ما هو ال rpm ؟!؟!

[NFS]

ايه هو الrpm, انا عارف انه اختصار revolution per minute و ان اللفات ديه عدد لفات الموتور, بس انهى جزء بظبط فى الموتور هو الى بيلف بالسرعه دى ؟؟؟؟؟ الكرانك شافت مثلا ولا عدد دوره البيستون الكامله(full 4 stroke) ولا ايه بظبط !!!!!!!!!!


ـــــــــــــــــــــــــــــــــــــــــــــ
للتعليمي ....
مشرف العــــــــــــام

[Terrible_DaRsH]

الاتنين جزء لا يتجزء من عملية دوران المحرك .

[NFS]

اكييد, بس انهى فيهم الى بيتقاس ,ياعنى تقريبا لفه الكرانك الكامله بمشوارين للبيستون,ولا حاجه تانيه خالص هى الى بيتاخد منها قراءه عداد الrpm ؟!!

[Samir Elshahawy]

اكييد, بس انهى فيهم الى بيتقاس ,ياعنى تقريبا لفه الكرانك الكامله بمشوارين للبيستون,ولا حاجه تانيه خالص هى الى بيتاخد منها قراءه عداد الrpm ؟!!

عدد اللفات بيطلق علي شئ يتحرك حركة دائرية rpm مثل ترس أو عمود دوار أو مروحة او عجلة
لكن الحركة الخطية تقاس بالسرعة الخطية (كم/ساعة - متر/دقيقة - متر/ثانية) و مثال لذلك:
- حركة المكبس داخل الاسطوانة
- حركة السيارة

لذا فعدد اللفات rpm مهني بعدد لفات عمود الكرنك بالموتور و لكن هناك علاقة لتحويل الحركة الدائرية نحصل منها علي الحركة الخطية (أو العكس) للمكبس بوحدة متر/الثانية

أرجو أن اكون قد أستطعت ان أعطيك أجابة وافية

[Ashraf_Ashraf]

عدد اللفات بيطلق علي شئ يتحرك حركة دائرية rpm مثل ترس أو عمود دوار أو مروحة او عجلة
لكن الحركة الخطية تقاس بالسرعة الخطية (كم/ساعة - متر/دقيقة - متر/ثانية) و مثال لذلك:
- حركة المكبس داخل الاسطوانة
- حركة السيارة

لذا فعدد اللفات rpm مهني بعدد لفات عمود الكرنك بالموتور و لكن هناك علاقة لتحويل الحركة الدائرية نحصل منها علي الحركة الخطية (أو العكس) للمكبس بوحدة متر/الثانية

أرجو أن اكون قد أستطعت ان أعطيك أجابة وافية

+111111111111111

[MMamdouh]

لكن الحركة الخطية تقاس بالسرعة الخطية (كم/ساعة - متر/دقيقة - متر/ثانية) و مثال لذلك:
- حركة المكبس داخل الاسطوانة

اعتقد ان حركة المكبس مش حركة خطية انما حركة ترددية و بالتالى تقاس بالهرتز... يعنى عند مثلا 3000RPM يبقى المكبس بيعمل 3000 تردد فى الدقيقة او 3000 هرتز

MMamdouh

[Samir Elshahawy]

اعتقد ان حركة المكبس مش حركة خطية انما حركة ترددية و بالتالى تقاس بالهرتز... يعنى عند مثلا 3000RPM يبقى المكبس بيعمل 3000 تردد فى الدقيقة او 3000 هرتز

MMamdouh

لأ يا باشا أسمح لي اختلف معاك المرة دي
- حركة المكبس حركة خطية (liner) اما حركة الكرانك دورانية (Rotating)
- سرعة المكبس تقاس (متر/ثانية)
- سرعة عمود الكرنك (لفة/دقيقة أو ثانية rpm أو rps)

و تذكر ...
أن في المحرك رباعي الاشواط عمود الكرنك بيلف لفتين علشان الدورة الرباعية تكتمل (السحب - الانضغاط - التمدد - العادم) , بمعني أن المكبس بيطلع و ينزل (شوطين) يكون الكرانك عمل (لفة) واحدة

يبقي فيه أختلاف و لا لأ ؟؟

[MMamdouh]

انا قصدى ان المكبس مش بيمشى "للامام" انما هو "بيتردد" ما بين النقطة الميتة العليا و النقطة الميتة السفلى و بالتالى من الاوقع قياس سرعة حركتة بالتردد فى زمن معين عن قياس حركتة بالمسافة المقطوعة لانة عمليا مبيمشيش

كلامك صح فيما يخص الاشواط مقابل لفات الكرنك بس لاحظ ان البستم بيطلع و ينزل مرتين عشان يعمل دورة احتراق كاملة و بالتالى الكرنك بيلف لفتين... اذا كل لفة من الكرنك تقابل شوطين من البستم بين النقطة الميتة العليا الى النقطة الميتة السفلى او العكس



و بما ان التردد بيتحسب من نقطة معينة الى نفس النقطة يبقى تحرك البستم من النقطة الميتة العليا الى النقطة الميتة السفلى ثم العودة الى النقطة الميتة العليا تساوى 1 هرتز و فى المشوار دة بيكون الكرنك لف لفة كاملة

اذا 1 هرتز = 1 RPM

MMamdouh

[Samir Elshahawy]

انا قصدى ان المكبس مش بيمشى "للامام" انما هو "بيتردد" ما بين النقطة الميتة العليا و النقطة الميتة السفلى و بالتالى من الاوقع قياس سرعة حركتة بالتردد فى زمن معين عن قياس حركتة بالمسافة المقطوعة لانة عمليا مبيمشيش

كلامك صح فيما يخص الاشواط مقابل لفات الكرنك بس لاحظ ان البستم بيطلع و ينزل مرتين عشان يعمل دورة احتراق كاملة و بالتالى الكرنك بيلف لفتين... اذا كل لفة من الكرنك تقابل شوطين من البستم بين النقطة الميتة العليا الى النقطة الميتة السفلى او العكس



و بما ان التردد بيتحسب من نقطة معينة الى نفس النقطة يبقى تحرك البستم من النقطة الميتة العليا الى النقطة الميتة السفلى ثم العودة الى النقطة الميتة العليا تساوى 1 هرتز و فى المشوار دة بيكون الكرنك لف لفة كاملة

اذا 1 هرتز = 1 RPM

MMamdouh

باشا...
كلامك صح أنا دلوقتي راجعت الجزء ده بسرعة كده وجدت الاتي:
Where an oscillation is tightly coupled with the rotation of shaft, and one revolution of the shaft correspode exactly to one full cycle of the ocillation, the rotational speed N of the shaft is equal to the frequency F of the oscillation.

N=F

ما اختلفناش في النقطة دي
بس أنا برضه قصدي أن قياس سرعة المكبس بالمتر/ثانية أدق من اللفات RPM

[for_ever]

ما شاء الله :) افادة ما بعدها افادة :)

[Samir Elshahawy]

ما شاء الله :) افادة ما بعدها افادة :)

و لو أوحت مع الباشا شوية كمان ممكن تتفرج علي كم المعلومات المذهلة اللي عنده , بس اخاف يفقد صبره و يطلع لي من الشاشة و و انا بصراحة مش حمله علشان كده كان لازم أسلم بسرعة

[sab3aawy]

السمحول لى اعلق على كل النقاط التى ذكرت هنا عشان نجمع المعلومات المذكورة كلها فى مشاركة واحدة:

1- RPM هى عدد لفات المحرك فى الدقيقة وهى تمثل عدد اللفات التى يدورها عمود الكرنك فى الدقيقة
2- كل دورة احتراق كاملة تتم خلال اربعة اشواط يستغرق كل منها نصف لفة لعمود الكرنك وبالتالى فدورة الاحتراق تتم كل لفتين من عمود الكرنك
3- اعمدة الكامة تدور بنصف سرعة عمود الكرنك لكى تتناسب سرعتها مع دورة الاحتراق
4- عندما يشير عداد ال RPM الى 3000 لفة للدقيقة فهذا معناه ان عمود الكرنك يدور بسرعة 3000 لفة فى الدقيقة، وكل مكبس يصعد ويهبط 3000 مرة فى الدقيقة الواحدة وعمود الكامات يدور بسرعة 1500 لفة للدقيقة الواحدة وكل صباب يفتح ويغلق 1500 مرة فى الدقيقة الواحدة وكل بوجيه يشتعل 1500 مرة فى الدقيقة الواحدة ويتم انجاز 1500 دورة احتراق كاملة فى الدقيقة الواحدة
5- حركة المكبس الخطية تمثل اسقاطا للحركة الدائرية (التى يقوم بها الكرنك) على مستوى خطى، وهو ما ينتج لنا منحنى هندسى شهير يسمى (منحنى الجيب الموجى) sinusoidal wave curve وهو خطى بيانى شهير جدا يعرفه كل مهندس كهرباء او ميكانيكا لانه تطبيقاته لا حصر لها من اول جهد وشدة التيار المتردد فى المنزل وحتى معدل سرعة مكبس داخل سلندر وآلاف التطبيقات الاخرى حيث ان سرعة المكبس الخطية تبدأ من الصفر عند النقطة الميتة العليا او السفلى وتصل الى سرعتها القصوى فى منتصف المشوار ثم تصل الى الصفر ثانيا عند النهاية الميتة السفلى وهكذا ويمكن تحديد سرعة المكبس فى اية لحظة بوحدة المتر/لكل ثانية من خلال تطبيق معادلة المنحنى v=C*sin t حيث v هى سرعة المكبس و t هى الزمن و c هى رقم ثابت يدخل فيه عدة عوامل منها سرعة دروان المحرك وطول مشوار المكبس



صورة لمنحنى تغير السرعة الخطية لمكبس السيارة
6- حركة المكبس الترددية هى نفسها سرعة الكرنك وتقاس بوحدة مقلوب الثانية وهى نفسها التى نسميها هرتز

[MMamdouh]

تسلم ايدك يا ابو السباع

انا كنت حطيت صورة زى دى فى مشاركتى بس مش عارف مش باينة ليه... دة لينك الصورة

http://www.howlaserswork.org/wp-......./uploads/2009/05/wavelength-frequency-amplitude.jpg

MMamdouh

[MMamdouh]

و لو أوحت مع الباشا شوية كمان ممكن تتفرج علي كم المعلومات المذهلة اللي عنده , بس اخاف يفقد صبره و يطلع لي من الشاشة و و انا بصراحة مش حمله علشان كده كان لازم أسلم بسرعة

لا يا باشا ازاى بقى؟؟؟؟

انا بحب جدا المناقشات الهادفة اللى بيبقى كلها معلومات وافادة و استفادة

MMamdouh

[NFS]

4- عندما يشير عداد ال rpm الى 3000 لفة للدقيقة فهذا معناه ان عمود الكرنك يدور بسرعة 3000 لفة فى الدقيقة، وكل مكبس يصعد ويهبط 3000 مرة فى الدقيقة الواحدة وعمود الكامات يدور بسرعة 1500 لفة للدقيقة الواحدة وكل صباب يفتح ويغلق 1500 مرة فى الدقيقة الواحدة وكل بوجيه يشتعل 1500 مرة فى الدقيقة الواحدة ويتم انجاز 1500 دورة احتراق كاملة فى الدقيقة الواحدة.

شكراا