حساس الاكسجين

[A.samy]

كنت عايز اعرف فكرة عمل حساس الاكسجين واية الدخل والخرج بتاعة وهل من الممكن معرفة افضل خرج لية كام ونستغنى عن الحساس ونثبت القيمة اللى ذاهبة الى الكمبيوتر عن طريف بتنشومتر وبذلك نضمن افضل استهلاك للبنزين ولا الفكرة دى صعب تنفيذها

[ahmedsrs]

حساس الأوكسوجين او حساس فرن الشكمان وظيفته انه يقيس درجة تشبع غاز العادم بالأكسجين .
لو غاز الشكمان مشبع بدرجه عالية بالأكسجين يبقى في كميه هواء بتدخل غرفة الاحتراق اكتر من البنزين وبيكون المخلوط مش مظبوط فيقوم كمبيوتر السيارة بزيادة نسبة البنزين في المخلوط بزيادة وقت فتح الرشاشات والعكس صحيح .
والنسبة الصحيحة هى هواء الى بنزين 14.6:1
واكيد وجود حساس الأكسجين احسن من عدم وجوده عشان يقدر يدى الأداء المثالى للمحرك ويقلل من استهلاك البنزين يعنى لو مفيش حساس اعتقد استهلاك البنزين هيبقى مضاعف او لو اداء المحرك هيبقى ضعيف لو تم تثبيت النسبه بهدف توفير الوقود

[kemks]

كنت عايز اعرف فكرة عمل حساس الاكسجين واية الدخل والخرج بتاعة وهل من الممكن معرفة افضل خرج لية كام ونستغنى عن الحساس ونثبت القيمة اللى ذاهبة الى الكمبيوتر عن طريف بتنشومتر وبذلك نضمن افضل استهلاك للبنزين ولا الفكرة دى صعب تنفيذها

الفكره كويسه جدا و علي فكره في المواقع الاجنبيه شوفت الفكره دي بس شوفتها بالنسبه لحساس قياس درجه حراره الهواء IAT و كان في مشاركه بطريقه و ضعه بس ملقيتش اي اقبال من اي احد

http://www.nilemotors.net/Nile/showthread.php?p=744461#post744461

بس الواضح ان من الممكن تثبيت القيمه الخارجه عن طريق وضع مقاومه معينه برقم معين مكان فيشه الحساس و فصل فيشه الحساس بس محتاجه حبه بحث ان شاء الله الموضوع دا برضه في دماغي

لو وصلت لحاجة ياريت تبعتلي

شكرا و بالتوفيق

[MMamdouh]

حساس الشكمان بيديك احسن استهلاك... لو نسبة البنزين زادت حيبقى المزيج غنى و العربية تاكل بنزين

لو البنزين قل حيبقى مزيج فقير و حرارة غازات العادم حتزيد اكتر من اللازم و ممكن الموتور يبوظ

MMamdouh

[kemks]

حساس الشكمان بيديك احسن استهلاك... لو نسبة البنزين زادت حيبقى المزيج غنى و العربية تاكل بنزين

لو البنزين قل حيبقى مزيج فقير و حرارة غازات العادم حتزيد اكتر من اللازم و ممكن الموتور يبوظ

MMamdouh

شكرا علي الايضاح بس احنا بنتكلم علي احسن قرايه للحساس اللي ممكن نحاول نثبتها عشان احسن استهلاك للبنزين و كل دا مجرد مناقشه

ويا تري لو ثبت القرايه ممكن يبقي في مضاعفات زي ما حضرتك بتقول
يعني لو البنزين اصبح نسبته واحده و الهواء اكبر يبقي المشكله هنا مزيج فقير

فالمطلوب تثبيت الهواء و البنزين علي النسب المطلوبه لاقل استهلاك بنزين بس دا اكيد هيأثر علي الاداء مظبوط كدة و لاايه

[mecho_392]

متنساش يا باشا ان نسبة الهواء للوقود بتتغير حسب الحمل و دوسة البنزين.. يعنى ساعات طالع مطلع او على طريق سريع او بتحرق (نطاق القدرة القصوى) او اثناء ال idling او Normal power range و Best Efficiency (افضل كفاءة) و بالتالى فى كل مره Air/Fuel ratio بتختلف مثلا
14:1
17:1
12.5:1
و بالتالى الانبعاثات هتختلف و الاستهلاك مش هيتحسن بالعكس هيتدهور جدااااااا.

[Sharaf2009]

تتميز نظم حقن وقود البنزين الاكترونيه بوجود حساس لقياس تركيز الاكسوجين الموجود بالعادم وذلك لوجود علاقه مباشرة بين نسبة خلط الهواء الى النزين وبين تركيز الاكسوجين فى العادم. ويعرف ذلك بنطام التحكم المغلق closed Loop Control System

ويتراوح جهد الحساس من صفر الى واحد فولت. فكلما كان جهد الحساس ضعيفا دل ذلك على مخلوط فقير وتقود وحدة التحكم بزيادة كمية البنزين لمحقونه من خلال زيادة الفتره الزمنيه لفتح رشاش الحقن الالكترونى والعكس صحيح. ومن استخداماته ايضا يساعد المحول الحفاز للحفاظ على ملوثات بيئيه أقل. ومن عيوبه انه يحتاج الى فتره زمنيه عند ادارة المحرك حتى يعمل بكفاءه لانه يعتمد فى عمله على درجة حراره معينه قد تصل الى 600 درجه

[MMamdouh]

شكرا علي الايضاح بس احنا بنتكلم علي احسن قرايه للحساس اللي ممكن نحاول نثبتها عشان احسن استهلاك للبنزين و كل دا مجرد مناقشه

ويا تري لو ثبت القرايه ممكن يبقي في مضاعفات زي ما حضرتك بتقول
يعني لو البنزين اصبح نسبته واحده و الهواء اكبر يبقي المشكله هنا مزيج فقير

فالمطلوب تثبيت الهواء و البنزين علي النسب المطلوبه لاقل استهلاك بنزين بس دا اكيد هيأثر علي الاداء مظبوط كدة و لاايه

كبداية اى تعديل على قراية اى حساس مش صح... لانك ببساطة بتضحك على الECU و تخليه ياخد قرارات مبنية على معلومات غلط

لو ثبت القراية يبقى بتثبت زمن فتح الرشاشات بالتالى لو فلتر الهوا اتسد شوية او الهوا برد او سخن او اى عامل من العوامل الموثرة فى نسبة الاكسجين فى غرفة الحريق اتغيرت حيحصل مشاكل

MMamdouh

[A.samy]

كبداية اى تعديل على قراية اى حساس مش صح... لانك ببساطة بتضحك على الECU و تخليه ياخد قرارات مبنية على معلومات غلط

لو ثبت القراية يبقى بتثبت زمن فتح الرشاشات بالتالى لو فلتر الهوا اتسد شوية او الهوا برد او سخن او اى عامل من العوامل الموثرة فى نسبة الاكسجين فى غرفة الحريق اتغيرت حيحصل مشاكل

MMamdouh

كلام جميل مقدرش اقول غير كدة بس انا بفكر بصوت عالى والتطوير والتحسين فى اى شىء لا يأتى الا بهذة الطريقة.
وبلاش الكلام اللى بيقول الخواجة معملش كدة يبقى احنا هنخترع ونعملها .

[kemks]

كلام جميل مقدرش اقول غير كدة بس انا بفكر بصوت عالى والتطوير والتحسين فى اى شىء لا يأتى الا بهذة الطريقة.
وبلاش الكلام اللى بيقول الخواجة معملش كدة يبقى احنا هنخترع ونعملها .

الله ينور عليك يا باشا ممكن نحاول مع بعض عشان نرفع كفائه العربيه من غير ما نأثر علي العربيه و الماتور يارب نحاول مع بعض للرفع من معدل كفائه العربيه

بالتوفيق

[sab3aawy]

كيف يعمل حساس الأكسجين:

حساس الأكسجين هو عبارة عن دائرة استشعار الكترونى تعتمد على probe(اصبع)من السيراميك به قطبين من البلاتين وبينهما الكترولايت( سائل او غاز يوصل الكهرباء عن طريق التأين) مصنعة من ثانى اكسيد الزركونيوم ، هذه المادة تتأثر توصيليتها الكهربية بكمية الأكسجين التى تتعرض لها، وبالتالى تتغير فولطية الحساس كله او مقاومته(بحسب تصميمه) بتغير كمية الأكسجين المعرض له، مع العلم ان هذة الخلية لا تعمل بشكل ملموس سوى عند تسخينها لدرجة 800 درجة وهى درجة اعلى بكثير من درجة حرارة العادم التى تكون فى حدود 200 درجة تقريبا (لتخيل ما هى 800 درجة يمكننا ان نعرف ان الألومنيوم ينصهر عند 660 درجة ) ، ولذلك فان هذاالتسخين يتم بواسطة سخان كهربى مخصوص موضوع داخل الحساس، تصمم حساسات الاكسجين بحيث تعطى فولطية فى حدود 0.45 فولط للمخلوط المثالى (14.7 هواء لكل 1 وقود) وفى حدود 0.2 فولط للمخلوط الفقير(هواء اكثر من حاجة الوقود) وفى حدود 0.8 فولط للمخلوط الغنى(هواء اقل من حاجة الوقود) ، ونظرا لأن قراءات هذا الحساس ليست خطية( يعنى مش بتزيد بمعدل ثابت مع زيادة نسبة مخلوط الوقود لكن بتزيد بمعدل متغير يخضع لمنحنى بيانى ليس على شكل خط مستقيم) فبالتالى فأنه لا يتم برمجة المنحنى البيانى لحساس الأكسجين بالكامل داخل وحدة الECU (وحدة تحكم المحرك-كومبيوتر المحرك) ، لكن يتم تعريف ثلاثة نقاط فقط لوحدة التحكم هى التى اشرنا اليها سابقا، فاذا وصلت القراءة الى 0.2 تدخل الكونترول لزيادة حقن الوقود ، واذا وصلت الى 0.8 تدخل الكونترول لتقليل حقن الوقود، وطالما هى باقية بين هاتين النقطتين لا يعتمد عليها الكونترول فى قراراته وانما يعتمد بالأساس على قراءة الإيرماس(حساس كمية الهواء) ، علما بأنه فى حالات الحمل العالى (السرعات الشديدة و/او التحميل الشديد للسيارة و/او المطالع و/او الجر) وعند فتح باب الهواء(دواسة البنزين) بشكل عالى يكون الكونترول مبرمجا فى كثير من الاحيان لتجاهل قراءة حساس الأكسجين فى تلك اللحظة وربما احيانا لتجاهل قراءة الايرماس وضخ الحد الأقصى للوقود للحصول على اقصى قدرة حصانية للسيارة

حساس الاكسجين له عمر افتراضى يترواح بين 80 ألف الى 160 ألف كيلومتر بحسب تصميمه، والسبب الرئيسى لنهاية عمر الحساس هو تراكم ذرات الكربون من العادم عليه وسد مسامه وهو الامر الذى لا يمكن تلافيه لتعرض الحساس للحريق طوال الوقت، ولذلك فانه من البنود المستهلكة والتى يتوجب تغييرها عند نهاية عمرها

[Sharaf2009]

Many thanks for sab3aawy WELL DONE

[ams]

صورة الحساس

[Sharaf2009]

يستخدم حساس الاكسوجين لقياس نسبة الاكسوجين فى العادم ويدل ذلك على جودة خلط الهواء بالبنزين. وزى ما هو واضح فى الشكل فان جهد الحساس بيتراوح من صفر الى واحد لا يمكن لاى أحد ان يغير فى هذه القراءات. وتكون نسبة الخلط المثاليه عند 14.7 ويقابل ذلك قراءه فى الحساس عند 0.45 فولت. وتستقبل وحده التحكم اشاره جهد الحساس على الاقل 1000 مره فى الثانيه وبناء عليها تقوم بتصحيح نسبة الخلط.

الحاجه التانيه هى ما معنى نسبة الخلط المثاليه 14.7 وتعرف بــstoichiometric ratio
هو ان كل جرام من البنزين يحتاج الى 14.7 جرام من الهواء حتى يتم حرق البنزين احتراق كامل. واحب ااكد على انها نسبه بالوزن ليه؟ لان الهواء غاز وحسب درجة الحراره فان حجمه بيتغير علشان كده يوجد حساس أخر بعد فلتر الهواء بيعرف بحساس كتله الهواء لحساب كتله الهواء المدخله الى المحرك وبالتالى يجرى حسابات دقيقه ومعقده لحساب كمية الاكسوجين المحقونه بواسطة الرشاشات كما تراجع هذه النسبه زى ما قلت بناءا على قراءة حساس الاكسوجين.

الحاجه الثالثه: ناس كتير بتفتكر ان نظام حقن البنزين الالكترونى نظام ذكى ماش بس الحقيقه الى اذكى واعقد منه هو الكربراتير لان الكربراتير نظام Passive بمعنى انه ذاتى التشغيل والتحكم وفيه حوالى 7 دوائر لاعطاء نسبة خلط مختلفه (على حسب نظام التشغيل). كل اللى عمله نظام الحقن الالكترونى انه حط مجموعه من الحساسات لاستنتاج ظروف عمل المحرك وبناء عليه تقوم وحدة التحكم بحساب نسبة الخلط المناسبه. وبكده يحقق نظام الحقن الالكترونى المثلث المعروف: أقل استهلاك للبنزين - أقل ملوثات للبيئه - أحسن اداء للمحرك فى كل الظروف.

بس ما تنسوش انه مش ممكن تحقيق ده من خلال منظومه الحقن فقط يوجد منظومه اخرى تم تطويرها أيضا وهى منظومة الاشتعال الاكترونى اللى بتضمن جودة وزمن الشراره اللازمة لتحقيق العوامل الثالثه.

شكرا