حساس الأكسجين ......كلاكيت تانى مره

[samirayad]

مساء الخير
حقيقى جهد يستحق الأحترام

مساء الفل عليك يا أخى............وشكرا لزوقك

انا عندى عربية اوكتافيا a4 والماتور لاحظت انة بيعمل حاجات غريبة جدااا ... يعنى وهية دايرة وواقفة الاقى ال rpm
يعلى ويوطى لوحدة والماكنة تتهز جامد .

أنصحك طبعا فى البدايه بالأطمئنان على البوجيهات ....وتكون الشراره اللى واصلالها متساويه فى القوه والأربعه زى بعض...............وفى نفس الوقت نظافة بلف الأيدل كنترولر (المسئول عن ضبط هواء السلانسيه)..........وفى الحقيقه أنا غير مقتنع بالرأيين اللى حضرتك نوهت اليهم ..........أولا لأن الكمبروسور صعب أوى يخللى المكنه ترعش أو تترج كده ......دا غير أن كلاتش الكمبروسور بيكون مفصول قبل طلب التكييف وأكيد أنت جربت الدواره بدون طلب التكييف بعدها بشويه (يعنى جربت السلانسيه بدون تكييف )...........أما موضوع حساس الأكسجين فملوش دخل بالحاله دى...........وياريت برضه تطمن على نظافة فلتر البنزين علشان جزئية التنك والبنزين ....وبرضه أكشف على فلتر الهواء أو غيره

[Eng. Ekramy Hamdin]

جزاك الله خيراً

[ameersaeed]

جهد عظيم..مشكور ومأجور بإذن الله تعالى
وبارك الله أوقاتك

[samirayad]

جزاك الله خيراً

الله يخليك.....

جهد عظيم..مشكور ومأجور بإذن الله تعالى
وبارك الله أوقاتك

شكرا أخى الفاضل : أمير

[ahmed_h_g]

الف شكر يا هندسه عالموضوع الكبير ده

[عصام غنايم]

الف مليون شكرا على المجهود والوقت الكبير

سؤال سريع
انا غيرت حساس الشكمان لانه بدون سبب واضح باظ المهم لمبة الشيك معديتش بتنور بعد التغيير بس اعرف منين ان الحساس اللى انا جبته اصلى وظابط العربيه مش مضروب ملحوظه ( العربيه ماشيه ذى الفل لانوس 2008 استهلاك البنزين 190 كيلو الصفيحه جوه البلد وانا سواقتى اكترها جرى

[samirayad]

بس اعرف منين ان الحساس اللى انا جبته اصلى وظابط العربيه مش مضروب ملحوظه ( العربيه ماشيه ذى الفل لانوس 2008 استهلاك البنزين 190 كيلو الصفيحه جوه البلد وانا سواقتى اكترها جرى

شوف ياعصام باشا

طالما الأستهلاك معقول بالشكل ده ( جوه البلد )

وآداء السياره تمام من ناحية السحب وخلافه

يبقى الحساس الجديد يعمل بكفاءه ( أصلى يعنى )

[samirayad]

الف شكر يا هندسه عالموضوع الكبير ده

الله يخليك يا أبو حميد
وشكرا على مرورك الطيب

[hesham22822]

موضوع جميل بجد يا باشمهندس سمير و لك الشكر

[samirayad]

الله يخليك
باشمهندس / هشام

[samirayad]

موضوع فيه كلام جيد حول حساس الأكسجين

حبيت أضيفه هنا علشان أما أحتاج أليه

http://www.nilemotors.net/Nile/144405-check.html

[amooor22]

الله ينور يا هندسه
مقال اكثر من رائع

[abo_lamar]

سبب ان لمبة التشك دايما بتنور عندي على السرعات العالية هو الحساس ده.. ده معناه ايه ؟ انه لازم يتغير ؟؟؟

[m_mekkawy]

ياريت بس لو سمحت تقول وطيفة الحساسين اللى بيكونو فى الأنترا الـ 2000Cc فوق على امتداد هوز عمة الهوا وبعد بوابة الأنجكشن.

[samirayad]

الله ينور يا هندسه
مقال اكثر من رائع

الله يخليك

سبب ان لمبة التشك دايما بتنور عندي على السرعات العالية هو الحساس ده.. ده معناه ايه ؟ انه لازم يتغير ؟؟؟

مش شرط أنه لازم يتغير

ممكن يكون عيب فى كفاءة أتصال نصفى الفيشه ( الدكر والنتايه ) بتوع الحساس ده

بتفصل ساعات مع السرعه العاليه وبكده اللمبه بتزغللك مع السرعه
ويكون الحساس أساسا سليم