خلط انواع مختلفة من زيت الموتور

[ElKattan]

انا على طول باستعمل موبيل Xhp اللى بيقعد 5 الاف كيلو
المرة دي عايز اغير لزيت الامارات اللى بيتباع سايب
عندي كيلو ونص زيت موبيل فاضلين معايا
هل فيه مشكلة اني احطهم وازود الباقى زيت الامارات؟

[samirayad]

لا طبعا ......كل شركه وليها أضافاتها الخاصه بيها للزيت المعدنى الأساسىbase oil .....ولاينصح بتاتا خلط لأنواع مختلفه للزيوت وأستعمالها (حتى لو كانوا الأثنين معدنى ولشركتين مختلفتين )

[morabet79]

نفس السؤال لاكن معدل
إن شاء الله هغير من موبيل xhp إلى زيت فيسكو
فيه مشكله في التغيير؟
هل فيسكو معدني أم تخليقي؟

في فترة 6 شور لا استهلك اكثر من 2500 كم ، أي أنواع فيسكو تناسبني؟

[samirayad]

هل فيسكو معدني أم تخليقي؟

لو ثمنه أقل من 100 جنيه مثلا .......يبقى معدنى على طوووووووول

[morabet79]

فيه منه أقل من 100 ، وفيه منه اكثر من 190

[samirayad]

فيه منه أقل من 100

أى زيت أقل من 100 معدنى.................

وفيه منه اكثر من 190

.وأى زيت أكبر من 150 مثلا تخليقى...........

[MoOoD]

ممكن الفرق بين المعدنى والتخليقى وعلى اى اساس يتم نوع الزيت للسياره

[samirayad]

_أى منتج زيت عامة بيكون عباره عن زيت أساسى وأضافات....................

_الزيت الأساسى هو اللى بيحدد نوع الزيت معدنى ولا تخليقى....

_ الزيت الأساسى المعدنى بيكون ناتج من عمليات تقطير البترول عند مرحلة قطف معينه من برج التقطير فى معامل التكرير.......وبعد كده الشركات بتاعة الزيوت بتشتريه وتحط عليه أضافات معينه للحصول على وظائف معينه من الزيت (زى تحسين مقاومته للأكسده ومقاومته ضد الصدأ ومقاومته ضد تكوين رغاوى وأضافات لتحسين معامل اللزوجه وأضافات لخفض درجة الأنسكاب للزيت وأضافات لتحسين عملية التنظيف والتشتيت اللى بيقوم بيها الزيت من على الأسطح الداخليه للمحرك ودى اللى بتغير لون الزيت بعد فتره من أستخدامه .....وأضافات لتحمل الضغوط وأضافات ضد البرى وأضافات لمقاومة التآكل الحمضى وهكذا ....على حسب الغرض من أستعمال الزيت )

*** وهنا عندنا فى مصر يوجد تقريبا أربع معامل تكرير رئيسيه هى اللى بتنتج الزيت الأساسى المعدنى

_أما زيت الأساسى التصنيعى (التخليقى )بيتم أستيراده من الخارج علشان تكلفتة أنتاجه عاليه وهو مصنع من أصل غير بترولى ........

_ والشركات بتاعة الزيوت (سواء موبيل أو شيل أو كالتكس أو أسو أو التعاون وهكذا ....) بتشترى زيت الأساس (سواء معدنى من مصر أو تخليقى مستورد ).....وبعد كده بتقوم بعملية الخلط للأضافات على زيت الأساس فى معاملها لأنتاج نوع معين من الزيوت وبعد كده بتطرحه للبيع فى السوق المحلى............

*** الزيت المعدنى بيستخدم مع المحركات القديمه (اللى بدأ حبك الغرف بتاعتها يقل شويه )

**التخليقى بيستخدم مع المحركات الجديده (علشان مدى لزوجته أخف وبالذات مع درجات الحراره المنخفضه )

.

[shaky]

هو انا بحط دايما زيت موبيل 1 10000 ك كويس جدا بس مانصحكش بتخليط الزيت لان كل مصنع ولة مكوناتة المعدنية اللى فى الزيت

شكرا..

[waleedrahmy]

انا على طول باستعمل موبيل Xhp اللى بيقعد 5 الاف كيلو
المرة دي عايز اغير لزيت الامارات اللى بيتباع سايب
عندي كيلو ونص زيت موبيل فاضلين معايا
هل فيه مشكلة اني احطهم وازود الباقى زيت الامارات؟

ما ينفعش

[Dr_Smart]

ماينفعش ... ده من باب خلينا في السليم

بس الصراحه انا جربت مرة كنت حاطط موبيل xhp ولما نقص شوية زودت عليه نص لتر التعاون كانو معايا ... وكان عادي يعني ماحستش بحاجه عمليا

الله اعلم بقى فعليا ايه اللي حصل في الموتور

[MMamdouh]

هل فيسكو معدني أم تخليقي؟

الفيسكو 5000 تخليقى و الباقى معدنى

MMamdouh

[aymanhh]

الفيسكو 5000 تخليقى و الباقى معدنى

MMamdouh

سعرة كام؟
بتباع فين؟
وبيعمل كام الف؟

[tmedhat]

لا تخلط الزيت
الزيت بة سم قاتل
الى القطاان القاطن بدير النحااس
لا تخلط الزيت
الزيت بة سم قاتل
نتكلم جد شوية
لا يجوز خلط زيوت شركتين مختلفتين
مش لصالح المحرك نهائى

[El Prince]

طيب يا جماعه انا معايا فرنا غيرتلها زيت الماتور أول مرة فى صيانة الألف بزيت شل هيلوكس المعدنى 15w50 اللى بيقعد 5000 كم ..
هل الأفضل انى استمر عليه ؟
أو أغير الى تخليقى 10000 كم عند الصيانة القادمة ؟
و لو غيرت لازم أغير الفلتر ؟