عاوز أتعلم سواقة في ٦ أكتوبر

[aliabutaleb]

السلام عليكم
للافادة أنا كلمت الرجل وهو شخص ذوق جداً
السعر : ٢٢٥ ج
الحصص ١٠ حصص مدة الحصة ٤٥ دقيقة
أول حصة نظري على simulator
السعر شامل كتاب إشارات وتدريب على اسئلة المرور وكمان بيدو شهادة
المواعيد من ٩ صباحاً حتى ٧ مساءً

لا شكر على واجب
ولو اني حاسس إن 45 دقيقة قليل شوية في الحصة الواحدة
ربنا يوفقك في التعلم وفي الرخصة ان شاء الله

[أبــوحبيبه ونور]

لو عايز تتعلم سواقة صح لازم :
اولا : يكون عندك عربية
ثانيا : لو تعرف حد مقرب ليك يعلمك على عربيتك يبقى احسن لان معظم مراكز التعليم بتعلمك اساسيات لان موضوع المراكز امه مجربه موضوع فاشل
ثالثا : خد فى اعتبارك انك حتغلط حتغلط بس لازم تتعلم من غلطاتك
رابعا : مارس القيادة فى منطقة فاضية عشان تكسر حاجز الخوف من العربية ولما تحس انا بدأت تتحكم فى العربية يعنى قول بعد اسبوع كل يوم ساعتين ابدا اخرج للمناطق المزدحمة زى شارع فيصل
خامسا : اتعلم ازاى تركن العربية وتجيب بيها مرشدير علشان دى اصعب حاجة واغلب المراكز مبتعلمش الموضوع ده
بصورة جيدة علشان متلقيش نفسك فى وسط الشارع مش عارف تركن
سادسا : ضع تركيزك على الشارع امامك وعلى المرايات الجانبية وانت ماشى

وانشا الله هكمللك الموضوع

على فكرة الموضوع عن تجربة شخصية والحمدلله انا بعمل بيها غرز احيانا

انا معك فى كل اللى قولت بس لى تعليق صغير بخصوص الركنه عشان الركنه بالذت بتيجى مع الممارسه والزمن يعنى مش بيتجى من يوم وليله او حتى شهر وممكن الاول تركب بالوش لحد ما تتحكم كويس فى العربية بعدين اركن بالظهر
وفعلا فعلا موضوع المركز مجرد اساسيات وساعات بيقولك على حاجات غلط عشان يحسسك انك اتعلمت
:k4:

[أبــوحبيبه ونور]

السلام عليكم
للافادة أنا كلمت الرجل وهو شخص ذوق جداً
السعر : ٢٢٥ ج
الحصص ١٠ حصص مدة الحصة ٤٥ دقيقة
أول حصة نظري على simulator
السعر شامل كتاب إشارات وتدريب على اسئلة المرور وكمان بيدو شهادة
المواعيد من ٩ صباحاً حتى ٧ مساءً

نصيحة تانية الاحسن انك تلغى الحصه النظرى عشان ملهاش اى لزمه وعلى فكرة الحصه عمرها ما بتوصل ل45 نهائى عن تجربة

[MoToRiZeR]

و يا ريت لو تقدر تعرف و تذاكر السواقة نظري مع نفسي و تعرف العلاقة بين الفتيس و الموتور و الغيارات و كدة و عدد لفات الموتور

لأن أكتر حاجة بتلخبط الناس في الأول .. النقل من غيار لغيار و أنقل إمتي و تبقي سرعتي كام و أنزل من غيار لغيار أقل إمتي .

[كابوس الليل]

طب استنى لحد يوم 6 اكتوبر وابقا اتعلم فيه :k48::k48::k48::k48:

[heroes4ever]

في مركز سوقة اسمو اوسكار بالحي السابع في المجاورة الاولي في مبني تجاري اسمو الاردونية في الدور الثاني فوق صيدلية د\ احمد يحيا و بيدرب علي عربيات لادا جديدة

[aliabutaleb]

في مركز سوقة اسمو اوسكار بالحي السابع في المجاورة الاولي في مبني تجاري اسمو الاردونية في الدور الثاني فوق صيدلية د\ احمد يحيا و بيدرب علي عربيات لادا جديدة

مش أوسكار ده اللي برضة بيشتغل في تركيب الكاسيت وتجهيزات الصوت ولا ده تشابه أسماء؟