            معقوله لأنها بتعتمد على حالة المكنه برضه كمكونات ( وليها عمر أفتراضى برضه )

                            وان الموتور الجديد بيخرج من المصنع 88% .. مش عارف مدي صحه الكلام ده
                            كلام غير دقيق بالمره

                            وجارى الأستكمال

                            Comment


                            • #89
                              علما بان الميكانيكي كان مطلع الموتور كله بره كانه بيعمل عمره كامله وشيك علي كل حاجه ..
                              كل قطعة داخل الموتور ليها عمر أفتراضى
                              فى أنظمة المحركات ذات الأحتراق الداخلى ( سواء ديزل أو بنزين )

                              وكفاءتها بتقل مع شغل المكنه

                              زى قطر غرف الحريق من الداخل - قواعد الصبابات ومدى حبكها على الصبابات - قوة سوست الصبابات - الخ

                              ولازم مع تقدم سن المكنه بتقل الكفاءه
                              من 100 % الى أى نسبه ( حسب طريقة الأستخدام وكفاءة المكونات المعدنيه ونوع التصميم وخلافه )
                              فلازم مش حتلاقى نسبة الكبس تصل معاك بعد أى عمره أو تغيير شنبر
                              لحالة الكمال مثلا

                              دا غير أن قياسات أى ميكانيكى للبساتم والغرف من الداخل بتكون بطريقة تقريبيه ( غير دقيقه )

                              بالبركه يعنى

                              غيرت الشكمان كله عند ابو اليزيد لكن الشكمان عامل صوت عالي جدا وزنه. يا تري ده عادي في الاول وهيروح
                              أعتقد عادى فى الأول ومع شغل العربيه
                              الشكمان حيكربن وتتسد كل الخلوصات خلال فلنشات تجميع مكونات الشكمان
                              فالصبر .....مطلوب حاليا مع المتابعه

                              لو تحسنت الحاله كل فتره ....يبقى خير وبركه

                              طيب لو لسه .....الوضع مش حلو

                              ممكن تروح لبتاع شكمانات كويس
                              يراجع على رباطات الشكمان
                              أحتمال تكون محتاج أعادة تأكيد على رباط مسامير تجميع وصلات الشكمان أو فى جوان منسى وعاوز يتركب بين فلنشتين مثلا
                              وكل دى أمور بسيطه

                              علما بان ابو اليزيد هو اللي بيصنع شكمانات معظم السيارات الجديده المصنعه محليا واكيد ما بيبقاش فيه الاصوات الغريبه ده...
                              نعم صدقت

                              ومفيش قدامنا غير المتابعه حاليا مع ملاحظة تحسن الحاله
                              أو العرض على متخصص للكشف كما ذكرت لك فى الأقتباس السابق

                              طبعا غيرت بوجيهات وسيور وفلاتر كامله وحطيط زيت متعدد بدل الزيت الاحادي التقيل ومع كل ده مش حاسس بفرق كبير في السحب
                              بس أكيد فيه تحسن فى السحب

                              والمشكله الاكبر لسه مستمره وهي غياب الدواره في الصباح بعد 7 الي 8 مرات مارش
                              ماشى الكلام ....وحنكمل

                              ولو بطلت العربيه بعد ما تسخن وجيت ادور تاني علي طول العربيه بتعتل.
                              أعتقد دى مش مشكلة بوبينا

                              بدليل أنها بتحصل معاك برضه الصبح والعربيه بارده

                              دا غير أن البوجيهات بتطلع نظيفه

                              وغالبا فيه مشكله أساسيه
                              فى المارش أو توصيلاته
                              أو البطاريه ضعيفه
                              أو خرج الدينامو مش قد كده

                              والمفروض تعرض المكونات دى على كهربائى
                              وشوفه حيقولك أيه
                              وبلغنى وأنا معاك متابع

                              Comment


                              • #90
                                بشمهندس سمير انا متهيالى ان حكاية سد الشكمان والمكنة تبطل دية موجودة بس فى المحركات الكربراتير مش فى الانجيكشن ,دة غير ان لازم يكون الشكمان مافيهوش تنفيس واحد ويكون الشكمان بدون تعديلات
                                ياريت تأكدلى مدى صحة المعلومة
                                [CENTER][SIZE=6]SEMSEM KANE سابقا[/SIZE][/CENTER]

                                [img2]http://nileup.com/up/uploads/nilemotors_13635570671.jpg[/img2]

                                Comment

                                Working...
                                X