مافائدة الفرامل المدعومة abs

[atehad ahmed al]

الأخوة الأفاضل / مافائدة الفرامل المدعومة abs ومتى تعمل ــــــــــــــــ هذا أولا
ثانيا / هل يجوز تركيب هذه الفرامل فى سيارة ليس بها ؟
ولكم كل الشكر والتقدير

[SAMER_ENGINES]

اهلا و مرحباً بيك صديقي

و بالنسبة لفرامل ABS فسنقوم اولا بتفسير الاسم اولا حتي تتتضح لك الصورة:
ABS
A = anti-lock
B = braking
S = system

Anti-lock المانعة للإنغلاق
Braking الفرامل
System نظام

و الجملة كلها او الأسم كله "نظام الفرامل المانعة للإنغلاق"
و بالإنجليزية Anti-lock Braking System

و هو نظام يعمل علي عدم انغلاق التيل علي الطنبورة بشكل مفاجي و مستمر

و فرامل الـ ABS تتكون من الأجزاء التالية:

. حساسات سرعة دوران العجل (Wheel Sensors).

· وحدة التحكم الإليكترونية.(Electronic Control Unit- ECU)

· وحدة التحكم الهيدروليكية (Hydraulic Control Unit).

· لمبة تحذير عدم عمل النظام (The ABS Warning Lamp)

بمعني انه في السيارات العادية و التي تعمل بالنظام العادي يحدث انك تضغط علي الفرامل فرملة فجائية فتنقبض فردتي التيل علي الطنبورة الخاصة بكل عجلة بتقوم بايقاف السيارة و هذه الانقباضة تحدث بشكل قوي و مفاجئ و مستمر فما يحدث انك تجد العجل قد توقف و السيارة تزحف.

اما في نظام الـ ABS فما يحدث انك عندما تضغط علي بدال الفرامل بشكل مفاجئ تجد ان التيل ينقبض علي الطنبورة ايضا لإيقاف السيارة و لكن بشكل متقطع اي لا يحدث ان ينقبض التيل علي الطنابير بشكل مفاجئ و ذلك يحدث لمنع زحف العجل علي الارض فتجد ان التيل ينقبض علي الطنبورة و ينفك عنها أكثر من مرة بالثانية الواحدة.

أرجو ان اكون قد وضحت لك ما أقصده و ان تكون قد استفدت و أتمني الفيديوهات دي توضح اكتر

هنا في أول فيديو الفرامل بتقفل علي الطنبورة و تفتح و بيمثل التيل الجزء اللي بيومض في الفيديو احمر و لما بينور احمر يعني قفل علي الطنبورة و لما بينطفي يعني فتح:

http://www.youtube.com/watch?v=LoJ3hVyVifc

و هنا الفيديو ده بيوضح اد ايه الـ ABS مفيد و فعال:

http://www.youtube.com/watch?v=xd5KDvXbE3M

و بالنسبة لمتي تعمل؟؟
هي تعمل عندما تضغط علي الفرامل علي سرعة معينة و بقوة معينة و كل سيارة حسب قوتها و حسب ضبط وحدة التحكم الخاصة بها و لكنها لا تعمل بصفة دائمة او بأي ضغطة علي الفرامل.

و من وجهة نظري و لكن هذا غير مؤكد أن تركيبها علي سيارة غير مجهزة بها سيكون صعب و تقريبا مستحيل و انا لم اري او اسمع عن سيارة تم تركيب تلك التقنية بها و لكن ارجو ممن لديه معلومات افضل من حيث امكانية تركيبها في سيارة غير مجهزة بها الإدلاء برأيه.

[nader1117]

متهيئلى هذا النظام مفيد جدا فى الطرق اللزجة من المطر وخلافة

[ouba2]

مشكوووووووووووور علي الفيديو

[RED_OCTOBER_IV]

اولآ شكرآ بجد على المعلومات الجامده دى يا مان
ثانيآ فعلآ مينفعش تركب Abs على عربيه مفيهاش اساسا
ولا حتى فى التوكيل لآن ده بيبقى فى نظام الموتور و ممكن يتعمل فى المصنع بتاع العربيه بس عشان بيحتاج برمجه موتور و كده



و الله أعلى وأعلم

[احمد عز]

شكرا على المعلومات القيمه دى

[SAMER_ENGINES]

شكرا يا جماعة لتشجيعكم و بصراحة كنت متأكد من عدم امكانية تركيبها بس قلت اتأكد.

[Anxs111]

abs is extremely important and should be standard on all cars. it is something that would help save life not for luxury as electric seats, and rain sensors and..........

[abo_hosni]

أهم حاجة أنه بيسمح لك بتوجيه العربية أثناء الفرملة الفجائية

[ringoo84]

بصراحه هو مهم جداااا وشكرا على المعلومات الجميله

[omarmora]

فعلا انا كنت سايق سيارة لادا وفعلا ضربت فرامل فجأة العجل بتاع العربية قفش وما فيش اى تحكم بالسيارة
بعد كدة اشتريت كرولا 2004 فيها abs فعلا بيفرق كتير على الطريق

[SAMER_ENGINES]

فعلا انا كنت سايق سيارة لادا وفعلا ضربت فرامل فجأة العجل بتاع العربية قفش وما فيش اى تحكم بالسيارة
بعد كدة اشتريت كرولا 2004 فيها abs فعلا بيفرق كتير على الطريق

بالظبط نفس الكلام حصل معايا في اللادا برضه ضربت فرامل و العربية بتزحف في أتجاه معين و كأني الدركسيون مش موجود و لما سقت عربيات تانية فيها ABS فعلا حسيت بفرق كبير.
ملحوظة: ده مش عيب في اللادا نفسها لكن ده بسبب عدم وجود ABS و أي عربية بدونه التحكم فيها بيكون أصعب مع الفرامل الشديدة.