هل الزيت لة مدة صلاحية ؟؟؟؟؟؟؟

[max_ziro]

انا امبارح نزلت غيرت الزيت و حطيت شل الترا 10000 و طبعا حسيت بفارق ف النعومة و صوت المتور هدى
بس اظن ان دة العادى نتيجة تغيير الزيت
المهم يعنى ببص على العلبة عشان اقرى الى عليها و عجبنى ان شكلها نضيف و عليها علامة فرارى و حجات كدة ملهاش لزمة
المهم لقيت انها انتاج مليزى مش مصرى ازاى معرفش المهم كمان ان تاريخ انتاجها من 2005
طب يا ترى دة كدة عادى ولا كدة مدة صلاحيتة انتهت ؟؟؟؟؟
...............
شكرا مقدما .....

[samirayad]

انا امبارح نزلت غيرت الزيت و حطيت شل الترا 10000 و طبعا حسيت بفارق ف النعومة و صوت المتور هدى

الزيت شيل هيلكس ألترا ( زيت synthitic ...أى قاعدته صناعيه وليست من أصل بترولى )......ومدى لزوجته بتعمل فى المدى من 15w50 ( أى أن لزوجته وهو بارد بدرجة لزوجه 15 .......ودى بتعادل درجة لزوجه مقاسه بالسنتى أستوك عند 100 درجه مئويه من 4.85 الى 7.45 أى أن ده مدى لزوجة الزيت عند 100 درجه ).............وده اللى أنت حاسيته أول تشغيل المحرك ( أى نعومه فى الآداء )

بس اظن ان دة العادى نتيجة تغيير الزيت

نعم قد يكون عاديا ......وهذا يعتمد على الزيت القديم ........وأيضا نوعيته ( لأن الزيت أساسا لزوجته بتزيد مع أرتفاع الحراره ).............واللى بيحصل معانا لما اللزوجه بتقل وقت الغيار (على أساس بتكون لزوجة الزيت قلت فى نهاية عمر الزيت المقرره ) بيكون بسبب أنفصال الزيت الأساسى عن الأضافات اللى كانت موضوعه فى الزيت وقت تصنيعه فى معامل خلط الزيوت......بسبب الأحماض والأكسده بسبب نواتج الأحتراق وهكذا..................

المهم يعنى ببص على العلبة عشان اقرى الى عليها و عجبنى ان شكلها نضيف و عليها علامة فرارى و حجات كدة ملهاش لزمة
المهم لقيت انها انتاج مليزى مش مصرى ازاى معرفش المهم كمان ان تاريخ انتاجها من 2005

دخلنا بقه فى النقط الحساسه

طب يا ترى دة كدة عادى ولا كدة مدة صلاحيتة انتهت ؟؟؟؟؟

شوف ......أنا لسه مخلص دوره فى الزيوت ........وبالفعل سألت المهندس بتاع الشركه عن النقطه دى بالذات ........فأفاد بأن ده عادى ..........وبينى وبينك أقتناعى غير كامل بقوله نحو أمتداد فترة الصلاحيه وفيه اللى بيقول عادى وهكذا.....لأننا مانضمنش التخزين والتداول كان عامل أزاى(لأننى بطبيعتى موسوس شويه ...ولازم أكون مقتنع كليا بمايقال لى ......طبيعه بقى )........واليك مبرراتى نحو الوسوسه ..........يعنى ليه أنا بأفضل الزيت ذو تاريخ الأنتاج الجديد فى أى حال من الأحوال.............

_ الكلام اللى حأقولهولك الآن من داخل كتاب ....وزعوه علينا وأحنا بنتدرب.......

_ تحت عنوان (تداول الزيوت وتخزينها )

_ بالنسبه للعبوات الصغيره مثل الجالونات والصفائح واللترات......الخ فيلزم تخزينها بعيدا عن تأثير الحراره والعوامل الجويه الأخرى وذلك لشدة تأثر العبوات بالحراره والرطوبه...........

_ لذا يلزم توفير حيز مغطى لتخزينها به ويراعى عند نقل كميات كبيره من هذه العبوات العنايه الخاصه وذلك بأستخدام الونش ذى الشوكه أو نقلها من موقع لآخر بواسطة السيور أو الحصائر الناقله ......

_ طبعا لو دققنا فى كلامهم جيدا ....على الرغم من الأخ المهندس ده قاللى أن صلاحية الزيت ممكن تمد من 4 الى 5 سنوات بعد أنتاجه.........

_ علشان كده من وجهة نظرى المتواضعه .....كل ماكان تاريخ أنتاج الزيت جديد كل ماكان أفضل لصاحب السياره ..........

_ بسبب المقطع اللى أن نقلته من كتابهم عاليه ........بالأضافه الى أن عملية تصنيع الزيوت بتعتمد فى الأساس على نظرية الخلط ( يعنى فيه معامل خلط هي اللى بتصنع الزيوت )..........والخلط ده لأنتاج المنتج النهائى وهو الزيت بيكون بين ( الزيت الأساسى سواء من أصل بترولى أوصناعى + أضافات بتوضع للزيت للحصول على آداء معين مطلوب من الزيت )...........

_ فى الحقيقه أنا عارف أن مواضيع الزيوت قتلت بحثا من جانب الأخوه فى المنتدى ..........ولكن وجدت أنه من الأمانه عليا أن أأقول الكلمتين دول ...........يمكن يكونوا جداد

[eltorky]

انا امبارح نزلت غيرت الزيت و حطيت شل الترا 10000 و طبعا حسيت بفارق ف النعومة و صوت المتور هدى
بس اظن ان دة العادى نتيجة تغيير الزيت
المهم يعنى ببص على العلبة عشان اقرى الى عليها و عجبنى ان شكلها نضيف و عليها علامة فرارى و حجات كدة ملهاش لزمة
المهم لقيت انها انتاج مليزى مش مصرى ازاى معرفش المهم كمان ان تاريخ انتاجها من 2005
طب يا ترى دة كدة عادى ولا كدة مدة صلاحيتة انتهت ؟؟؟؟؟
...............
شكرا مقدما .....

باشا ممكن تقولي جبت شل الترا 10000 بكام ؟ وهل هو فعلا بيستحمل و بيبقي نظيف بعد العشر تلاف كيلو دول ولا موبيل وان أحسن ولك جزيرر الشكر

[KIA_SEPHIA_2001_K]

شل الترا 10000 عامل 250 جنيه بتغير الفلتر طبعا

انا كنت بستخدم موبيل وغيرت لشيل وقولت لماكس عليه وانا شايفوا كويس

هوا برضوا يقدر يفدكوا اكتر بالتافصيل

[max_ziro]

هو فعلا جمييا تنت ملاحظ نعومة ف العربية انا لحد دلوقتى عمنلت علية 400 كيلو فقط ف ملحقتش اعررف هو فعلا يستاهل ولا لا
بس بعد ما عصام نصحنى بية عن تجربتة لية ف جربتة ..
و شكر كبيييييييييير قوى للاستاذ..samirayad.. ولله كلامك اكتر من ممتاز بس حظرتك شايف انى ارجع للراجل اخلية يغيرهةلى ولا اخلية مع العلم انة صناعة مليزى مش مصرى ولا اغيرة و مش فارقة مصرى من مليزى ..
و شكرا جدا لحضرتك ..

[samirayad]

و شكر كبيييييييييير قوى للاستاذ..samirayad..

الله يخليك.......

بس حظرتك شايف انى ارجع للراجل اخلية يغيرهةلى ولا اخلية مع العلم انة صناعة مليزى مش مصرى ولا اغيرة و مش فارقة مصرى من مليزى ..

طيب أيه أخبار الزيت بعد ال 400 كم دول .........وأنا عارف أنى دخلت نفسى فى مزنق شويه ( بس أنا بأحب أفول اللى أعرفه ........) وطبعا متخليش كلامى يقلقك برضه ( لأن الزيت ممكن يكون كويس .....للأسباب اللى قولنا عليها فوق ) طريقة تخزينه وتداوله كويسه مثلا .................................

_ وحاليا عاوزك تتابعه بعنايه كل ما تعمل مشوار طويل ...........وحاول برضه تكشف عليه وتشوف أحواله ( بمجرد النظر ) اللزوجه حلوه .....معدل تغير اللون معقول وهكذا.............................

[Lion_Heart]

اللى اعرفه ان شل الاصفر (معدنى ) صلاحيته فى العبوة 6 سنوات كنت قرأتها على عبوة من قبل

[samirayad]

طالما أنت شوفت الصلاحيه بعنيك .......يبقى خلص الكلام....علما بأننى مغير موبيل 1 ومكتبش أى صلاحيه ......مجرد تاريخ الأنتاج

_ ولكن أنصح كل زميل بأن يراعى دائما شراء الزيت ذو تاريخ الأنتاج الحديث بقدر الأمكان ......لما ورد فى الموضوع..........اللى أنا ناقله من كتاب الشركه .....ويادوب شوية أضافات من عندى .....على ملاحظاتى...............

_ ودى وجهة نظرى برضه ........وحخللى بالى منها بأستمرار

[mo7a_mo7a]

اول انا احب اشكر الباش مهندس سمير عياد علي الشرح والاهتمام
لكن كرايي الشخصي ان الزيت صلاحيته تمتد لاكتر من 4 سنوات ومعتقدش ان حيجراله حاجة
مبروك عليك الزيت وتعيش وتغير والمرة الجاية خد بالك بردو اضمن

[samirayad]

لكن كرايي الشخصي ان الزيت صلاحيته تمتد لاكتر من 4 سنوات ومعتقدش ان حيجراله حاجة

_ ماهو ده كلام مهندس الزيوت فعلا .......طيب وأنا ليه .....لا أراعى شراء الزيت حديث الأنتاج بقدر الأمكان ....................لأن ده فى صالحى

_ وكده كده .......أنا حدفع ثمن الزيت بالكامل ( سواء جديد أو قديم الأنتاج ).....برضه دى وجهة نظرى للأسباب اللى قولنا عليها فوق

[onsi]

فى تاريخ اكسباير على كل علبة او عبوة بالتأكيد

[max_ziro]

صح ولله كلامك مظبوط
انا فعلا قلبت العلبة يمين و شمال و ملقتش اى تاريخ انتهاء للصلاحية
و إن شاء الله بكرة اول منزل هبص على الزيت ..
شكرا يا جماعة لردودكم و اهتمامكم
و خصوصا الاستاذ سمير ..

[max_ziro]

فى تاريخ اكسباير على كل علبة او عبوة بالتأكيد

للاسف
لا
تاريخ انتاج بس ..

[samirayad]

فى تاريخ اكسباير على كل علبة او عبوة بالتأكيد

أنا دورت فعلا على الـــــــــــ expire date ومش موجود ........حشوف تانى ( يمكن أنا ماشوفتوش ).......طالما أنت شوفته

_ وعلى فرض جدلا أن هما بيكتبوه .......ماذا يمنع من شراء الأجدد أنتاجا......................

_ على فكره أنا متأكد أن تاريخ أنتهاء الصلاحيه كان مش مكتوب وأنا بغير الزيت من حوالى 3 شهور ......وكل اللى مكتوب تاريخ الأ نتاج

_ وأعتقد مش حيكونوا كاتبينه ......علشان ده ليس دواء.......... ولا يهمهم الا البيع ....ولم الفلوس وخلاص

[samirayad]

للاسف
لا
تاريخ انتاج بس ..

طالما أنت رديت يبقى خلاص مش نازل أشوف العلبه (لسه موجوده عندى تحت العماره فى الجراج ).... ......أنا كنت لسه حنزل الجراج عندى وأشوف .........بس ردك ده خلانى أطمنت شويه على ذاكرتى.....وكده فعلا هو مش مكتوب