العناية الخارجية للانوس

[hon]

[السلام عليكم ورحمه الله[
اليوم حتكلم مع حضرتكم عن العناية الخارجية لصاج الانوس والداخلة للتابلوة وخلافه
هناك عدة خطوات عملية للحفاظ على السيارة كالجديدة
1-ضرورة ركن السيارة فى جراج مغطى لحمايتها قدر الأمكان من العوامل الجوية والأتربة دا غير قطط وكلاب الشارع و العيال الى معاهم مسامير
2-التنظيف يكون منفضة زات شعر قطنى وتجنب الفوطة المببلولة(الزفرة) لانها تعمل على سنفرة الصاج وكحتة
3-استخدام سائل غسيل به شمع تلميع(wax) وتجنب المنظفات القوية التى تزيل طبقة الشمع الخارجية
4-تلميع السيارة بالشمع مرة كل 6 شهور على الاقل وكان يوجد بالسوق منذ سنتين تلميع بالون ياعنى عربيتك زرقاء كان يوجد تلميع لونة ازرق بيخلى العربية ذى الجديدة وكان بييجة معا صباع شمع بالون لمداراة الخدوش وكان اسمةtrurtle wax color cure بس دلوقتى للاسف مش موجود كنت بجيبة من الفرسان من سنتين او اكتر قبل مايهرب
وبالنسبة للتلميع الداخلى اوصى بأستعمال ملمع التابلوة من نفس الشركة وساعات كان بينزل سفنجة مبللة بالمحلول دا وهو ضرورى فى الحر الشديد لعدم تشقق التابلوة
وربنا يباركلوكو فى للانسكو جديدة ويكفيكو عيون الناس :)

[dr_mak]

الف شكر ليك يا باشا على الموضوع الرائع

وزي ما حضرتك بتقول تشميع العربية كل شهرين بيحافظ على الصاج الخارجي وعدم كترة الغسيل للسيارة بالماء

[kareembelal]

يعني ايه تشميع العربيه وفين وايه الطريقة والمواد المستخدمة ؟؟؟؟؟؟

[abou_sama]

شكرا يا باشا على المعلومات

[hon]

تشميع السيارة يعنى تلميعها بأستخدام شمع (wax) بيجى كدا فى علبة مدورة امريكى ثمنها حوالى 30 جنية بس بتكفى حوالى من 2 ال3 مرات والطريقة كما يلى
بعد غسيل وتجفيف السيارة جيدا يتم اخد الشمع بقطعة اسفنج وفردة على صاج السيارة فى اتجاهها الى الخلف من الامام الى الخلف فى اتجاة الرياح وبعد تغطية السيارة بالكامل يتم تلميعها بالقطن الطبى النظيف وازالة الشمع ويتم التلميع على شكل حلقات وبعد ازالة الشمع ستلاحظ نعومة مملمس السيارة ولمعانها الملموس وبالتوفيق

[amegoo75]

شكــــــــــــــــــــــــــــــــرا يا باشا جدا؟؟

[kareembelal]

تشميع السيارة يعنى تلميعها بأستخدام شمع (wax) بيجى كدا فى علبة مدورة امريكى ثمنها حوالى 30 جنية بس بتكفى حوالى من 2 ال3 مرات والطريقة كما يلى
بعد غسيل وتجفيف السيارة جيدا يتم اخد الشمع بقطعة اسفنج وفردة على صاج السيارة فى اتجاهها الى الخلف من الامام الى الخلف فى اتجاة الرياح وبعد تغطية السيارة بالكامل يتم تلميعها بالقطن الطبى النظيف وازالة الشمع ويتم التلميع على شكل حلقات وبعد ازالة الشمع ستلاحظ نعومة مملمس السيارة ولمعانها الملموس وبالتوفيق

الف شكر جزاك الله خيرا

[Badrawy]

هوه الشمع ده غير البولش صح ؟ طيب لو العربيه اتلمعت بالبوليش عادي ولا ايه ؟

[JAM]

البولش دا زى الصنفرة.. مرة بعد مرة هتلاقى ان لون العربية بقة بهتان

[Samah AbdAllah]

[marq="3;right;3;scroll"]
معاك حق التشميع افضل بكتير
[/marq]

[hon]

بالنسبة للبولش هوا المفروض يكون طبقة قبل الشمع يعنى تمهيدى للشمع بس للأسف انا لفيت كل الحلات قبل كدا على بولش امريكى كويس مالاقتش مافيش فى السوق غير بولش ميدو المصرى ابو 4 جنية وهوا حلو مش وحش وينزل منة الناعم والخشن
والخشن بيكون لو حكيت العربية لاقدر الله وعليها ثار بوية من الخبطة اما الناعم فعادى ممكن تدى طبقة بيه قبل الشمع وانا انصح اصحاب السيارات السوداء بالتلميع بالبولش الناعم قبل الشمع لانه لون حساس جدا وبيحتاج عناية تحياتى

[ehab4367]

انا استخدمت قبل كدة الترتل واكس
بس طلع عينى لحد لما خلصت
ساعة عشان احط الشمع على العربية كلها
وساعتين عشان اشيل الشمع
بس النتيجة ممتازة

[waleed_home]

تشميع السيارة يعنى تلميعها بأستخدام شمع (wax) بيجى كدا فى علبة مدورة امريكى ثمنها حوالى 30 جنية بس بتكفى حوالى من 2 ال3 مرات والطريقة كما يلى
بعد غسيل وتجفيف السيارة جيدا يتم اخد الشمع بقطعة اسفنج وفردة على صاج السيارة فى اتجاهها الى الخلف من الامام الى الخلف فى اتجاة الرياح وبعد تغطية السيارة بالكامل يتم تلميعها بالقطن الطبى النظيف وازالة الشمع ويتم التلميع على شكل حلقات وبعد ازالة الشمع ستلاحظ نعومة مملمس السيارة ولمعانها الملموس وبالتوفيق

لو فردت الشمع على العربية كلها مرة واحدة يبقى هتحتاج اتنين يساعدوك فى عملية التلميع لإن لو اشتغلت لوحدك دراعاتك هتتكسر من التعب .

يفضل انك تشتغل فى جذئية واحدة فقط وبعد ما تخلصها تنقل على جذء اخر وهكذا

[hon]

اية يا جماعة انتو مكسلين ولا اية؟ :)
فعلا هوا مجهد شوية بس ممكن تعتبره جيم والى مش عايزين يتعيبوا نفسوهم فى نوع بيكون مكتوب علية easy on -easy off)
بينفرد ويتشال بأقل مجهود بس النتيجة ما شاء الله بيرجع العربية لحالة الزيرو وبيزود قيمتها عند البيع
انا مرة جبت شمع اسمة liqui moly
المانىبعد مافردته كا زى الصخرة على الصاج بس النتيجة أكثر من هائلة وعلى فكرة دا بيخلى الصاج مقاوم للبروما والصدأ
تحياتى

[Ayman Hussam]

شكرا على المعلومة القييمة