wax trutle

[ehab4367]

يا اخوة انا شوفت شمع بالاسم دة للسيارات
ممكن حد يقولى طريقة استخدامة وفايدتة الاساسية؟؟؟؟
مع الشكر

[ehab4367]

<<<<<<<<<<<<<<<<<<<<<<<<<<

[ahmad7610]

wax ده معناه شمع للسيارات .. و turtle ده الشركة المنتجة .. وهى من أشهر الأنواع ...
--
فى عدة ماركات لل wax فى مصر زى ArmorAll و Turtle و Formula1
-
ال wax ده بقى شمع علشان يحمى دهان العربية من الجو و عوامل الطبيعة المختلفة .. علشان الدهان يحتفظ بلمعته أكبر فترة ممكنة .. و الشمع بيعمل طبقة فوق الدهان الأصلى تساعد على اللمعان وفى نفس الوقت تحميه
-
يستخدم الشمع باسفنجة بتيجى مع علبة الشمع نظف العربية جيدا الأول ..وبعدين تأخد من الشمع بيها و بشكل دائرى تغطى العربية كلها .. وبعد 3-5 دقايق تمسح بفوطة نظيفة اللى باقى من الشمع ..يفضل تشميع العربية كل 5-6 شهور ....
-
وفى ناس مش بتشمع خالص .. دى بترجع لصاحب العربية واهتمامه بيها ..
-------------
حضرتك دور فى المواضيع فى القسم التعليمى .. حتلاقى مواضيع بالصور

[Yarisawy]

متهيألى احمد قالك كل حاجة ... انا بس كنت عايز اعرف حضرتك شفته النوع ده فين ... عشان انا بدور عليا كارفور وكار كيت ومش لاقيه بقالى شوية

[ehab4367]

مرسى يا احمد باشا
النوع دة جبتة من اكسسوار محطة بنزين(التعاون)

[ahmad7610]

العفو على ايه ... لو عايز معلومات أكتر ابحث فى ال google عن carnuba wax و كيفية تشميع السيارة .. فى موضوع مميز للاخ nader مثبت فى القسم ده ..
-
شخصيا باستخدم .. armorall wax كل 6 شهور و كل أسبوع أو أتنين بأغسلها ب formulla 1 wash&wax السائل ... و للاسف شوارعنا مش حترحم العربية بعد الاهتمام ده .. حسب كلام الخبراء .. الاهتمام ده فى أول سنة بس .. بعد كده بعد ما الشوارع تعلم عليها صح .. حيقل الاهتمام ده .. وأنا فاكر أخر مرة شمعت العربية القديمة كان من سنتين تقريبا ..

[ehab4367]

عملت العربية بالشمع وعشان امسحة طلع عينى
والعربية ادعكت فى نفس اليوم

[aid904]

انا بأعمل الواكس دة من فترة طويله وفي الحقيقه أنا شايف أن فائدته الحقيقيه مش الحفاظ على السيارة من الخرابيش البسيطه أهميته الحقيقيه في الحفاظ على لون السيارة من البهتان بسبب الشمس يعني لو انت مداوم على الواكس عربيتك عمرها ما هيبهت سقفها زي ما بنشوف