Tweet
السلام عليكم جميعا
ياحماعه انا كنت عاوز أعرف الفرق بين الفرامل Abs و Ebd ومدى أهميتهم فى العربيات دلوقتى.
ياحماعه انا كنت عاوز أعرف الفرق بين الفرامل Abs و Ebd ومدى أهميتهم فى العربيات دلوقتى.
-
-
و عليكم السلام ...المشاركة الأصلية كتبت بواسطة ahawit مشاهدة المشاركة
مبدئيا كده اى عربيه فيها EBD لازم يكون فيها ABS ...
انا معلوماتى عن EBD مش كبيره اوى فمش هتكلم فيه لكن انا اعرف انه بيوزع قوه الفرامل على العجل لكن طريقه عمله و كده معرفهاش ...
ال ABS عندى كام معلومه هقولهم ...
فائدته:
عند الفرمله القويه بيمنع انزلاق العجل (الزحف)...
و بالتالى بيبقى للسواق القدره على التحكم فى اتجاه العربيه و فى نفس الوقت مسافه التوقف بتقل و بتكون أأمن ...
طريقه عمله :
الABS مش بيشتغل بأستمرار ...
بيشتغل فى حاله الفرمله القويه الى هتخلى العجل يزحف ..
و الكنترول بتاعه ليه حساسات على العجل بيعرف وضع العجله ايه حاليا ...
لما بيشتغل بيحصل الاتى :
تيل الفرامل مش بيفضل ماسك على الطنبوره (لو عمل كده هتزحف) ..
التيل بيسقف على الطنبوره ..
بيمسك و يسيب بسرعه رهيبه ..
مش بتحس بالحركه دى اساسا من ناحيه الفرمله ..
بتحس بيها من الصوت (دربكه) و بتحس برعشه فى دواسه الفرامل ..
عيوبه :
1-صوته عالى لما بيشتغل ..
2-رعشه فى الفرامل ..
مميزاته :
1-فرمله اقوى من العربيات الى من غيره ..
2-مسافه توقف قصيره ..
3-تحكم فى اتجاه السياره اثناء الفرامله ..
ملحوظه:
انا مش متخيل نفسى بشترى عربيه زيرو بدون ABS على الاقل لانه فعلا مهم جدا و بينقذنى من مواقف كتير ..
يا رب يكون كلامى سهل و مش مضخم ..و يكون صح و لو اى استفسار انا تحت امرك ..[CENTER]
ولا تحسبن الذين قتلوا فى سبيل الله امواتا بل احياء عند ربهم يرزقون
[/CENTER] -
شكرا على المعلومات القيمه يا أستاذ خالدComment
-
على حد علمى ال EBD Electronic Brake Distribution or Electronic Brake-force Distributor هو توزيع قوه الفرامل على حسب الاوزان اللى فى العربيه متركزه فين - لو الفرامل وراء عملت lock قبل قدام فى الحاله دى العربيه هتلف حول نفسها
فايده ال EBD انه بيحس فين تركيز الثقل فى العربيه و يوزع قوه الفرامل على حسب علشان ما فيش عجله تعمل lock قبل التانية و بالذات وراءComment
-
EBD
Electronic Brake-force Distribution
نظام توزيع الفرامل اليكترونيا
وهو مهمته ببساطة ميخليش العجل يزحف قدر المستطاع
لو العربية راكب فيها ركب واحد مثلا اللى هو السواق ولما تدوس فرامل مطلوب من العجل الامامى توقيف العربية فيخف ضغط الفرملة عن العجل الخلفى عشان ما يزحفش عشان التصاقه بالارض اقل من الامامى
انما لو العربية محملة بالكامل 4 راكب يتوزع الفرامل على الاربع عجلات بالتساوى عشان التصاق العجل بالرض تقريبا متساوى
لو العربية فى ملف وانت بتفرمل بيبقى الحمل على العجل الخارجى اكبر من الداخلى
وبما ان الداخلى التصاقه اقل فيبقى الفرملة اكبر على الخارجى
عشان الداخلى ميزحفش ويدور العربية
تحياتى[CENTER]
[img3]http://s9.postimage.org/9xprus61b/5790004338_49a64e2375_z.jpg[/img3][/CENTER]Comment
-
شكرا على المعلومه القيمه دى والتوضيح بالصورComment
-
على فكرة يا باشا مسافة التوقف بالـ Abs هي هي نفس مسافة التوقف بالفرامل العاديةالمشاركة الأصلية كتبت بواسطة khaled Ayman مشاهدة المشاركة
و لكن مع الاختلاف فقط انك بتقدر تتحكم في العربية (زي ما حضرتك وضحت بالضبط )[CENTER][B][I][SIZE=5]Mohammed Raafat[/SIZE][/I][/B][/CENTER]
[CENTER][B][I][COLOR=magenta]Proud to be A memmber in NileMotors Family[/COLOR][/I][/B][/CENTER]
mohammed_raafat سايقاًComment
-
بس انا معايا غير كده خالص ...المشاركة الأصلية كتبت بواسطة mohammed_raafat مشاهدة المشاركة
اصل لو العجله بتزحف على تراب مثلا ...
بتبقى درجه تماسكها فى الارض ضعيفه ..
انما لو مش بتزحف و بتفرمل كويس المسافه اكيد هتقل ..
ولا ايه ..؟؟
هو عموما ال ABS مفيد جدا حتى لو بنفس مسافه التوقف لانه على الاقل بيخليك تقدر تغير اتجاهك...[CENTER]
ولا تحسبن الذين قتلوا فى سبيل الله امواتا بل احياء عند ربهم يرزقون
[/CENTER]Comment
-
ال ABS تم استخدامه لأول مرة في الطائرات الحربية لتقليل مساحة التوقف عند الهبوط على حاملة الطائرات..طبعا لأن الممر على حاملة الطائرات أقصر من الممر في مدرج الطائرات العادي..
ال youtube مليان فيديوهات توضح فائدة ال ABS و طريقة عملهTyler_durden سابقا
المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حسابComment
-
شكرا على المعلومات من جميع الاعضاء[COLOR=darkred][/COLOR]Comment
-
السلام عليكم:
أحب اوضح بعض أشياء عن الـ ABS
1- انه يعنى بالانجليزى Anti-Lock Braking System
2- مفهومه بالعربى انه جهاز ضد غلق العجلات
3- أهميته هو ترشيد استهلاك الـ Road Adhesion المعطى من الارض.
علشان تفهم معنى الكلام ده لازم تعرف ان قيمه الـ Adhesion اللى بتحصل عليه من الارض (فى حالة الاسفلت الجاف) هى 0.9 maximum وان هذه القيمه تقل تبعا لنوع الطرق ففى حالة الارض المغطاه بالثلج يكون 0.3 وكلما قلت هذه القيمه دل ذلك على صعوبه قيادة السياره بمعنى انك مش هاتقدر تفرمل جامد او مش هاتقدر تدوس على الاكسراتير جامد وكمان مش هاتقدر تعمل مناوره بسهوله لان العجل فى مثل هذه الظروف سيكون معرض الى التزحلق او الزحف.
الاخطر من كده ان فى تعارض بين استهلاك Adhesion بين اداء المركبه فى حالة الفرامل وفى حالات المناوره فمثلا اذا انت استخدمت الفرامل بقوه فان استهلاك Adhesion بيزيد والمتبقى منه لدعم اى مناوره جانبيه بيكون قليل مما يؤدى الى صعوبه الحفاظ على ثبات واتزان السياره.
السواقين المحترفين فى مثل هذه الظرووف يقول لك ايه::: كارك فرامل::: يعنى ايه ؟ يعنى ماتدوسشى على طول .... دوس وسيب دوس وسيب فبالتالى يحسن اداء المركبه. هو ده بالضبط اللى بيعمله ABS
ماشى يا جميل؟؟؟
طيب ازاى؟؟؟
بيقيس نسبة دوران كل عجله على حده وبيحسب نسبه زحف العجل أثناء الفرامل. المفروض انها لا تزيد عن 15% أكتر من كده يبقى فى خطوره زى ماقلت قبل كده.
عموما فى 3modes of operation for ABS
الاول انه بيحقق القوى الفرمليه طبقا لدوسه السائق
الثانى ان بيمنع مزيد من ضخ زيت الفرامل فى العجل
الثالث انه بيسحب زيت من ماستر العجل لتقليل القوى الفرمليه
اما بالنسبه ال EBD فهو جيل اخر بيعتمد فى عمله على استخدام مكونات ABS ويقوم بتوزيع القوى الفرمليه بين العجل طبقا للحمل الواقع على كل عجله
طب ليه؟؟؟؟؟
الموضوع ده كبير جدا وخلاصته انه لتحقيق الامان اثناء الفرامل لازم كل العجل يمسك او يقفل فى نفس الوقت وده بيعتمد بدرجه كبيره على توزيع الاحمال على العجل
جزاكم الله خيرComment
Comment