يا ريت شرح الجيربوكس الأتوماتيك

[amr mokhtar]

كل سنة و انتوا طايبين
يا ريت لو حد يشرحلنا طريقة عمل الجيربوكس الأتوماتيك بطريقة سهلة عشان تعم الإستفادة إن شاء الله
و هل فيه فرق ما بين كلمة أتوماتيك و هيدروماتيك؟
شكرآ

[fahd_628]

يعنى حضرتك عاوز تعرف بيتساق ازاى ولا بيشتغل ازاى ؟

[amr mokhtar]

لا انا عايز أعرف بيشتغل إزاى و إيه مكوناته؟
عذرآ لعدم التوضيح

[Ashraf A.Kader]

العلامات اللي في الاتوماتيك هي
1 يعني حضرتك تفضل ماشي علي الاول بس
2 يعني حضرتك تمشي لحد التاني بس يعني متنقلش علي الثالث
D ده الرئيسي وبينقل كله لوحده (اول ثاني ثالث رابع) وكل اللي عندهم اتوماتيك بيريحوا دمهغهم وبيمشوا علي D
N الانتظار
R الرجوع للخلف
P Parking
بعض العربيات فيها 3 وده معناه اخره الثالث
للانتقال من وضع الي اخر حضرتك لازم العربية تبقي واقفة تماما وتدوس فرامل للاخر وتجيب الغيار اللي حضرتك عايزة اوعي تغير والعربية ماشية وخصوصا من D الي او العكس

[Adham]

للانتقال من وضع الي اخر حضرتك لازم العربية تبقي واقفة تماما وتدوس فرامل للاخر وتجيب الغيار اللي حضرتك عايزة اوعي تغير والعربية ماشية وخصوصا من D الي او العكس

لا انت تنقل وانت ماشي من الدرايف للتالت او التاني لو طالع مطلع او غيرة بس المهم ان سرعه العربية تكون تسمح بالغيار دة بدون الار بي ام ما يعلى فوق حد الأمان


المحاذير بس انك تحط الR او ال P والعربية غير متوقفة تماما حتى لو كانت بتتحرك ببطء للامام

[Abu Aly]

استبترونيك

ياريت حد يعرف ايه الفرق بالظبط بين فتيس الاتوماتيك و النوع الجديد اللى بيسموه ستبترنيك
و هل قيادته اسهل مثلا و لا معقد زياده و هل افضل الواحد يجيب عربية اتوماتيك و الا ستبترونيك و الا احسن نخلينا فى المانيوال بتاع الغلابه ؟؟ :oops :D : .. ياريت يتضمن الشرح صورة لفتيس الستبترونيك و كيف يعمل و ايه الى ممكن يبوظه ..و شكرا مقدما ..

[Abu Aly]

استبترونيك

ياريت حد يعرف ايه الفرق بالظبط بين فتيس الاتوماتيك و النوع الجديد اللى بيسموه ستبترنيك
و هل قيادته اسهل مثلا و لا معقد زياده و هل افضل الواحد يجيب عربية اتوماتيك
و الا ستبترونيك و الا احسن نخلينا فى المانيوال بتاع الغلابه ؟؟ :oops :D : ..
ياريت يتضمن الشرح صورة لفتيس الستبترونيك و كيف يعمل و ايه الى ممكن
يبوظه ..و شكرا مقدما ..

[Abu Aly]

استبترونيك

ياريت حد يعرف ايه الفرق بالظبط بين فتيس الاتوماتيك و النوع الجديد اللى بيسموه ستبترنيك
و هل قيادته اسهل مثلا و لا معقد زياده و هل افضل الواحد يجيب عربية اتوماتيك
و الا ستبترونيك و الا احسن نخلينا فى المانيوال بتاع الغلابه ؟؟ :oops :D : ..
ياريت يتضمن الشرح صورة لفتيس الستبترونيك و كيف يعمل و ايه الى ممكن
يبوظه ..و شكرا مقدما ..

[Abu Aly]

استبترونيك

ياريت حد يشرحلنا الفرق بين الفتيس الاتوماتيك و الجديد اللى اسمه الاستبترونيك و لو ممكن شرح طريقة النقل مع صوره .. وهل الافضل الواحد يستخدم الاتوماتيك و الا استبترونيك .. و الا احسن نخلينا فى المانيوال بتاع الغلابه ؟ :D

[Abu Aly]

تكرار

لموأخذه معرفش حصل ايه و حصل تكرار لنفس الرساله ؟؟ .. معلهش يظهر بركات رمضان و زيادة الخير خمسه كمان الواحد لسه جديد و خام .. و تحياتى للجميع و كل عام و انتم بخير و عربياتكم اخر حلاوه :D :D

[gmgoom]

يا ابو علي الاستبترونيك لا يختلف عن الاتوماتيك بل هو اضافة جديدة على الفتيس الاتوماتيك بحيث انك تستطيع مع وجود الفتيس الاوماتيك في سيارتك باستخدام تقنية الاستبترونيك انك تسوق العربية كانها مانيوال وهو فكرته بسيطة نوعا ما فبدل ما العربية تنقل النقلات لوحدها عند سرعات معينة او لفات ار بي ام محددة مسبقا حضرتك اللي بتحدد العربية امتى تاخد الغيار الاعلى
وبالنسبة للغيارات فهو بيكون تاتش موجود في الدركسيون زي الهوندا سيتي زرارين واحد (+) وواحد (-) طبعا ال (+) بيدي غيار اعلى و ال(-) العكس
وفي له شكل تاني زي الاوكتافيا وانت على ال D بتجيب الفتيس يمين و ال (+) لقدام و ال(-) لورا

[Abu Aly]

شكرا يا عم جمجوج .. بس هل فى الاستبترونيك ممكن برضه تسيب الفتيس على D بدون ما تقعد تنقل طول الوقت + و _ ؟
كمان غريبه انهم يقولوا انه اتوماتيك و مانويل فى نفس الوقت مع ان مفيش دبرياج فى العربيه اصلا ؟؟ ... بالنسبه لتعود الواحد مانيوال يعنى دبرياج و استخدام القدم :lol:
.. ثم هى برضه مش + و - فى الستربتونيك زى النقل الاتوماتيك من D1 الى D2 او D3 ?? معلهش اخوك مش فاهم عشان مجربتش الاتوماتيك اصلا .. و بعدين الاستبترونيك امتى الواحد يحول من الاتوماتيك للمانويل " المزعوم " :mrgreen: ده او العكس ؟؟؟ و شكرا جزيلا

[Ahmed Samy]

ال مانيوال : صندوق التروس بأحجام مختلفة لتوصيل قدرات مختلفة من المحرك لمحور العجل و ده الأقوى و الأطول عمرا و الأقل استهلاكا للوقود و يستعمل معاه الكلتش (الدبرياج)

الأوتوماتيك : نفس الفكرة و لكن مع تعديل في طريقة اتصال الموتور ب التروس و ميكانيكية النقل و منه نوع كهربائي و نوع يعمل بالزيت الهيدروليكي (هيدروماتيك) و النوع التاني ده أصبح قليل .

التيبترونيك / الستيبترونيك : هو فتيس أوتوماتيك في البناء الأساسي و به تعديل يمكن السائق من التعامل معه بشكل يدوي , عن طريق دفع المقبض يمينا الى حارة خاصة و النقل يدويا (بدون دبرياج) و ليس له أي ميزة من مزايا المانيوال ما عدا المتعة فقط .

الإيزي ترونيك : نفس استخدام الستيبترونيك و لكن الفرق ان بنية هذا الفتيس أساسا مانيوال و ده بيزود قوته و عمره .و بدون دبرياج

ال CVT راجع اللينك ده http://www.nilemotors.net/Forum/viewtopic.php?t=7748
فيه شرح ممتاز

ودمتم

[Abu Aly]

شكرا دكتور احمد ..الحقيقة انا مهتم بالموضوع غلشان محتار لو غيرت العربية السنه الجاية اجيب مانيوال و الا اتوماتيك
بعدين عرفت بحكاية steptronic فأحترت زياده .. شخصيا كنت اميل للمانيوال سواء علشان متعود عليه و كما قلت
سيادتك بيوفر بنزين و مصاريف اخرى من تيل فرامل و غيره و كمان تبقى واقعه سوده لو باظ الاتوماتيك .. اعرف جار فى العماره باظ اتوماتيك عربيته الاوكتافيا و فى التوكيل طلبوا منع 37 الف جنيه . . و كمان ده اسعار سنتين فاتو .. و بالمناسبة قرأت بمجلة ان كثير من اصحاب العربيات بالخارج يفضلون المانيوال للاستمتاع اكتر بمتعة القياده ..

انا كنت عارف ان التيبترونيك هى نفسها الستيبترونيك لكن المعلومة الجديده فى كلامك هى ان " الايزى ترونيك " اساسها
مانيوال و ليس اتوماتيك عكس التيبترونيك اللى اساسها اتوماتيك .. فهل سيادتك متأكد من هذه المعلومه ؟ و هل للعربية الايزى ترونيك دبرياج ام ايضا يدوى ؟ و ايه هى العربيات ال 1600 فى مصر اللى فيها بالتحديد الايزى ترونيك ؟

الحقيقه انا ميال للمانيوال رغم ان اتجاه المستقبل هو للاوتوماتيك و تصبح المانيوال عربيه تتحط فى المتاحف :D :D
لكن يمكن تكون الايزى ترونيك مناسبة و عصريه اكتر فى نفس الوقت ..... مع خالص تحياتى و شكرى

[mr_sameh]

بصراحه موضوع مهم