ما هى عيوب الدبرياج الزيت ؟؟

[EslaM_NagY]

احلى سلام على شباب المنتدى

طبعا كلنا عارفين ان العربيات القديمة الدبرياج بتاعها شغال على سلك

وعيبه الاساسى انو بيتقطع.

طب الدبرياج الزيت الى شغال فى كل العربيات الجديدة ليه عيوب ؟؟

هل ممكن يدخله هوا ويطلع عينا زى الفرامل ؟؟
هل الزيت ليه عمر معين ؟؟
هل ليه صيانة ؟؟

ايه اسواء حاجة ممكن تحصله ؟؟



تحياتى

[essamr]

على فكرة فى عربيات قديمة والدبرياج باكم
هو ذى الفل ومعمر بس لما يزعل يتعبك شوية زى الفرامل فى شغلة

[ozy2026]

فعلا انا عربيتى فيها الدبرياج زيت
هو كويس جدا واحسن من السلك
اخر مره باظ عندى فيها كان من 4 سنين كان فى خرطوم اتقطع ووقع الزيت
غيرت الخرطوم واشتغل زى الفل
بس مشكلته فعلا انه لما بيبوظ بيتكلف اكتر من السلك

[momo44]

طيب لو دخل له هوا ازاى ممكن اسحبه

[HeMa_LanCeR]

طيب لو دخل له هوا ازاى ممكن اسحبه

عادي جدا
بيكون في مسمار عند الماستر السفلي بيتاخد منه هوا زي الفرامل
انا قبل كده كاوتش الماستر اللي تحت ضرب مني روحت لافف عليه استيك لحد ما روحت وغيرته
هو اهم ميزه فيه انه خفيف

[EslaM_NagY]

شكرا يا شباب.

[ابو حسين]

هو كويس جدا واحسن من السلك