لو سمحتوا يا جماعة للضرورة يعني ايه الcc؟ و هل هو ده المرتبط باستهلاك البنزين؟؟؟

[rony_hosny79]

السلام عليكم
سؤال سهل وبسيط لجميع اعضاء المنتدى المالكي للسيارات
من فضلكم يعني ايه الCC؟ لاني اسمع انه مرتبط بمدى استهلاك العربية للبنزين وبعد اذنكم انا بفاضل بين اكتر من عربية لشرائها عالزيرو اي عربية ترشحولي من بين الاتي من حيث (استهلاك البنزين) و (توفر قطع الغيار ورخصها) مع توضيح الCC الخاص بكل سيارة:
(1) سوزوكي ألتو.
(2) بيكانتو.
(3) شيفروليه سبارك.
انا لما فتحت موقع contactcars لقتيهم كاتبين جنب بيكانتو Basic ممكن افهم ايه قصدهم بالكلمة دي لانهم مش كاتبين جنبها اي كماليات غير الكلمة دي.
ولكم جزيل الشكر والامتنان.

[blazer]

ال Cc
رمز يرمز الى حجم غرفه احتراق المحرك الداخليه و تقاس ب ال سنتيمتر المكعب Cubic Centimeter
يعنى عربيه 1000cc يبقى حجم غرفه الاحتراق بتاعتها اصغر من عربيه 1600ccو استهلاكها للبنزبن اقل وبناء عليه القوه المستخرجه من محركها واللى بتتقاس ب ال Hp الهورس باور ,والعزم Torque بيبقى اقل
كلمه Basic يعنى اول اوبشن فى العربيه

[rony_hosny79]

بجد انا متشكرة لحضرتك جدا على اهتمامك وردك لانك بجد الوحيد اللي رديت وافدتني واذا معلش عندك فكرة اي عربية ترشحهالي هكون شاكرة اكتر.

[blazer]

لا شكر على واجب :)
البيكانتوا متاورها 1.1l و ب 55 الف
الشيفروليه سبارك 1.0l, و ب 52 الف
السوزوكى التو ال 800 Cc ب45 الف و ال 1.1 L ب 50 الف
دى اسعار تقريبيه لاول اوبشن فى كل عربيه (يعنى تكييف و باور بس ومكن زجاج كهربائى )و هى متقاريبه فرق 4 الاف بين اغلى و ارخص واحده
قوه المواتير تقريبا زى بعض مش هتفرق جامد
فلو هتختارى يبقى لازم تشوفى كل عربيه على الحقيقه و تركبيها و اللى ترتاحى فيها هى اللى تختاريها
يعنى بلنسبه للسبارك انا شخصيا مش بحبها لان عدادتها فى النص والالتو بحس شكلها قديم شويه
فلبيكانتوا اكتر عربيه بتعجبنى فيهم وكفايه ان ضمانها 5 سنين او 100 الف كم

[Sharaf2009]

الاخت رونى...

ما تقلقيش من موضوع ال سى سى لان category اللى بتدورى فيها دى كلها حاجات صغيره... المشكله بتبدا فى العربيات اللى اكتر من 2000 سى سى

انا برشح لك البكانتو لان سمعت عنها كلام كويس وبرده اسالى كويس قبل ما تشترى...

اما بخصوص كلمة Basic فده معناه ان العربيه فاضيه ... ما فيش فيها اى كماليات...

اتمنى ان ربنا يوفقك فى شراء سياره مناسبه لان الموضوع ده فعلا headache

[rony_hosny79]

متشكرة لكل من الاخ blazer والاخ sharaf بجد على مساعدتكم ليا وفعلا انا من جوايا ميالة جدا للبيكانتو بس المشكلة اني مش متخيلة اني السعر ده كله في عربية مفيش فيها ولا اوبشن!!!!! في حين اني ممكن ادفع نفس السعر او اقل بألفين مثلا في عربية فول اوبشن زي ألتو.
بجد الف شكر ليكم وجزاكم ربنا كل خير

[rony_hosny79]

بالمناسبة يا جماعة لو هتقل عليكم،
انا ليه بقرا او بسمع ان ألتو هندية!!!!!!!! وموتورها ياباني هي مش المفروش سوزوكي يابانية!!!!!!! ولا هي كده مش يابانية حتى النخاع؟؟؟؟؟؟؟؟؟؟

[Sharaf2009]

لو المجال مفتوح امامك ولسه بتاخدى افكار...بصى على الـ Byd F1 عربيه صينى صغيره وشكلها حلو وانا سامع انهم هايفتحوا مصنع لتجميعها فى مصر...

[ameersaeed]

السلام عليكم

كلمة السي سي
تعني سنتيمتر كيوبك
التي تعني سنتيمتر مكعب
والتي تساوي المليلتر
وهي وحدة تقاس بها الأحجام
فلو كان عندك قطعة خشبية مربعةوكان طولها 2 سم وعرضها 2 سم وارتفاعها 2
فإن حجم هذه القطعة يساوي 2 ضرب 2 ضرب 2 = 8سنتيمتر مكعب أو تكتب 8 مليلتر أو تكتب 8 سي سي =8 cc

بالنسبة للإسطوانة فلها قاعدة قياس لحجمها تجدينها في مواقع البحث لو أردتي معرفتها
المهم ..
إذا كان لديك محرك سيارة به 4 اسطوانات
وكان حجم كل اسطوانة 250 سي سي
فإن حجم المحرك سيساوي 4 ضرب 250 = 1000 سي سي بتعبير آخر يساوي لتر واحد أو يساوي 1000 ملي لتر

فعلبة الماء الذي يكتب عليها واحد ونص لتر يساوي حجم فراغها نفس حجم محرك ب 1500 سي سي

وحجم المحرك يوضع ليحقق هدفا من استخدام السيارة
فالسيارة السريعة أو الرياضية ممكن يوضع لها حجم محرك كبير لأجل القوة والسرعة
والسيارة ذات الدفع الرباعي كبيرة الحجم يكون محركها كبيرا ليستوعب وزن السيارة وليمنحها قوة السحب المطلوبة
ولكن بالنسبة للسيارات الاعتيادية فتكون صغيرة الحجم ويوضع لها محركات من 1000 سي سي إلى 2000 سي سي
وزن السيارة وحجمها يلعب دورا هاما في تحديد حجم المحرك
ولتعويض صغر حجم المحرك وقلة قوة سحبه فإن الجير تكون تروسه كبيرة لتتضخيم قوة المحرك الضعيفة

وبالنسبة لمسألة علاقة حجم المحرك باستهلاك البنزين
فسأعطيك مثال..
لنفترض أن عندنا ثلاث سيارات كورولا بثلاث محركات أجامها مختلفة
الأولى 1300 سي سي والثانية 1600 سي سي والثالثة 1800 سي سي
فالأقوى والأسرع ستكون الثالثة
ولكن الأوفر في استهلاك الوقود ستكون الأولى في مقابل أنها ستكون أبطأ وأضعف

ولكن لو أحضرنا سيارتين مختلفتين وبمحركين من نوع واحد وتصميم واحد
مثلا تويوتا ياريس وحجم محركها 1300 سي سي
وتويوتا كرولا بمحرك حجمه 1300 سي سي
فإن تويوتا كرولا ستستهلك وقودا أكثر
لأنها أكبر حجما من الياريس وأثقل وزنا..

بالنسبة لكلمة basic
فهي تعني أساسي أو قياسي
وتأتي أحيانا بكلمة standard
وهي بنفس المعنى
وتعني أن السيارات لا يأتي معها المواصفات الإضافية أو مواصفات الرفاهية
تختلف القياسات من شركة لأخرى بحسب ما تنزله الشركة من مواصفات ..,كل شيء له سعره
لذلك البيسك هي الأرخص
ويعني ذلك مثلا..
أن يكون رنقات الإطارات حديد وليست ألمونيوم
أو أن الجير يكون عادي وليس أتوماتيك
أو تكون غيارات الجير 4 وليس 5
وتكون النوافذ يدوية وليست كهربائية
ولا تكون السيارة مثلا بنظام فرامل مانع للانغلاق abs
وتكون الأزرار الداخلية يدوية وليست كهربائية
وأشياء كثيرة جدا..
هذه الأشياء تعني زيادة في الأمان والرفاهية وزيادة في الثمن طبعا
وفارق الثمن قد يكون كبيرا وليس بسيطا

بالنسبة للنصيحة حول اختيار سيارة معينة
ففي كل بلد أو بيئة معينة تشتهر سيارات معينة بين الناس
لما لها من مزايا أو فوائد..ولا أعرف ماذا يفضل أهل مصر
ولكن بالنسبة لي أنا..سأفضل الياباني ..لأنه الأوثق

المسألة أيضا تعتمد على مدى توافر قطع الغيار ورخصها..وعمر استخدامها أيضا
ومتانة هيكل السيارة وتحمل المحرك للأداء العالي والطويل..

ولا أنصح أبدا بالسيارات الصينية..حتى ولو كانت رخيصة
لأن الصين حديثة عهد بصناعة السيارات..
ولأن مواصفات سياراتها رديئة..ولا يغرك الشكل أبدا..
يقول المثل ..( من الخارج الله الله..ومن الداخل يعلم الله )

إن متانة هيكل السيارات الصينية ليست بمثل متانة اليابانية..
وفي حالة حصول حادث لا قدر الله..فإن السيارة تصبح سلطة..يعني علبة بيبسي مدعوسة..يعني حاجة فيها خطر على ركاب السيارة..
ولا نبالغ تجاه السيارات الكورية لأنها أخت الصين أيضا
بالنسبة للسيارات الأمريكية فهي جيدة ومتينة
ولكن السيارات الصغيرة منها مثل سبارك ..ليست أمريكية في الأصل
بل هي كورية واشترتها شركة شيفروليت ..يعني هي فاشلة..
والسيارات الأمريكية مشاكلها كثيرة ومعقدة..
ويعتمد على ما تفهمه البيئة المحلية من خبرة في السيارات ..يعني غالبية كرجات تصليح السيارات
فبعض البيئات يفهم للأوروبي ..وبعضها يفهم للياباني ..وبعضها للأمريكي ..

بالنسبة لسؤالك عن أن سيارة يابانية مصنوعة في الهند فسأخبرك لماذا
عادي جدا أن يكون لأي شركة سيارات عالمية قوية وشهيرة مصانع سيارات في بلاد مختلفة في العالم وغير منافسة
والهدف من ذلك..البحث عن أيد عاملة رخيصة الأجر وتقليل التكاليف والزيادة في الإنتاج
فقد تجدين مثلا لشركة تويوتا فرعا في تايلند وهو موجود فعلا
لأن العمالة التايلندية أرخص..
أما جميع قطع المصنع فهي تتوفر تحت هيمنة تويوتا
حتى ولو صنعت في تايلند
وبعض القطع قد تصنع في اليابان ويتم تركيب أجزائها في تايلند
وأهل تايلند ليسوا بسطاء في العقلية بل هم عباقرة..إنما بلدهم فقير..والأجور رخيصة..
وللعلم تطورهم هائل..قد لا يوجد في كثير من البلدان العربية ومعظم بلاد العالم..
فشيء عادي أيضا أن يكون هناك مصنع ياباني للسيارات في الهند..أو غيرها..
وللعلم فإن السيارة المصنوعة كاملة في اليابان تكون أغلى من المصنوعة مثلا في تايلند أو ماليزيا

لذلك في مسألة أي السيارات تشترين..
فأنا أنصحك بالسوزوكي الياباني
ولكن..
انظري الحال العام..والسائد لديكم..واختاري الذي يغلب عنه أنه المفيد
ثم استخيري الله..وتوكلي عليه..وأسأل الله لك التوفيق

[ahmedrageh]

في عربية مش عارف خدتي بالك منها ولا لأ
هيونداي i10
هي نفس الفئة .....يمكن اغلى شوية بس شكلها جميل من جوا و برا و التكنولوجي فيها جديدة لو فول اوبشن
و كمان قطع غيارها متوفرة جدا في مصر

[Fadi Ezzat]

السى السى هو حجم غرفة الاحتتراق
وطبعا بيفرق فى استهلاك النزين