الرادار

[firstknight216]

واخيراً
الردار لقطني
هاهاهاهاهاهاهاهاها
وانا قادم من القاهرة الى الاسماعيلية
الردار لقط العربية
المشكلة اني بجري على طول واليوم النحس ده انا مكنتش بجري
كنت بفادي عربية
لقطني على سرعة 110 الندل هاهاهاهاهاهاهااهاهاها
ودفعت زي الباشا 150 جنيه وانا واقف
بس الجميل في الموضوع ان رائد الشرطة كان في منتهى الزوق والأدب ...طبعا مش اخد 150 جنيه هاهاهاهاهاهاهاها
السؤال اللي عايز اسئله هي العربية مش بتتخنق من السرعة ديه اقصد الـ 100 كيلو
وبعدين احنا طول النهار بنتكلم على قدرة عربيات وقدرة مواتير وفي الاخر العربية لا تتجاوز سرعتها 100 كيلو وطيب وايه فائدة تطوير السيارات مدام احنا بنمشي على 100 كيلو
حاجة تفرس

[Rembrandt]

فى التانى السلامة وفى العجلة الندامة

[ahmedsrs]

الطرق فى مصر لاتصلح للسير باكثر من 100 كيلو لكثرة الملفات والتقاطعات وعربات النقل بمقطورة

[dr_timo]

سواء في مصر او حتي امريكا الزيادة عن مية خطء حتي لو في طرق بتسمح بكدة فبرده خطء لان اي زيادة عن السرعة دي الواحد مش هيلاقي وقت يتصرف في اي موقف طارق

[zizophone]

يسلام الناس كلها كدة موافقة على السرعة القانونية :) دة كدة ليهم حق يعملوا فينا امتر من كدة
ومعلش يا استاذ طارق يمكن محدش حاسس بيك قدي لانك فكرتني بنفسي من اسبوع كدة وانا رايح اسكندرية على الزراعي وكنت جايب 150 و160وسبحان الله محدش مسكني ووانا راجع تاني يوم الصبح عند كمين التوفيقية كدة ومكنتش بجري كنت مابين 90 و95 وكانت السرعة المحددة 90 كم و شفت بتاع الردار من بعيد وهديت قبل مايصورني وخليت السرعة بتاع 85 ولا 88 كم والاقي في الكمين رائد محترم كدة بيقلي الرخص خيرقالي الردار مصورك على سرعة 95 كم بقلة نعم
قالي السرعة القصوي 90 كم وانت ماشي 95 قلتلة وافرض ولو انة ماحصلش ياعني هم ال5 كم دول الي حيفرقوا قوي ودول ححس بيهم ازاي قالي حتدفع الغرامة ولا اسحب الرخصة ,فبقلة مش المفروض القانون اول 10 كم ب 50 جنية قالي خلاص ابقي ادفع في النيابة الي انت عايزة ودفعت زي الباشا 150 جنيه وانا واقفحاجة تجيب الضغط واكيد ليهم نسبة من غلى المخلفات دي كلها .الله يحرقهم

[hisham343]

انا مش من انصار السرعه.....لكن العربيات معموله علشان تمشي مش علشان تزحف...وفي بعض الاحيان السرعه البطيئه بتكون خطر علي الناس اللي ماشيه في الطريق...والمفروض ان لو كل حاجه ماشيه صح زي م في اوربا والخليج السرعات ممكن تزيد (الحد القانوني), انتم عربياتكم كويسه وواثقين فيها لكن فيه ناس تانيه راكبين نعوش كوتشات..... مهريه وعفشه مكسره ...ودول بجد هما الخطر.وبعدين الطرق في مصر (معظمها) مفيهاش اي علامات تحذير وارشاد واضائه ضعيفه (مره كان فيه بلاعه متشال غطاها في وسط طريق ((سريع))بين المحافظات قام ولاد الحلال حطوا فيها عمود حديد علشان يحذروا الناس..... وليك ان تتخيل ايه اللي ممكن يحصل بلليل لواحد مش عارف الطريق كويس) ده زياده علي سياسة الجبايه اللي ماشيه فيها الحكومه يبقي مفيش سرعه الا لما البلد ينصلح حالها علشان مصلحة الجميع.

[ehab4367]

بلاش السرعة,,,,,,,,,,,,,,,,,,,,,,,,,,,,,,,

[dr_timo]

الموضوع لينا احنا اولا بغض النظر عن الطرق وعن نوع العربية وعن الجباية ولا الحكومة ولا الرادار اي سرعة اكتر من مية معناها ان في اي موقف بيحصل فجئة عمر مهيبقالك سرعة او رد فعل سريع انك تتفادا والتجربة اثبتت دة كتييييير اوي واللي بيقولو السرعة الخفيفة ممكن تعمل حوادث انا اقوله لا مستحيل الكلام دة في حالة واحد ماشي علي عشرين عالطريق السريع الواحد ممكن يلبس فيه لكن دة مبيحصلش وحتي لو بيحصل هيبقي بسبب السرعة الجنونية اللي حوالية لكن لو واحد ماشي عالصحراوي حتي علي سبعين وحوالية ملتزمين وماشيين علي مية يبقي مستحيل تحصل حوادث

[mrghost]

كمان العربيات نفسها مش مضمونه حتى لو زيرو وممكن حد غيرك يغلط ويضرك يعنى السواقه ملهاش كبير اصلا والحمد لله انها جت على كده بس

[firstknight216]

اشكركم على مشارتكم ولكن لي تعليق صغير
اولا اعترض على ان العالم كله بيمشي على 100 كم واكبر دليل على كده
ان في حاجة اسمها حارات الطرق كل حارة ليها سرعة خاصة بيها
والطبيعي ان كل واحد فينا عارف امكانيات عربيته يعني انت لو عارف ان عربيتك ضعيفة اكيد مش ح تجري علشان تفوت الموتور مثلا او اي حاجة تانية
ثانيا انا كنت بعدي عربية وانا ماشي بسرعة 100 والطبيعي ان العربية ح توصل لل 110 في لحظات
ثالثا: في حاجة اسمها هندسة طرق وديه من ضمن تخصصاتها تصميم الطرق السريعة والعالم كله عارف ان العربيات الجديدة سريعة وبيصمموا الطرق لهذا الغرض
رابعا انا في رأي الشخصي ان الموضوع حق يراد به باطل والدليل انهم لو بالفعل بيخافوا على الناس من السرعة العالية كانوا ابسط حاجة يصلحوا الطرق في مصر العربيات بتتدمر من سوء الطرق في مصر بالأضافة الى الوساطة في استخراج الرخص وهي ديه الكارثة لو المرور بيشدد على استخراج الرخص اعتقد ان الموضوع ح يكون ليه شكل تاني