العربية بتشرق مني

[karmoty]

السلام عليكم ,
يا رجالة انا في اليومين اللي فاتوا دول كنت كل اما اجي ادور العربية ماتدورش وتعمل سكتة كدة ولما فكيت البوجيهات لقيت بنزين طافح من البوجيهات و ريحة البنزين كانت قوية اوي من الكاربراتير.
أنا نزلت الحمد لله صلحتها النهاردة بس المشكلة اني مش عارف ايه اللي كان فيها ده؟
فيا ريت اللي يعرف يقولي وربنا يزيدكو من لمه
السلام عليكم

[كابوس الليل]

العربية بتشرق مني

روح هاتلاها كباية مية
او طبطب على كبوتها شوية هيا هتهدا

[mohamed_ocmu]

يعنى ايه؟؟؟؟؟؟؟؟؟؟؟؟؟؟؟

انا باسمع كتير التعبير ده"العربية هتشرق"
يعنى ايه اساسا"""""""""""

[karmoty]

يعني بتلاقيها واخدة بنزين اكتر من اللازم بحيث انك تبقى شامم ريحة البنزين فايحة اوي من الكاربراتير

[faragalla]

الحل بسيط جدا انك لما تشرق منك العربيه تدوس على دواسة البنزين للأخر و تدور العربيه و انتا دايس للاخر كدا هتفتح بوابة الهواء على الاخر و تساعد على الدواره و هتلقط معاك على طول

[karmoty]

لا معلش بالراحة كدة يا استاذ فرج الله

[karmoty]

انا لما باجي ادور بدوس ربع دوسة على دواسة البنزين وفي العدة بتدور لكن بسبب الشرقة دي لما اجي ادور الصبح بسمع صوت قفشة كدة او كتمة في المارش يعني ما بسمعش صوت المارش بيلف

[YaSSerwIN]

لا المارش دة مالوش علاقة بالشرقة
أكشف على المارش والبطارية

[juba8]

عشان بتدوس بنزين وانت بتدور
استنى شويه وبعدين دور هتدور انشاء الله

[roky]

طب يعني يا شباب .. لو العربية اتكاركلها بنزين وهي بطلانه ... أو خدت بنزين زيادة و شرقت ..

أدوس بنزين علي الأخـــــر و أنا بدور ؟؟؟
مش ده هايخليها تشرق ذيادة ؟؟

[karmoty]

شكرا على الردود الفيدة يا جماعة والله الواحد مش عارف من غيركو كان هيعمل ايه