حساس الأكسجين ......كلاكيت تانى مره

[Sharaf2009]

كده الكلام عشره على عشره ياريت بقه تفهمنى ( أزاى كمية الوقود حتبقى أكتر من كمية الهواء ) آه أن معاك المعنى بتاع الغنى ماشى الحال ........بس ياعنى لو كانت كمية الهواء اللى داخله كنسبه بالحجم 14.7 يبقى الوقود 20 بالحجم (طيب تيجى أزاى دى )......وتقريبا أنت أخدت الحته اللى عاجباك فى التحليل .....وماأخدتش بالك من الباقى فى كلامى ( لأن ده منتدى تعليمى .....وعاوز أتعلم ).........المفروض يبقى الكلام أن الحيود فى النسبه بالحجم بتاع التمام لحرق الوقود بالنسبه للهواء هى اللى بتزيد ....يعنى بتصل ل5 .....بحيث يكون الحريق فى الحاله دى شغال بنسبة 14.7 : 5 مثلا ( يعنى كل 14.7 جرام هواء بيحرقهم 5 جرام بنزين ).....وأكتر من كده أعتقد أنه غير طبيعى .....

_ أما موضوع ال open lopop And closed loop

فده معروف واللى بحدده وحدة التحكم بناء على الظروف التشغيليله اللى بيمر بها المحرك ( هل فى بدء الدواره ولا فى التسارع ولا ولا لا ) .....فده الوحده بتحدده بناء على وضع تشغيللى معين

بشمهندس سمير اولا صباح الخير...

أزاى كمية الوقود حتبقى أكتر من كمية الهواء؟

هى مش بالمعنى اللى حضرتك فهمته بالمره: الموضوع ببساطه انها نسبة بالوزن بين كمية الهواء اللى دخلت المحرك (واللى بتعتمد أساسا على وضع قدم السائق - درجة حرارة وكثافة الهواء) وكمية البنزين اللى تم حقنها بالرشاشات. وحدة التحكم متخزن فيها علاقه بين جهد الحساس (من صفر الى 1) وبين lambada factor او معامل لامدا اللى بيحدد اذا كان المخلوط غنى او فقير. من خلال قراءة الحساس بيتم تحديد قيمة معامل لامدا. لو المخلوط مثالى (يعنى جهد الحساس تقريبا عند 0.45 فولت) قيمة معامل لامد تبقى واحد . أى تغيير فى قيمة قراءة الحساس زى ما شرحت فى رسالتى اللى فاتت هايترجم بواسطة وحدة التحكم اما مخلوط غنى او فقير ...وبالتالى كمية الوقود هاتتغير علشان تعوض الفرق ده.

لو حضرتك قريت رساله الاخ: l0new0lf هتلاقى الموضوع ده مشروح باستفاضه

شكرا

[samirayad]

بشمهندس سمير اولا صباح الخير...

صباح الفل ياباشا.............

أزاى كمية الوقود حتبقى أكتر من كمية الهواء؟

كده أشكرك ....على التوضيح

هى مش بالمعنى اللى حضرتك فهمته بالمره: الموضوع ببساطه انها نسبة بالوزن بين كمية الهواء اللى دخلت المحرك (واللى بتعتمد أساسا على وضع قدم السائق - درجة حرارة وكثافة الهواء) وكمية البنزين اللى تم حقنها بالرشاشات. وحدة التحكم متخزن فيها علاقه بين جهد الحساس (من صفر الى 1) وبين lambada factor او معامل لامدا اللى بيحدد اذا كان المخلوط غنى او فقير. من خلال قراءة الحساس بيتم تحديد قيمة معامل لامدا. لو المخلوط مثالى (يعنى جهد الحساس تقريبا عند 0.45 فولت) قيمة معامل لامد تبقى واحد . أى تغيير فى قيمة قراءة الحساس زى ما شرحت فى رسالتى اللى فاتت هايترجم بواسطة وحدة التحكم اما مخلوط غنى او فقير ...وبالتالى كمية الوقود هاتتغير علشان تعوض الفرق ده.

لا الكلام معناه كده ....وأى قارىء مش واخد باله ممكن يفهمها كده .......

لو حضرتك قريت رساله الاخ: l0new0lf هتلاقى الموضوع ده مشروح باستفاضه

ماهو أنا مفهمتش كلامه ( وأقرا تعليقى ليه ....علشان أحنا فى المنتدى ......مش فى كليه مثلا وقاعدين فى المدرجات والمنتدى بتاعى وبتاعكم بس .....وعاوز أفهم علشان السن له حكمه برضه هههههههههههههه )........والحمد لله أنت قمت بالواجب وطمنتنى على فهمى برضه ( لأن القارىء العادى ممكن أن يخدع فى النقطه السحريه دى )........................

[Sharaf2009]

دا حضرتك صاحى مزاجك رايق خالص ....واضح انك فاطر وشارب الشاى كمان....

بص حضرتك عى المنحنى ده تانى هاتلاقيه بيلخص الموضوع كله وعلى فكره هو ده المنحنى اللى بتشتغل عليه وحدة التحكم:

[Sharaf2009]

الكلام ده الصراحه أنا مش فاهمه ( أصلى عجزت شويه ....44 سنه تقريبا ......وتقريبا نسيت موضوع الكليه والتخرج وخلافه )........ويمكن المسنوى هبط فى الE ( بغض النظر دا كلامك ولا ناقله من مرجع أو محاضره معينه )......علشان كده طلبت من أخونا SHARAF يفهمنا الموضوع اللى أقصده علشان الراجل بيتكلم عربى زينا.........علما بأنك كنت بتتكلم معانا عربى الأول ....ومش عارف ليه تحولت للأنجليزى ( دا أنا من الناس اللى بأفك الخط فى الأنجليزى ......وحتلاقى زملاء كتير عاوزين يتعلموا ويعرفوا مثلى بالعربى ) ......

_ دا الأرض بتتكلم عربى .......على رأى سيد مكاوى ......والنبى ( ص) عربى .........!!!!!!!!!!!!!!!!!!

انا باتفق مع المهندس سمير فى ان المعلومه ياريت تكون مبسطه وكمان بالعربى علشان نحقق اكبر استفاده لاعضاء المنتدى.....ده ما يقللش ابدا من القيمه العلميه لرد l0new0lf اللى باكرر شكرى وكامل احترامى ليه

[samirayad]

دا حضرتك صاحى مزاجك رايق خالص ....واضح انك فاطر وشارب الشاى كمان

والقهوه بتتعمل كمان ......أتفضل معانا.....ههههههههه

بص حضرتك عى المنحنى ده تانى هاتلاقيه بيلخص الموضوع كله وعلى فكره هو ده المنحنى اللى بتشتغل عليه وحدة التحكم:

شوف أولا أنا ميكانيكا باور ........خريج 1988 ( أمتياز مع مرتبة الشرف )........وكنت معيد فى ال FLUID MECHANICS .......وحاليا باشتغل فى المحركات البحريه وخلافه وسيبت السلك الأكاديمى لأننى بأحب الجانب العملى تماما ( بأحب أحصد ثمار ماتعلمته )..............

_ وطبعا كلامك على المنحنى صح ( ومأقدرش أأقول حاجه عنه .....على رأى ليلى مراد )...........

_ بس أحنا فى منتدى والحوار مش محصور بينى وبينكم ......دا منتدى عام ......يبقى لازم تكون التعليقات فى صوره مبسطه يفهمها القارىء العادى ......وأنا قارىء عادى يا هندسه .........

_ دا أنت لو قريت مواضيع لأخونا المهندس : خالد سبعاوى ......حتلاقيه مبسط الأمور جدا ( دا حتى فى أحد المواضيع عجبنى أوى أسلوبه فى العرض .....وشبه دورة حريق فى أربع سلندرات .....بأربع حقن عاديه )...............

_ علشان كده من وجهة نظرى المتواضعه .......أن هو ده المفروض ......

_ تبسيط لغة التحاور .....لأن الكلام على عربيات .....مش برامج سوفت وهارد وير .................وعذرا وجب التنويه

..

[samirayad]

شوف حته العنوان بتاعى .....كلاكيت تانى مره .....يعنى نظام أفلام ..........

[Sharaf2009]

بشمهندس... شكرا لمعرفة حضرتك

انا سبقتك واشارت الى ان الردود لازم تكون سهله ومبسطه...

ولكن.....أجيال السيارات الحديثه بما تحتويه من تكنولوجيا معقده ...كونترول...الكترونكس...وخلافه ...بيتطلب شويه عمق فى المعلومه...ولاحظ حضرتك ان ده قسم علمى....وعلى فكره المجال ده مهما درسنا وقرانا فيه ....هانفضل نعرف قشور عنه لان الحقيقه أعقد مما نتصور

[samirayad]

معلوماات مفيده جدا يا بشمهندس سمير
بس انا عربيتى كربيراتير مش انشجكشن فهل يبقى فيها الحساس ده ولا لأ ؟
معلش تاعبك معايا

الله يخليك يادكتور .........وشكرا على زوقك

_ طيب ياريت تقولنا بيانات العربيه ......والموديل ....

_ وأعتقد ممكن يكون موجود عندك غالبا ( لأن ليا صديق معاه عربيه فيات تيبو .....وعربيته هاف أنجكشن وعنده الحساس ده راكب على نهاية فرن الشكمان ).......

[samirayad]

بشمهندس... شكرا لمعرفة حضرتك

ياباشا انا اللى سعيد بيك وبكل الزملاء الأعزاء

انا سبقتك واشارت الى ان الردود لازم تكون سهله ومبسطه...

دايما سباق بالخير ياباشا ......هى دى ثورة الشباب.............هههههههههه

ولكن.....أجيال السيارات الحديثه بما تحتويه من تكنولوجيا معقده ...كونترول...الكترونكس...وخلافه ...بيتطلب شويه عمق فى المعلومه...ولاحظ حضرتك ان ده قسم علمى....وعلى فكره المجال ده مهما درسنا وقرانا فيه ....هانفضل نعرف قشور عنه لان الحقيقه أعقد مما نتصور

ما أنا عارف أنه تعليمى .......بس مش كلنا قاعدين فى المدرجات ( ههههههههه )............

_ بس عاوز أقولك على حاجه ........من وجهة نظرى المتواضعه ....أنه منتدى تعليمى للغلابه اللى مثلى فى صوره مبسطه للغايه ( يعنى مش نظام شيتات وسكاشن وخلافه )..........يعنى النبى (ص) عربى...................ههههههههههههههههههههه

[Sharaf2009]

صلى الله عليه وسلم

[samirayad]

صلى الله عليه وسلم

_ عليه الصلاه وأفضل السلام.........

[for_ever]

عايز اشكركم جدا علي الافادة و خصوصا باشمهندس سمير
ربنا يكتر من امثالكم

[samirayad]

ياياشا الله يخليك ......ومشكور على المرور الطيب

[فادى محمد]

السلام عليكم .. ازيك يا ا سمير . هو انا يا باشا عندي حساس الشكمان ده في الفيكترا ولا لا ؟

[samirayad]

شوف يا أخويا : فادى ......المفروض بيكون موجود فى معظم العربيات الحديثه ( أن لم يكن معظمها ) وذلك بهدف ضبط نسبة الهواء للبنزين للوصول الى الحريق المثالى 14.7 : 1 ..وعموما ممكن تبص على نهاية فرن الشكمان ( بيكون موجود فى منطقة صاجة الفرن ) لو لقيت صباع راكب وعليه سلك كهربى يبقى ده الحساس ...........................وممكن ترفع صوره للمنطقه دى عندك ونشوفها سواء لو تحب .........