الغيار!!

[casperinoo]

بيقولك ادي كل غيار حقه؟؟
طيب هو انا اعرف حقه ده منين
عربيه 1100 سي سي
التاني اديه امتي والتالت امتي
:? :? :?

انا بنقل دايما علي 3000 rpm
ممكن حد يقولي تاثير السرعه القليله علي الغيار العالي ايه؟؟

[fahd_628]

بيقولك ادي كل غيار حقه؟؟
طيب هو انا اعرف حقه ده منين
عربيه 1100 سي سي
التاني اديه امتي والتالت امتي

انت بتنقل صح عند 3000 RPM دة الطبيعى و انت ماشى عادى لكن لما بتشد يقولك ادى الغيار حقة يعنى توصل بقى ل 6000 مثلا و تقوم ناقل و دة علشان تاخد سحب عالى و لكن الطبيعى زى ما نت بتنقل كدة عند 3000 RPM

ممكن حد يقولي تاثير السرعه القليله علي الغيار العالي ايه؟؟

بصراحة معرفش بس هوة الغيار المظبوط بيريح الموتور

[hazem_khidr]

ممكن حد يقولي تاثير السرعه القليله علي الغيار العالي ايه؟؟



بصراحة معرفش بس هوة الغيار المظبوط بيريح الموتور

بصراحه مش عارف انا كمان لكن بيتهيالي انك بتحمل علي الموتور يعني زي ما تكون مشيل واحد حاجه و مخليه ماشي بالراحه مش بخطوه سريعه ف اكيد دا حيتعبه عن لو مشي بسرعه مثلا.
متهيالي للعربيه بيبقي نفس الوضع غير انك لما بتزود السرعه و انت علي غيار عالي بتلاقي العربيه متلخبطه مش قادره تسحب

[ahmed1981]

تاثير السرعه القليله علي الغيار العالي

ممكن حد يقولي تاثير السرعه القليله علي الغيار العالي ايه؟؟

1 - لو كانت السرعة قليلة جداً بالنسبة للغيار تلاقي العربية بتكتك (ظاهرة التصفيق) وهذا التصفيق ضار جداً بالموتور يقلل عمر الموتور كما أنه يزيد من إستهلاك البنزين

2 - على المدى الطويل من السير بسرعات قليلة على غيار عالي يحدث ما يسمى بالكربنة أو تراكم السناج (بقايا كربونية شبيهة بالبقايا بقعر الحلل القديمة من أسفل) وهذه البقايا تؤثر على كفائة الكبس بسبب لصقها لحلقات الشنبر بالإسطوانة أو تكوين نتوءات كربونية أسفل الشنبر مما يقلل كبس المحرك على المدى الطويل وبالتالي زيادة إستهلاك البنزين

وللبقايا الكربونية عيوب أخرى وهي تكوين بؤر ساخنة (Hot spot) التي تزيد من التصفيق أو تعمل ما يسمى الإشعال الإستباقي (البنزين يشتعل قبل شرارة شمعة الإحتراق) الذي يؤثر على إنتظام المحرك وبالتالي إضعاف قدرته وبالتالي زيادة إستهلاك البنزين

تختلف نسب التأثيرات السابقة من محرك لآخر ومن أسلوب قيادة لآخر

أفضل حل هو النقل عند سرعات الموتور المتوسطة الموصى بها لكل سيارة (تكون عادة عند إرتفاع صوت الموتور نسبيا بدون مبالغة أو تسرع)
أغلب السيارات النقل عند عدد لفات موتور 3000 RPM أو حسب تعليمات المنتج لتفادي الأضرار السابقة وللحصول على أفضل أداء إقتصادي
وفي حالة السيارات التي لا يوجد بها عداد لفات موتور يتعود قائد السيارة على صوتها وبالتالي لا ينقل الغيار إلا عند إرتفاع صوت الموتور نسبيا وبدون مبالغة

البعض يظن أن النقل على سرعات منخفضة يؤدي لتقليل إستهلاك البنزين وهذا لا يكون صحيحا إلا في حالة السرعات الموصى بها أو المعتدلة (النقل بعد إرتفاع صوت المحرك في النقلة السابقة بنسبة بسيطة ومعقولة)
أما في النقل على أقل من هذه السرعات فإن الأضرار الجانبية مثل (التصفيق والكربنة) تؤدي لنتيجة عكسية وهي زيادة إستهلاك البنزين على المدى القصير والطويل وكذلك تقصير العمر الكلي للمحرك

والله أعلم

[eng_amrazek]

طيب لما تكون لسه مستلم العربية المفروض انك تلين لحد 1000 كم
المفروض انى انقل برده عند 3000 rpm ولا اقل و لا اكتر ؟
ارجو الافادة و شكرا

[hazem_khidr]

طيب لما تكون لسه مستلم العربية المفروض انك تلين لحد 1000 كم
المفروض انى انقل برده عند 3000 rpm ولا اقل و لا اكتر

عند 2000 كويس اوي بالنسبه للتليين او 2500 بس ما تزلودش عن كده.

[ahmed1981]

طيب لما تكون لسه مستلم العربية المفروض انك تلين لحد 1000 كم
المفروض انى انقل برده عند 3000 rpm ولا اقل و لا اكتر

عند 2000 كويس اوي بالنسبه للتليين او 2500 بس ما تزلودش عن كده.

في التليين آخرك خالص 3000 RPM
ولما تخلص أول ألف تبدأ تزود بالتدريج على الأيام

[eng_amrazek]

شكرا يا حازم باشا على الرد السريع
جزاك الله خيراً

[eng_amrazek]

شكرا يا باشمهندس/ احمد على ردك الجميل
جزاك الله خيراً

[casperinoo]

لو كانت السرعة قليلة جداً بالنسبة للغيار تلاقي العربية بتكتك (ظاهرة التصفيق) وهذا التصفيق ضار جداً بالموتور يقلل عمر الموتور كما أنه يزيد من إستهلاك البنزين

طيب نفترض ان انا دلوقتي نقلت بدري...والعربيه سقفت...هل ازود بنزين ولا ادوس دبرياج وارجع للغيار الاقل

في التليين آخرك خالص 3000 RPM

انا في التلين ملتزمتش قوي بالحجات ديه..بس لاني مكنتش عارف وكمان كنت بتعلم عليها...ايه ممكن الاضرار اللي تواجهني بسبب حاجه زي ديه
مع العلم ان الحاجه الوحيده اللي كنت اعرفها ان انا مشغلش التكييف
مشيت علي 140
وسعات كانت السرعه بتزيد مني من غير منقل الغيار
بس طبعا ده فترات قليله جدا

وشكرا علي الردود :D :D :D

[eng_amrazek]

لو كانت السرعة قليلة جداً بالنسبة للغيار تلاقي العربية بتكتك (ظاهرة التصفيق) وهذا التصفيق ضار جداً بالموتور يقلل عمر الموتور كما أنه يزيد من إستهلاك البنزين


طيب نفترض ان انا دلوقتي نقلت بدري...والعربيه سقفت...هل ازود بنزين ولا ادوس دبرياج وارجع للغيار الاقل
لا المفروض انك ترجع للغيار الاقل على حد معلوماتى

[ahmed1981]

طيب نفترض ان انا دلوقتي نقلت بدري...والعربيه سقفت...هل ازود بنزين ولا ادوس دبرياج وارجع للغيار الاقل

يفضل تدوس دبرياج وترجع للغيار اللي قبله

انا في التلين ملتزمتش قوي بالحجات ديه

النتائج نوعين سريعة وبعيدة المدى
طالما عربيتك سليمة والموتور محصلش فيه مشاكل يبقى الحمد لله عدت على خير
بالنسبة للنتائج على المدى البعيد ممكن يقصر عمر المحرك مثلا لكن إن شاء الله مش هيحصل حاجة من ده ولو حصل مش هتحس بيه قوي

[محمد البحيري]

الغيار
هو وضع لترس مع عده تروس اخري لنقل الحركه من المحرك الي العجلات لتحريك السياره ويختلف عدد هذه التروس من سياره لاخري (في الغالب بيبقي 5 ممكن 4 زي زمان وممكن 6 وتقريبا بقي في 7 كمان) طيب هتقولي ايه لزمته وانا ليه بقعد انقل كل شويه؟
لان عندك المحرك بيطلع سرعه دورانيه ثابته وعاليه اقوي طيب هتقولي مدي حاجه كويسه ليه بخفض السرعه دي والجواب ببساطه للحصول علي العزم اللازم لتحريك السياره وبعد كده بلغي العزم ده واحصل علي اقصي سرعه وده بيكون علي الخامس (الاوفر درايف) وهنا بتكون نسبه التخفيض اقل من 1 يعني كمان بزود سرعه الموتور
وعلشان تبقي مقتنع برضه بموضوع العزم ده العربيات النقل الكبيره بيبقي فيها عدد نقلات اكبر ليه؟ حسب الحموله لو فاضي بيطلع علي التالت ولو محمل نص حموله بيطلع علي التاني ولو محمل علي الاخر بيطلع علي الاول
الخلاصه
الي عليك بالنقلات انك تاخد منها عزم او سرعه
يعني انت علي الاول حركت العربيه ومشيت بتجيب التاني عايز تزود السرعه علي التاني بتدوس بنزين بتاخد اقصي عزم من الموتور علي التاني للتسارع وبعد متزيد السرعه بتحتاج التالت وهكذا والعمليه عكسيه ايضا
انما وانت علي التاني ممكن متنقلش بشرط انك متاخدش اقصي عزم من الموتور وتسيبه يدي العربيه سرعه بس(بطيئه طبعا)
ومن الاخر يتاخد عزم يتاخد سرعه يتاخد الاتنين وده الي بيسموه الحرق بس طبعا بيقلل من عمر المحرك الافتراضي

[hazem_khidr]

الغيار
هو وضع لترس مع عده تروس اخري لنقل الحركه من المحرك الي العجلات لتحريك السياره ويختلف عدد هذه التروس من سياره لاخري (في الغالب بيبقي 5 ممكن 4 زي زمان وممكن 6 وتقريبا بقي في 7 كمان) طيب هتقولي ايه لزمته وانا ليه بقعد انقل كل شويه؟
لان عندك المحرك بيطلع سرعه دورانيه ثابته وعاليه اقوي طيب هتقولي مدي حاجه كويسه ليه بخفض السرعه دي والجواب ببساطه للحصول علي العزم اللازم لتحريك السياره وبعد كده بلغي العزم ده واحصل علي اقصي سرعه وده بيكون علي الخامس (الاوفر درايف) وهنا بتكون نسبه التخفيض اقل من 1 يعني كمان بزود سرعه الموتور
وعلشان تبقي مقتنع برضه بموضوع العزم ده العربيات النقل الكبيره بيبقي فيها عدد نقلات اكبر ليه؟ حسب الحموله لو فاضي بيطلع علي التالت ولو محمل نص حموله بيطلع علي التاني ولو محمل علي الاخر بيطلع علي الاول
الخلاصه
الي عليك بالنقلات انك تاخد منها عزم او سرعه
يعني انت علي الاول حركت العربيه ومشيت بتجيب التاني عايز تزود السرعه علي التاني بتدوس بنزين بتاخد اقصي عزم من الموتور علي التاني للتسارع وبعد متزيد السرعه بتحتاج التالت وهكذا والعمليه عكسيه ايضا
انما وانت علي التاني ممكن متنقلش بشرط انك متاخدش اقصي عزم من الموتور وتسيبه يدي العربيه سرعه بس(بطيئه طبعا)
ومن الاخر يتاخد عزم يتاخد سرعه يتاخد الاتنين وده الي بيسموه الحرق بس طبعا بيقلل من عمر المحرك الافتراضي

عشره علي عشره يا جعيدي باشا لكن انا ليا تعليق:
ان اقصي سرعه بتاخدها من العربيه بيتبقي علي الرابع مش علي الخامس.
الخامس علشان يريح العربيه و يقلل استهلاك البنزين لانه بيقلل من لفات الموتور انما لو جيت تسحب بيه مش حيبقي بقوه الرابع مثلا

[محمد البحيري]

انا مع حضرتك يااستاذ حازم في ان استهلاك البنزين علي النقله الخامسه اقل من النقله الرابعه عند نفس الrpm زي مابتقول ال engine map ولكن ايضا اعلي سرعه عليه مع العلم ان فعلا زي محضرتك قلت اخر سحب العربيه علي الرابع لان الخامس ده اوفر درايف بيريح العربيه فعلا ولكن مبيديهاش عزم لان نسبه التخفيض فيه اقل من 1 يعني مبيخفضش علي عكس الرابع وباقي النقلات نسبه التخفيض اعلي من 1 وبالتالي بقدر اسحب بالعربيه لحد الرابع وبعدين اديها الخامس
يعني حضرتك علي الخامس زياده الضغط علي دواسه البنزين بيزود الrpm للمحرك وبالتالي بيزود سرعته وبما ان انا مش مخفض السرعه فبالتالي بتزيد سرعه العربيه معايا لحد ما الموتور يوصل لل
max rpm وده اخر العربيه