نقص زيت السياره

[redwany]

لدى سياره هونداى سوناتا 2001 اشترتها من شهرين ولكنى فوجئت ان الزيت بينقص
بينقص حوالى لتر فى اسبوع لو مشيت مسافات قصيره
لكن مره سافرت بيها حوالى 800كيلو وفى هذه المره الزيت زودته حوالى 3 لتر
هل فيه حل بسيط
وهل لو رضيت بهذا النقص وازوده كل شويه هل ده ممكن ياثر على الماكينه

[samirayad]

ولكنى فوجئت ان الزيت بينقص
بينقص حوالى لتر فى اسبوع لو مشيت مسافات قصيره

لازم تعرف سبب نقص الزيت ده (جوان غطاء تاكيهات _ أويل سيل كرنك أمامى أو خلفى _ أويل سيل كامه ) وده بيبان خارجيا .....أوبسبب أستهلاك للزيت من خلال خط الفائظ الى مجمع الهواء ....أو من خلال سيلات الصبابات ( وده بيظهر من شكل عادم المحرك )

لكن مره سافرت بيها حوالى 800كيلو وفى هذه المره الزيت زودته حوالى 3 لتر
هل فيه حل بسيط

دا كده كتير جدا ....ويجب علاج الحاله فى أسرع وقت ممكن

وهل لو رضيت بهذا النقص وازوده كل شويه هل ده ممكن ياثر على الماكينه

مفيش شك أن ده غلط جدا .....ويجب أن تكون هناك وقفه لعلاج هذا النقص للزيت (لأن ببساطه ممكن يكون التسريب من سيل الكرنك على سبيل المثال ( وتلف السيل بسيط حاليا ) وتفاجأ بحدوث تلف كبير .......وهنا باظت المكنه ......ويمكن ترميها ( لا قدر الله )

[ابو حسين]

مفيش شك أن ده غلط جدا لازم تعرف سبب نقص الزيت

[midoonesaid]

حاول تكشف على التور عند اي ميكانيكي شاطر وموثوق فيه علشان ميدخلكش في متاهات

[midoonesaid]

قصدي المتور اسف