ماذا تفعل اذا توقفت عربيتك صباحا

[turbocharger]

بسم الله الرحمن الرحيم

انا قولت اما اكتب الموضوع دة عشان نستفيد منوا جميعا فسالت نفسى اية اكتر حاجة مهمة فى السيارة قولت اة لما السيارة بتوقف منك ومبتمشيش ولو فى وقت حرج فقولت اما أتكلم من خبرتى ليكوا شوية عشان منطولش

فى خطوات بالترتيب كدة لازم تعملها لو العربية مادرتش الصبح او فى اى وقت جاى تدورها فية

أولا : أتأكد ان كهربة العربية مظبوطة ودة عن طريق :
- 1البطارية .

2 - انزع سلك الاسبراتير الوسطانى اللى جاى من البوبينة وشوف الشرارة بتطلع من السلك عند تدوير المارش على اى حتة حديد فى جسم العربية.

- 3لو اللى فوق تمام شوف البوجيهات عن طريق نزع سلوك البوجيهات وبردوا تشوف الشراراة لو وجدت اى سلك مابيديش شرارة يبقى اكيد العيب فى السلوك فى البوجيهات ودى الحل انك تقوم بتغييرها.


- 4لو كل اللى فوق دة تمام يبقى لسا باقيلنا حاجة بسيطة اوى فى الكهربا وهى غطى الاسبراتير أتأكد انوا مفيهوش شروخ من جوا.



5 - لو كل اللى فوق دة تمام وانا معتقدش لان أكيد هيبقى فية عيب لان نسبة كبيرة من الاعطال بتبقى بسبب الكهرباء .


ثانيا : الكربراتير :


1 - تأكد من وصول البنزين للكربراتير


2 - اتاكد ان الفلتر البنزين شغال ومش مسدود ولو مسدود غيروا


3 - ممكن تكون العربية شرقانة ولو شرقانة ممكن تفك العمة وتجيب شوية بنزين وتصبهم فى الكربراتير فى الباب اللى فية فتحة الشفاط وتشد سلك البنزين على الاخر وتجرب تدور .

وانشاء الله لينا عودة وتكملة لهذا الموضوع .

[dr_abooody]

الف شكررررررررر يا ريس

ربنا ما يوقفلك عربية

[Rembrandt]

جزاك اللة كل خير مشكور جدا

[mido_therock2004]

تسلم ويسلم الاداء دايما

[Mohamed_Rashad]

شكرا جزيلا للمعلومات القيمة.

[aymansaad]

شكرا جزيلا

[Abo.Omar]

مشكور
وعايز اضيف ان ممكن المارش مش لاقط اساسا لانى انا وواحد صاحبى عانينا من الموضوع دا فعربيته نبقى واقفسن فاشاره ومبطلين ونييجى ندور .... ولا الهوا نقعد نجرب لحد ما هى يجيلها مزاج تدور

[ابو حسين]

جزاك اللة كل خير مشكور

[إبراهيم.صادق]

شكراً ياباشا على المعلومات المفيدة
عندي مشكلة مشابهة بقالها حوالي اسبوعين: العربية بتغيب جداً عقبال ماتدور الصبح -مش أقل من دقيقة ونص ده لو دارت من أول مرة أصلاً- وباقي اليوم مافيش أي مشكلة نهائي، الغريب ان الصبح ده مابيبقاش بدري قوي يعني ده ممكن يوصل لغاية الساعة 12 الضهر وهي مش عايز تدور،

تم فك الاسبراتير وتنضيفه وتغيير الأبلاتين والبوجيهات وضبط التاكيهات، وبرضه مافيش فايدة

تفتكر ممكن يكون أيه السبب؟ العربية 128 موديل 75