إعـــــــلان

Collapse

.

,
See more
See less

تفاصيل اول او اكتر حادثة بالعربية "وانت اللى كنت سايق "ولسه فكرها لحد دلوقتى

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تفاصيل اول او اكتر حادثة بالعربية "وانت اللى كنت سايق "ولسه فكرها لحد دلوقتى

    تفاصيل اول او اكتر حادثة بالعربية "وانت اللى كنت سايق "ولسه فكرها لحد دلوقتى
    الغرض منها ابداء العظة للاعضاء والاصدقاء
    اول حادثة
    كنت لسه مطلعتش الرخصة"لسه فى ثانوى يعنى" وكان معايا اولاد صغيرين قريبي وكن بنلف فى مستعمرة لسكن العاملين فى البترول المهم كنت داخل على تقاطع وانا على 60كم كانت الدنيا ليل وديت النور العالى كذا مرة وانا داخل على التقاطع بس للاسف مكنتشف شايف ان فيه عربيه بيجو 406 جايه بسرعه
    المهم دخل فيا فى الباب بتاع السائق والرفرف الشمال وانا من الخضة دوست بنزين كمان بدل الفرامل وطلعت على الرصيف المشكلة لولا عناية ربنا ووجود جزع شجرة واقع على الارض "دخلت فيه بالاكصدام الامامى وطبعا اتبهدل" كنت وقعت فى البحر من ارتفاع عالى شوية بس الحمدلله
    المشكلة ان العربية البيجو بردة اتبهدلة وكان فيها واحد جامد من المخابرات وانا كنت مقتنع ان هو اللى غلطان مش انا مع انى ببساطة انى مش معايا رخصة
    والحمدلله عدتة بسلام
    عشان كدة بجى عند المفارق واهدى اوى واخش براحة
    ربنا يحفظنا ويسلم طريقنا كلنا
    برحب باى حد عايز يشارك
    وشكرا
    يارب سترك ورضاك عنا
    الكلمات الدلالية (Tags): 40, 50, 504, أخى, ارتفاع, اصدقاء, اكثر, الكنبة, ام, انا, انى, او, اوبل, اوبل كورسا, اول, بالعربية, بترول, بس, بكرة, بنزين, تفاصيل, حادث, حادثة, حوادث, دلوقتي, دى, رخصة, زيت, سرعة, شار, شارك, شايف, عايز, عداد, عربية, عربيه, على, عمرة, عن, فرامل, فرق, فكرها, فورد, في, قلب, كل, كورسا, لانسر, لانوس, مركز, مشكلة, مع, من, نور, نيسان, وانت, وانت اللى كنت سايق ولسه
  • #2
    اول و اخر حادث انشاء الله
    كنت راكب عربيه لانوس ( اما مبحبش اركب غير المانى ) و مكنتش عربيتى , وكان الراجل لسه شاريها و بكياسها
    و الضاهر انه لما استخدم العربيه مربطش العفشه
    و كنت على طريق القاهره اسكندريه الزراعى ( بالقرب من طنطا ) و كنت انا الى سائق و خلفى اخويا و بجواره زوجته ( كان يوم كتب الكتاب و قبل الفرح ب 3 ايام ) و بجوارها اختها و خالتهم فى الكرسى الى جنبى
    أخر مشهد للعداد كان 160 و انا فاعص الاكسيراتير
    و كنت باخد غرزه ( غرزه واسعه و كنت باخد غرز اديق منها بكتير و على سرعه أعلى بعربيتى) وبنقل على الحاره التانيه لقيت العربيه مبتقلش و لما زودت كسرة الدركسون بدأت تشاور عقلها انها تنقل على الحاره التانيه
    دخلت بجانب العربيه كله فى العربيه التانيه
    الاصابات
    خالة العروسه كسر زراع مع بعض الكدمات و الجروح
    اخت العروسه كسر فى عضمة القرطوه و الكتف و قايم النصف دخل فى ذراعها و تم عمل 2 عمليه جراحيه
    اما انا و اخويا و مراته تماااااااااااااااااااااااااااااااااااااااام
    السياره
    كان فى فرق حوالى 1 سم بين الخبطه و اول الشاسيه ( كان زمنا كلنا انعجنا فى العربيه)
    تم تغير اكسدامات اماميه و خلفيه , رفرفين يمين امامى و خلفى , 2 باب يمين , 3 قوايم يمين بالحلق ( امامى و منتصف و الخلفى ) 2 فانوس ( امامى و خلفى يمين ) وجنط و تم عدل الشاسيه علشان اتعوج
    من يوميها بكره كوريا الجنوبيه و ارفض التعامل مع غير الألمان
    [CENTER][SIZE=5][SIGPIC][/SIGPIC]
    امحى كل [/SIZE][SIZE=5]ذنوبك[/SIZE][SIZE=5] فى دقيقتين بس
    [/SIZE][SIZE=4][COLOR=#0000ff]http://www.shbab1.com/2minutes.htm[/COLOR][/SIZE]
    [/CENTER]

    Comment

    • #3
      ربنا اللى بيستر وكويس ان محصلش حاتجه اكتر من كده؟
      والفرح اتاجل قد ايه؟؟؟؟؟؟؟
      سبـحان الـلـه وبـحمـده .. سبـحان الـلـه الـعـظـيـم[SIZE="5"][/SIZE]

      Comment

      • #4
        المشاركة الأصلية كتبت بواسطة speed4speed مشاهدة المشاركة
        اول و اخر حادث انشاء الله
        كنت راكب عربيه لانوس ( اما مبحبش اركب غير المانى ) و مكنتش عربيتى , وكان الراجل لسه شاريها و بكياسها
        و الضاهر انه لما استخدم العربيه مربطش العفشه
        و كنت على طريق القاهره اسكندريه الزراعى ( بالقرب من طنطا ) و كنت انا الى سائق و خلفى اخويا و بجواره زوجته ( كان يوم كتب الكتاب و قبل الفرح ب 3 ايام ) و بجوارها اختها و خالتهم فى الكرسى الى جنبى
        أخر مشهد للعداد كان 160 و انا فاعص الاكسيراتير
        و كنت باخد غرزه ( غرزه واسعه و كنت باخد غرز اديق منها بكتير و على سرعه أعلى بعربيتى) وبنقل على الحاره التانيه لقيت العربيه مبتقلش و لما زودت كسرة الدركسون بدأت تشاور عقلها انها تنقل على الحاره التانيه
        دخلت بجانب العربيه كله فى العربيه التانيه
        الاصابات
        خالة العروسه كسر زراع مع بعض الكدمات و الجروح
        اخت العروسه كسر فى عضمة القرطوه و الكتف و قايم النصف دخل فى ذراعها و تم عمل 2 عمليه جراحيه
        اما انا و اخويا و مراته تماااااااااااااااااااااااااااااااااااااااام
        السياره
        كان فى فرق حوالى 1 سم بين الخبطه و اول الشاسيه ( كان زمنا كلنا انعجنا فى العربيه)
        تم تغير اكسدامات اماميه و خلفيه , رفرفين يمين امامى و خلفى , 2 باب يمين , 3 قوايم يمين بالحلق ( امامى و منتصف و الخلفى ) 2 فانوس ( امامى و خلفى يمين ) وجنط و تم عدل الشاسيه علشان اتعوج
        من يوميها بكره كوريا الجنوبيه و ارفض التعامل مع غير الألمان
        يااااه ... موقف سخيف أوي إنك تعمل حادثة في فرح ...
        بس اللانوس بردوا مش بتاعة 160 ... الحمد لله انها عدت على خير
        [CENTER]الي مدخلش QNET .. مدخلش دنيا
        http://www.nilemotors.net/Nile/244377-a.html
        [/CENTER]

        Comment

        • #5
          ربنا يسترها علينا جميعا

          النهارده في الميرغني تاكسي بيجو 504 وقف فجاة قدامي لبست فيه

          طبعا عارفين الاكصدام الحديد المميز لل 504 دخل في الفوانيس كسرهم ميت حته ... المواقف دي بتخليني اشجع مشروع احلال التاكسي المصفح ده

          الحمدلله
          سبحان الله وبحمده ... سبحان الله العظيم
          تحياتي ,,,
          أحمد مجدي

          Comment

          • #6
            اول حادثة اعملها كانت فى نفق كارفور وكنت راكب جنب واحد صجبى كنا نازلين من مودرن بياخد النفق علشان نعدى الدائرى كان فى زيت فى الارض

            العربية لفت مرتين ورشقت فى الحيطة

            طبعا النص الامامى ادمر من كلة ماعدا الموتور والحمدلله العربية اتصرف عليها 15 الف كانت فورد الصغننة دى


            اول حادثة تحلصى وانا سايق بقى كانت فى بنى سويف بعد ما جبت العربية بحوالى شهر كدة

            باخد يوتيرن على الكورنيش عندنا واحد راكب اوبل كورسا الصغيرة وطاير على الكورنيش ما انة ما يسمحش بالجرى دا عندا

            راح رشق فيا من ورا

            وصاحب العربية كان شغال فى جمارك المطار وجية وجاب معاة اتنين صحابة رئيس نيابة العمرانية والتانى نيابة الفيوم الموضوع اتكروت طبعا وانتهى تصالح لانهم لعبوا فى المعاينة

            Comment

            • #7
              اووووووول مرة قبل الرخصة بشهر كنت فى صلاح سالم ونازل عن على الكوبرى والدنيا زحمة وماشية براحة وعلى المنزل راحت عينى سرحت قدااااااااااااااااااااااااااااااااااام عشان اعرف فاضلى كام يوم واوصل وببص قدامى لقيت العربية الى قدامى واقفة رحت مفرمل جااااااااااامدد والحمد لله وقفت ومخبطوش راح الى ورايا عمل الواجب وجه قعد جنبى.

              وراح الى وراه خبطه والى وراه الى وراه خبطهم

              يعنى 4 عربيات وش فى ظهر وانا اولهم نزلت لقيت ال3 عربيات وكانوا كلهم لانسر - اكصدام ادام ووره راحوا وانا طبعا اقل الخسائر رحت مدور وماشى.

              اتارى ال3 بشوات وهما نازلين بررررررررضو كانوا بيبصوا قدام زى ما كنت انا عامل - بس انا لحقت نفسى الحمد لله.


              وفى نفس اليوووووووووووووووووووم ونفس المشوار نص نقل دخل فى الباب الخلفى شمال مبقاش نافع.

              الحمد لله
              [CENTER]سبحان الله وبحمده سبحان الله العظيم
              لا تظلمن إذا ما كنت مقتدرا --------- فالظلم يرجع عقباه الى الندم
              تنام عينك والمظلوم منتبه --------- يدعو عليك وعين الله لم تنم
              [/CENTER]

              Comment

              • #8
                انا اول ما بدات اسوق وانا عندى 15 سنه مكنش يحلالى اقف عادى زى الناس كده بالعربيه لا لازم العربيه تزحف فى الارض متر او متر ونص كده بابا كان بيتجنن منى ويقولى اللى يدخل الدخله بالعربيه يا اما حريف سواقه يا اما واحد اهبل وانا اققوله دا السواقه دى لعبتى جات فى مرة العربيه عطلت وبابا راح وركبلها اسكترا العفشجى الله يحرقه ركبلها اسكترا قديمه وبايظه خلت العربيه بتحدف وانا بقه جاى اركن الركنه الجميله بتاعتى والعربيه تحدف ودب فى الحيطه والخساير كانت الرفرف اليمين بقى كفته الفانوس اللى جمبه متكسرش بس اتجاه يمين مش لقدام زى زمان
                والحمد لله

                Comment

                • #9
                  الحقيقة بما انى لسة بردو لحد دلوقتى مابقيتش برفكت ، حيث انى لسة حديث فى السواقة
                  اول يوم نزلت بيه العربية الشغل وماشى مبسوط بنفسى وبقول ياسلااااام الواحد كدا اتحسن اوى
                  ولسة ماكملتهاش ، وداخل على اشارة ماخدتش بالى انها اتجاهين ( لانى لسة بظرميط فى الطرق) ، واللى حصل انى بعد ماعديت اشارتى الاشارة قفلت وانا كنت على مهلى فطبعا الناس التانية ماستنتنيش اعدى ، وكان فيه واحد بعربية ترللة بس ربنا كرمه وفرمل ، والقضاء جيه فى حاجة اقل ... سواق تيوتا ربنا .... دخللى فى الفانوس اليمين طبق الرفرف وكسر الاكصدام وحخلع الفانوس... بقيت اخاف اوى من الاشارات واول ماشوفها قفلت مستحييييييل افكر اعدى ابدا ابدا ابداااا
                  قدر الله وماشاء فعل

                  Comment

                  • #10
                    حادثة خطيرة جدا سبحانه المنجى

                    كنت سايق على طريق اسماعيليه بورسعيد
                    وجيت عند مجمع اسواق الخضار والفاكهه تقريبا عند ابو سلطان على ما اذكر وكان فيه عربية نقل فى الحارة الشمال عشان كدة اخدت الحارة اليمين وراه عربية اخرى امامى عشان نعدى النقل وبعديـــــــــــــــن....
                    فجاءة لقيت العربية الامامى بتكسر شمال جامد جدا وفجاءة لقيت عربية نص نقل بقيادة واحد ربنا ........ يارب
                    بيرجع بالعربية بضهرة "قال ايه عايز يروح المجمع " المهم العربية جنحت منه حاولت اهرب منه بس للاسف خبطنى فى الرفرف اليمين وانا كنت بحاول اخد غرزة امام النقل بس مع الخبطة كسرت على النقل جامد ومع سرعة النقل دخل فيا بوش عربيته فى جنب السواق " بين باب السائق واللى وراه" وفضل يزوقنى ادامه مسافة لحد ما ربنا كرمنى " بفكرة انى مجيش جنب الفرامل خالص والا هابقي زى فار بيفرمل فيل والحمدلله دوست بنزين جامد مع كسر العجل يمين جامد عشان اطلع من ادام النقل.
                    زى المخرجين بتوع السينما الامريكية نوقف على اللحظة بتاعة الاصطدام بكل من النص نقل و النقل ونخش نشوف حالة اللى بداخل العربية
                    زوج اختى جنبي فى الكنبة اللى ورا ورايا انا اختى "ومعاها بنتها لسه مولوده "و جنبها على طول ماما وجنبهم اخويا
                    طبعا النقل لما خبطنى كنت شايف العجل بتعاه من الزجاج المكسر داخل على اختى وبنتها ومن خوفى عليها ربنا الهمنى انى مفرملش وازود بنزين واكسر العجل كل ده فى اقل من الثانية
                    المهم الحمدلله خرجنا كلنا سلام وخدش بسيط جدا فى بنت اختى من تتطاير الزجاج مع ان اختى نامت واخدتها فى حضنها عشان تحميها " قلب الام"
                    شكرا
                    يارب سترك ورضاك عنا

                    Comment

                    • #11
                      أنا وأنا في السعوديية وقبل إمتحان الثانوية العامة بإسبوع (كان معايا رخصة على فكرة)وموصل إتنين صحابي لقيت زميلي داخل عكس وبيهرج قال هيقف face to face وطبعا لبست الفرامل لكن كان فيه فيلة بتتبني والرمل على الأرض معرفناش نقف قمت أنا لامم يمين قبل ما أخبط عشان الخبطة متجيش في صدر العربية أنا كنت بكرولا ٢٠٠٦ وهو نيسان ألتيما ٨٨
                      أول ما خبطنا لقيت كبوتو عمل ٨ محترمة قلت بس أنا كده إتبهدلت عربيتي نزلت لقيت عربيتي يادوب الرفرف إتنى على خفيف أنا كنت ماشي قبل الحادثة على ٨٠ وهو كان طالع من ركنة وبيفرك جاب حوالي ٧٠ أما هو بقي إكصدام أمامي (الفبر والحديد الي جوه) ردرياتير وحتت من الموتور إتكسرت طبعا المرور حطها ١٠٠٪ غلطتة عشان ماشي عكس وإستنيت والدة لما يجي عشان مكنش معاه رخصة ولو إتقال إنه كان الي سايق هيتسجن شهر على الأقل وبالعفية سكتنا الجران كان واحد فيهم حالف ليدخل الواد السجن عشان شافة كذا مرة بيأمريك في الشارع ده صلحت الرفرف بحوالي ٤٠٠ ريال لإن إترد على السخن وترش
                      [img3]http://img21.imageshack.us/img21/3957/28138510150332809507433.jpg[/img3]

                      Comment

                      • #12
                        بعد اللى قريتو حوادثى لا تذكر جنب اللى قريتو
                        It’s not about having the perfect relationship.. But its finding someone who matches you and would go through everything without giving up.

                        Comment

                        • #13
                          حتى حدثيتي اليتيمة متعتبرش حادثة
                          وحادثة كمان بس والدي الي عملها وهو ماشي بالفورد (عربية سيدان ٤٦٠٠ سي سي ٢٢٠ حصان)وكان ماشي على ١٨٠ كم\ساعة وفوت المخرج بتاع الطريق فحب يلف عكس من المدخل !!! (لا تعليق) قام ملبس فرامل ولافف طبعا العربية لفت ولبس في الخرصانة بس الحمد لله العربية موديل ٩٤ وعضمها ناشف يدوب إطبقت حاجة بسيطة
                          وقال لوالدتي إنوا خبط في عمود وهو بيركن قدام الشغل وصدقت !
                          [img3]http://img21.imageshack.us/img21/3957/28138510150332809507433.jpg[/img3]

                          Comment

                          • #14
                            اول حادثة ليا كانت ظريفة اوى
                            كنت ماشى بعربيتى ال 128 اللى هى اول عربية جبتها ... كنا بالليل انا وخطيبتى ايام الخطوبة ... وسرحان فى الكلام وكنا بنقول احلى كلام .... كنت ماشى على طريق زراعى وكنت طافى النور وانا مش واخد بالى ...( حب بقى) ... وفجأة لقيت خيال قدامى بيتحرك ...اكتشفت ان النور مطفى قلت افتحة عشان اشوف اية الخيال دة ...عقبال ما اكتشفت وفكرت ونفذت ..كانت المفاجأة ....
                            جاموسة لقيتها فوق الكبوت ...تصدقوا ...ملحقتش حتى اضرب فرامل
                            يادوب دخلتلى من الزجاج الامامى وباستنى من هنا وهنا وخرجت تانى ههههههههههههههههههههههههههههههههههه
                            الف حمد وشكر.... الجاموسة خرجت سليمة ومماتتش كان زمانى متعلق هناك





                            الاخيرة بقى ربنا ما يوريكم
                            اتقلبت مرتين ووقعت فى الترعة
                            نمت وانا سايق
                            بنفس العربية قبل الزواج بشهر واحد بس
                            كانت هتبقى ارملة قبل ما تبقى مدام ههههههههههههه
                            بس الحمد للة بعد هول الحادثة الاخيرة دى قمت سليم مفيش غير صباعى الصغير بس هو اللى مصاب
                            خارج من الترعة والعربية مقلوبة ماسك صباعى الصغير
                            [CENTER][URL="http://www.nilemotors.net/Nile/156437-a.html"][COLOR=#810081][SIGPIC][/SIGPIC][/COLOR][/URL][/CENTER]
                            [CENTER][COLOR=#810081][URL]http://www.nilemotors.net/Nile/156437-a.html[/URL][/COLOR][/CENTER]

                            [CENTER][FONT=Tahoma][SIZE=6][COLOR=royalblue][B]اكثروا من الإستغفار[/B][/COLOR][/SIZE][/FONT][/CENTER]
                            [CENTER][FONT=Tahoma][SIZE=6][COLOR=#4169e1][B]فكل ابن آدم خطاء وخير الخطائين التوابون[/B][/COLOR][/SIZE][/FONT][/CENTER]

                            Comment

                            • #15
                              ياباشا الحمد لله انك اتجوزتعشان تبطل تسرح وتحلم كتير
                              يارب سترك ورضاك عنا

                              Comment

                              السابق 1 2 template التالي
                              Working...
                              X