هل يمكن استبدال فريون R134-a ب فريون R-12؟

[Ahmad]

سلام عليكم,

أنا شحنت التكييف عندي بفريون R-12 عن طريق الخطأ. و المفروض أني أشحنه بفريون 134a.
هل يوجد ضرر علي أي جزء من دورة التكييف من استخدام ال R-12؟

[mrghost]

هو أكيد غلط طبعا بس معرفش ايه هو مدى الضرر
المهم ان حضرتك تروح تفرغ الفريون ده وتشحن من تانى الفريون بتاعها اللى مفروض يتشحن بيه

[Ahmad]

هو أكيد غلط طبعا بس معرفش ايه هو مدى الضرر
المهم ان حضرتك تروح تفرغ الفريون ده وتشحن من تانى الفريون بتاعها اللى مفروض يتشحن بيه

شكرا لردك
بس لو سمحت ممكن توضح غلط ليه بالضبط؟

[أبومعاذ]

حسب ما سمعت من الفني تغيير نوع الفريون بيأثر بشدة على الكمبريسور وممكن يحرقه

[Ahmad]

حسب ما سمعت من الفني تغيير نوع الفريون بيأثر بشدة على الكمبريسور وممكن يحرقه

هل المقصود هو استخدام 34 بدلا من 12 أم العكس؟

[ameersaeed]

الحل يا أخي أن تخرج الغاز 22 اللي ركبته
ثم تعيد تركيب 134
لأن 22 نوعه قديم وضار بالبيئة وتبريده غير جيد
أما 134 فنوع حديث وجيد للبيئة وتبريده ممتاز
وبالنسبة ل134 أيضا
فعليك أن تنتبه لأنه فيه ناس غشاشين بيستعملوا نوع صيني تعبان بيخرب جهاز التكييف كله
وعليك الحرص بأن يكون النوع الذي تستخدمه بريطاني أو اسباني أو أمريكي
ابحث مثلا عن نوع هوني ويل لأنه ممتاز جدا.

[amarakl]

سبب عدم أستخدام الفريون 134 مكان 12 والعكس ان الكمبروسور كده هيقفش وكمان الأويل سيلات هتتأكل لازم تغييره فورا وبلاش النوع الصينى لأنه مش بيبرد كويس

[MohabSaeed]

طيب هل فى طريقه الى بيها اتأكد ان الفريون الى عند الفنى 134 ؟
و ازاى اتأكد ان نوعه كويس !!!!

[sab3aawy]

كل فريون له خواص ترتبط بدرجة التكثف ودرجة التبخر يتم بناء عليها تصميم دورة التكييف بالكامل ، كما ان الفريونات قابلة للتفاعل مع بعض المواد لذلك يتم استعمال زيوت تزييت للكومبريسور تتوافق مع نوع الفريون ولا تتفاعل معه

استعمال نوع فريون غير مناسب لدورة التبريد قد يؤدى الى عدم تبخر الفريون بشكل كافى فى المبخر(كويل الصالون) مما يؤدى الى دخول قطرات فريون سائل الى حيز مكبس الكومبريسور مما يؤدى الى تدميره، فضلا عن اختلال اداء دورة التبريد بكاملها نتيجة لأن احجام السربنتينة والكومبريسور والكويل وصمام التمدد(الاكسبانشن) مصمم لتناسب معمالات الانتقال الحرارى لفريون اخر غير الموجود فى الدورة بطريق الخطأ ، كما قدر يتفاعل الفريون مع زيت الكومبريسور مما يؤدى لاختلا تركيبه وتدهور خواصه، الأمر الذى قد يؤدى الى (قفش) كباس الكومبريسور او كسر احد اجزائه

المجمل ان اضافة فريون مختلف عن الفريون الأصلى الى دورة التبريد مسألة تحمل قدرا غير محسوب من المخاطرة، قد لا تحدث بشببها مشكلة وقد تحدث بسببها مشكلة على المدى القصير وقد تحدث بسببها مشكلة على المدى المتوسط ، لذلك فان الأسلم هو تفريغ الدورة بالكامل وتفريغ الكومبريسور من الزيت واعادة ملئ الكومبريسور بالزيت المناسب ثم شحنه بالفريون المناسب له

[Ahmad]

سلام عليكم,
أنا فعلا قمت بتفريغ الفريون و اعادة شحن دورة التكييف بفريون 134a.

شكرا لمشاركتم جميعا.

[wesam_salom]

سلام عليكم,
أنا فعلا قمت بتفريغ الفريون و اعادة شحن دورة التكييف بفريون 134a.

شكرا لمشاركتم جميعا.

اتكلفت كام شحنها بالكامل

[Ahmad]

150 جنية.

[dr_walid]

where? can you tell the place
thanks

[Ahmad]

المحل اسمه "تكييف ساندن" , صاحبه اسمه م/محمد.
العنوان: خلف مسرح البالون بالعجوزة.
انزل من كوبري أكتوبر منزل العجوزة علي الكورنيش و امشي لحد ماتلاقي كوبري 15 مايو قدامك بالعرض, و مسرح البالون علي شمالك.تحت الكوبري يوجد شارع شمال اللي بيروح علي ميدان سفنكس, قبل الشمال دة في يو تيرن بيرجع تاني بحيث ان مسرح البالون يبقي علي يمينك.
ادخل أول يمين بعد المسرح و كمل هتلاقي مطب صناعي في اخر الشارع . عدي المطب و كمل علي طول في الشارع الواسع قدامك هتلاقيه علي الشمال.

معلش انا مش عارف اسم الشارع. علشان كدة بوصف بالتفصيل.

[wesam_salom]

150 جنية.

شكرا على الافاده