اية المطلوب انى اراجع فى العربية

[fady.bekatcho]

معلش يا جماعة انا جديد فى حوار العربيات وما عنديش خبرة

العربية دلوقتى معايا بقالها حوالى 6 شهور وعاملة 4500 كيلو

انا غيرتلها زيت بس


الى الى مفروض اراجعة فيها كل شوبة

وامتى املى الكاوتش وكدة يعنى

[A.Saad]

بص على الزيت كل اسبوع
بص على مية الردياتير والزيت الفرامل

الكاوتش كل 3 اسابيع اكشف على الضغط بتاعه وكمان الاستبــــــــــــــــــن

كل ما تخرج تبص عليه تشوفه مريح ولا كويس

الزلط اللى فى تجاويف الكاوتش المفروض تشيله بمفك رفيع

[fady.bekatcho]

اولا طبعا مشكور على ردك

معلش اشوف مية الردياتير والزيت الفرامل ازاى

معلش هو سوال غبى شوية ;d بس اسال اخواتى احسن ما اسال حد غريب

والكاوتش ظبطة على كام احسن

[A.Saad]

الى فاهمه ان عربيتك زيرو
اقرا الكتالوج كويس يا ريت
كمان اقرا القسم التعليمى وقسم الشيفرولة

بص يقى
المياة
فيه عندك علبة شفافة فيها سائل احمر او اخضر
دى اسمها القربة ودى بتدى مياة للردياتير
هتلاقى علامتين
يبينوا الحد الاقصى والادنى للمياة
المفروض متعدهمش

الزيت
والعربية واقفة مش شغالة ومش فى مطلع او منزل
هتلاقى زى دبلة لونها اصفر او احمر
اسحبها
دى مقاس الزيت
نشفه بفوطة او منديل
وحطه تانى للاخر واسحبه
هتلاقى اثار الزيت
برده بين علامتين

ضغط الكاوتش
مالوش تعليمات محددة
ارجع للكتالوج هتلاقيه كاتب تظبط على كام
او
اسفل القايم اللى جنب باب السواق هتلاقى مكتو ب

يا ريت تكشف عنه فى اقرب وقت

انا فى الهرم
لو تحب تقابلنى اوريك عملى مفيش مانع