معلوماتي عن ال gps

[sshalaby]

اخواني الأحباء
بعدما سمعت عن توفير خدمة ال gps في مصر حبيت انقل لكم تجربتي معاه في السعودية

انا مقيم بالرياض وهي مدينة كبيرة جدا ومنظمة جدا لكني للاسف اتمتع بموهبة فريدة في التوهان لم ار مثلها

فقررت اشتري جهاز جي بي اس سعره معقول وبالفعل اشتريت جهاز تمنه 700 ريال ما يقابل الف جنيه وخمسين تقريبا

امكاناته كالتالي
اولا اريح من الموبايل لان ليه قاعدة ثابته للتثبيت في السيارة وانا بميل للتخصص

بعد ما تشغله بيحدد موقعك بالاقمار الصناعية وهو مدمج فيه خريطة دول الخليج كاملة
بتطلب منه البحث عن شارع او موقع
بيحدد لك المسافة والزمن اللازم للوصول اليه وتختار انت الطريق الاسرع او الاقصر او الامثل

وبعد كده بيديلك توجيهات صوتية لغاية ما توصل بالعربي والانجليزي
مثلا اتجه يمينا بعد كذا او استخدم مخرج الطريق السريع الخ......

ولو ماسك طريق طويل (جربته في الذهاب لمكة )
بيديك مواقع البنزينات والمستشفيات والخدمات واصلاح السيارة المتوفرة على الطريق
اول ما تجيب الجهاز بتحفظ عليه موقع بيتك ولو تهت في اي لحظة بتطلب منه ارشادك للوصول للبيت وبيوجهك ليه صوتيا

في امكانية حفظ اماكن معينة ( المفضلة ) للذهاب اليه في اي وقت
طبعا في اجهزة اغلى وفيها امكانات احسن من كده ومساحة شاشة اكبر
اتمنى اكون وصلت معلومات جيدة عن هذه الخدمة
تحياتي لكم جميعا

[sshalaby]

نسيت اقول ميزة ان الخدمة في الجهاز مجانا والخرائط بتيجي مدمجة معاه

[just_poss]

انا في قطر وكنت بدور على جهاز كويس ومتجرب.. الجهاز الي معاك اسمه ايه وتنصحني بيه ولا لأ؟؟ انا عامل الف ريال ميزانيه لجهاز Gps تنصحني بجهاز تاني في الحدود ديه بامكانيات اكبر وممكن يشتغل في مصر؟؟

[sshalaby]

انصحك بجهازين
garmin وسعره مبالغ فيه
mio وسعره معقول وهو اللي معايا والحمد لله مريحني جدا

http://www.mio.com/mea/products/default.asp

[asd7778]

جهاز الجى بى اس المتخصص احسن مليون مره من الموجود فى الموبايل فعلا

[Rembrandt]

جهاز الجى بى اس المتخصص احسن مليون مره من الموجود فى الموبايل فعلا

الموجودة فى الموبيل بتبقى غير دقيقة

[M.Mokhtar]

جهاز الجى بى اس المتخصص احسن مليون مره من الموجود فى الموبايل فعلا

الموجودة فى الموبيل بتبقى غير دقيقة

بيبقى حسب ال GPS reciver chip
وعلى حسب دقة الخرائط المستخدمه

عشان ده او ده بيستقبل معلومات فقط من الاقمار الصناعيه وبيترجمها على الخريطه

الفرق فى انه بيعمل update للمعلومات كل قد ايه؟
وبامكانه انه يتصل بكام قمر فى نفس الوقت
- محتاج على الاقل 3 اقمار عشان يديك الاحداثيات صحيحه الى حد ما
- محتاج 4 اقمار عشان يديلك الارتفاع صحيح الى حد ما (فوق الكوبرى ولا تحت الكوبرى)

وجوده الخريطه ودقتها ومعلومات الطرق متخزنه عليها ولا لأ