سؤال عن حجم الموتور وعلاقته بالزيت

[megaman]

سؤال هام ليه موتور الاوكتافيا بياخد 5 لتر زيت بينما الاكسنت 3.3 فقط مع ان الاتنين 1600 معنى كده ان موتور الاوكتافيا اكبر ازاى وهل ده يخليها تدى باور اكتر وايه الجزء اللى اكبر بالضبط وما هى اضرار وضع زيت اكتر من اللى منصوص عليه فى الكتالوج يعنى مثلا ممكن نحط 305 لتر بدلا من 3. 3 وممكن بتاع الزيت يقولك 4 مطلوب الشرح لو سمحتوا

[Mahmoud_405]

ملهاش علاقه يال السي سي... ذي البيجو 405 ال 1600 بتاخد 5 لتر بالفلتر وال 2000 سي سي برده بتاخد 5 لتر بالفلتر وده سيستم الموتور

[alzelafy]

اللى اعرفو ان العربيه لو خدت زيت زيادة ممكن يطلع على البوجيهات دا اللى قالهولى واحد تاجر سيارات

[EslaM_NagY]

متابع باهتمام

[ابو حسين]

اللى اعرفو ان العربيه لو خدت زيت زيادة ممكن يطلع على البوجيهات دا اللى قالهولى واحد تاجر سيارات

[Ashraf_Ashraf]

حجم البلوك وفراغات ومجارى الزيت وطبعا حجم الفلتر هما اللى بيحددوا كميه الزيت المستخدم ومالوش علاقه خالص بقوه الموتور
انا بحط فى ال 132 ودى 2000 سى سى و 3.5 لتر ( بدون فلتر ) والماتريكس 3.5 ( بالفلتر )1600 سى سى

[fofocom4]

كمية الزيت بترجع لتصميم الموتور من حيث حجم حوض الموتور وحجم الفلتر
ملاحظة :
نرى المواتير الالمانى و الفرانساوى تاخذ كمية زيت اكبر عن اليابانى والكورى
ويرجع ذلك لاختلاف التصميم فى شكل حوض الموتور وشكل السلندرات
حجم الزيت ليس له علاقة ابدا بقوة الموتور
الزيت يساعد على انزلاق رؤوس البساتم داخل الاسطوانة وغسيل الموتور من نواتج الاحتكاك والكربون الزائد

[agwaa]

اللى اعرفو ان العربيه لو خدت زيت زيادة ممكن يطلع على البوجيهات دا اللى قالهولى واحد تاجر سيارات

الزيت يظهر على البوجيهات لأسباب ليس أحداها زيادة الزيت
فهو يظهر على البوجيهات :
_لو الموتور خفيف يعني محتاج طقم شنبر
_ لو هناك عيب في الصبابات

أما زيادة الزيت يؤدي إلى تلف أحد الأويل سيلات ( أويل سيل يضرب )